ಬೈತಲೆ ವಿನ್ಯಾಸಕ್ಕೆ ಟಿಪ್ಸ್

ನಿಮ್ಮ ಕೇಶರಾಶಿ ಆಕರ್ಷಕವಾಗಿ ಕಾಣಿಸಬೇಕಿದ್ದಲ್ಲಿ ಸರಿಯಾದ ಕ್ರಮದಲ್ಲಿ ಬೈತಲೆ ತೆಗೆಯುವುದು ಅವಶ್ಯ ಎನ್ನುತ್ತಾರೆ ಹೇರ್‌ ಎಕ್ಸ್‌ಪರ್ಟ್ಸ್. ಅದಕ್ಕಾಗಿ ಇಲ್ಲಿದೆ ಒಂದಿಷ್ಟು ಟಿಫ್ಸ್‌.

ಸುಂದರವಾಗಿ ಸರಿಯಾಗಿ ತೆಗೆದ ಬೈತಲೆ ನೋಡಲು ಆಕರ್ಷಕವಾಗಿ ಕಾಣುತ್ತದೆ. ಇದು ಆಕರ್ಷಕ ಹೇರ್‌ಸ್ಟೈಲ್‌ಗೆ ಸಹಕಾರಿ ಎನ್ನುತ್ತಾರೆ ಹೇರ್‌ ಸ್ಪೆಷಲಿಸ್ಟ್‌ ನೇಹಾ ಖನ್ನಾ. ಇದಕ್ಕಾಗಿ ಇಲ್ಲಿವೆ ಒಂದಿಷ್ಟು ಟಿಫ್ಸ್‌.

* ಬೈತಲೆ ಹೀಗಿರಲಿ

ಹಣೆಯ ಎಡ ಭಾಗಕ್ಕೆ ಬೈತಲೆ ತೆಗೆಯುವುದರಿಂದ ಯಂಗ್‌ ಲುಕ್‌ ಪಡೆಯಬಹುದು. ಎಥ್ನಿಕ್‌ ಉಡುಪು ಧರಿಸಿದಾಗ ಉದ್ದ ಹಾಗು ಮಧ್ಯೆ ಬೈತಲೆ ತೆಗೆಯುವುದು ಉತ್ತಮ. ಪಾರ್ಟಿವೇರ್‌ ಸಮಯದಲ್ಲಿ ಕಡಿಮೆ ಹಾಗು ಝಿಗ್‌ಝಾಗ್‌ ಬೈತಲೆ ಸುಂದರವಾಗಿ ಕಾಣುವುದು.

* ಸ್ಟೈಲಿಶ್‌ ಲುಕ್‌ಗಾಗಿ

ದುಂಡು ಮುಖದವರು ಉದ್ದ ಬೈತಲೆ ಹಾಗೂ ಉದ್ದ ಮುಖದವರು ಕಡಿಮೆ ಬೈತಲೆ ತೆಗೆಯುವುದರಿಂದ ಸುಂದರವಾಗಿ ಕಾಣಿಸುತ್ತದೆ. ಬೈತಲೆ ತೆಗೆಯಲು ಇಷ್ಟವಿಲ್ಲದವರು ಮುಂಭಾಗದಲ್ಲಿ ಎಳೆಂಟು ಎಳೆ ಕೂದಲಿನಿಂದ ಬೈತಲೆ ತೆಗೆದು ಉಳಿದ ಕೂದಲನ್ನು ಮುಂಭಾಗಕ್ಕೆ ಬಾಚುವುದರಿಂದ ಸ್ಟೈಲಿಶ್‌ ಲುಕ್‌ ನೀಡುತ್ತದೆ.

* ಸೌಮ್ಯ ಮುಖದ ಲುಕ್‌ಗಾಗಿ

ಅಗಲ ಮುಖವಿರುವವರು ಹಣೆಯ ಮುಂಭಾಗದಲ್ಲಿ ಸ್ವಲ್ಪ ಕೂದಲನ್ನು ತೆಗೆದು ಕಿವಿಗಳ ಪಕ್ಕದಲ್ಲಿ ಇಳಿಸಿ, ಉಳಿದ ಹಿಂಭಾಗದ ಕೂದಲನ್ನು ಬೈತಲೆ ತೆಗೆದು ಬಾಚುವುದರಿಂದ ಮುಖ ಸೌಮ್ಯವಾಗಿಯೂ, ಚಿಕ್ಕದಾಗಿಯೂ ಕಾಣುತ್ತದೆ. ಎತ್ತರ ಕಡಿಮೆ ಇರುವವರು ಹಣೆಯ ಮುಂಭಾಗದಲ್ಲಿ ಸ್ವಲ್ಪ ಬೈತಲೆ ತೆಗೆದು ಉಳಿದ ಕೂದಲನ್ನು ಸ್ವಲ್ಪ ಸಡಿಲವಾಗಿ ಹಿಂಭಾಗಕ್ಕೆ ಎತ್ತಿ ಬಾಚಿ ಪಿನ್‌ ಮಾಡುವುದರಿಂದ ಮುಖ ಉದ್ದವಾಗಿ ಕಾಣಿಸುತ್ತದೆ ಹಾಗು ಎತ್ತರವಾಗಿ ಕಾಣುತ್ತಾರೆ.

* ಹೇರ್‌ ಕಲರ್‌ ಮಾಡಿಸಿಕೊಂಡವರಾದಲ್ಲಿ

ಹೇರ್‌ ಕಲರಿಂಗ್‌ಗೆ ಒಳಗಾಗುವವರು ಎಲ್ಲಾ ಕೂದಲಿಗೆ ಒಂದೇ ಕಲರ್‌ ಬಳಸಬೇಡಿ. ಬದಲಿಗೆ ಬೈತಲೆಯ ಭಾಗದಲ್ಲಿ ಡಿಫರೆಂಟ್‌ ಕಲರ್‌ ಬಳಸಿ. ಕಲರಿಂಗ್‌ ಮಾಡಿ ಹೇರ್‌ ಬಾತ್‌ನ ನಂತರ ಒಂದು ಟವೆಲ್‌ನಿಂದ ಬೈತಲೆಯ ಚರ್ಮದ ಭಾಗವನ್ನು ಸ್ವಲ್ಪ ಉಜ್ಜಿ ನಿಮ್ಮ ಚರ್ಮದ ಬಣ್ಣ ಕಾಣುವಂತೆ ನೋಡಿಕೊಳ್ಳಿ. ವೈಟ್‌ ಹೇರ್‌ ಸಮಸ್ಯೆ ಇರುವವರು ಮಧ್ಯ ಬೈತಲೆ ತೆಗೆಯಕೂಡದು. ಎಡ ಅಥವಾ ಬಲ ಭಾಗಕ್ಕೆ ಸ್ಚಲ್ಪ ದೂರ ಮಾತ್ರ ಬೈತಲೆ ತೆಗೆಯುವುದು ಉತ್ತಮ. ಕಲರಿಂಗ್‌ ಸಮಯದಲ್ಲಿ ಬೈತಲೆಯ ಭಾಗಕ್ಕೆ ಸರಿಯಾಗಿ ಕಲರಿಂಗ್‌ ಆಗಿದೆಯೇ ನೋಡಿಕೊಳ್ಳಿ.

ಯಾವುದೇ ಕೂದಲ ವಿನ್ಯಾಸ ಮಾಡಬೇಕಾದಲ್ಲಿ ಬೈತಲೆ ನೀಟಾಗಿರಬೇಕು. ಇಲ್ಲವಾದಲ್ಲಿ ಇಡೀ ಕೇಶ ವಿನ್ಯಾಸದ ರೂಪ ಬದಲಾಗಬಹುದು-ಬ್ಯೂಟಿ ಎಕ್ಸ್‌ಪರ್ಟ್