ಫಂಕ್ಷನ್‌ನಲ್ಲಿ ಗ್ರ್ಯಾಂಡ್‌ ಆಗಿ ಮಿಂಚಲು ಒಂದಿಷ್ಟು ಟಿಪ್ಸ್

ಗ್ರ್ಯಾಂಡ್‌ ಆಗಿ ಮಿಂಚಲು ಡ್ರೆಸ್‌ ಜತೆ ಮೇಕಪ್ ಕೂಡ ಅಷ್ಟೇ ಮುಖ್ಯ.ಅದರಲ್ಲೂ ಬಳಸುವ ಫೌಂಡೇಷನ್‌, ಬ್ಲಷರ್ಸ್ ಇವುಗಳ ಆಯ್ಕೆಯಲ್ಲಿ ಸ್ವಲ್ಪ ಎಡವಿದರೂ ಅಂದ ಹಾಳಾಗುವುದು. ಇಲ್ಲಿ ಗ್ರ್ಯಾಂಡ್ ಆಗಿ ಕಾಣಿಸಲು ಬ್ಯೂಟಿ ಟಿಪ್ಸ್ ನೀಡಲಾಗಿದೆ ನೋಡಿ.

ಸ್ಯಾಟಿನ್‌ ಫಿನಿಶ್‌
ಸ್ಕಿನ್‌ ಟೋನ್‌ಗೆ ಮ್ಯಾಚ್‌ ಆಗುವ ಮ್ಯಾಟ್‌ ಫಿನಿಶ್‌ ಫೌಂಡೇಷನ್‌ ಗ್ಲಾಸಿ ಲುಕ್‌ ಕೊಡುವ ಬ್ಲಷರ್ಸ್‌ ಬಳಸಿ. ಡಾರ್ಕ್‌ ಕಲರ್‌ ಮ್ಯಾಟ್‌ ಫಿನಿಶ್‌ ಲಿಪ್‌ ಸ್ಟಿಕ್‌ ಲೇಪಿಸಿಕೊಳ್ಳಿ. ಇದು ನಿಮ್ಮ ಅಂದ ಹೆಚ್ಚಿಸುವುದು.

ಕ್ಲಾಸಿಕ್‌ ಲುಕ್‌
ಈ ಮೇಕಪ್‌ನಲ್ಲಿ ಗೋಲ್ಡನ್‌ ಅಥವಾ ಸಿಲ್ವರ್‌ ಕಲರ್‌ಫೌಂಡೇಷನ್‌ ಮತ್ತು ಗ್ಲಿಟರ್‌ ಐ ಶ್ಯಾಡೋ ಬಳಸಿ. ಕಣ್ಣಿಗೆ ಐ ಲೈನರ್‌ ಹಾಕುವುದಾದಲ್ಲಿ , ಕಣ್ಣ ಕೆಳಗಿನ ಲೈನ್‌ ನಿಮ್ಮ ಉಡುಪಿಗೆ ಹೊಂದುವ ಬಣ್ಣದ್ದಾಗಿರಲಿ. ರೆಪ್ಪೆಗಳ ಗಾಢತೆ ಹೆಚ್ಚಿಸಲು ನಕಲಿ ರೆಪ್ಪೆಗಳನ್ನು ಅಂಟಿಸಿಕೊಳ್ಳಬಹುದು. ತುಟಿಗೆ ಕೆಂಪು ಬಣ್ಣ ಅಥವಾ ಮೆರೂನ್‌ ಬಣ್ಣದ ಲಿಪ್‌ ಸ್ಟಿಕ್‌ ಹಚ್ಚಿಕೊಳ್ಳಬಹುದು.

ಗ್ರ್ಯಾಂಡ್‌ ಮೇಕಪ್‌
ಧರಿಸುವ ಉಡುಪು ಮತ್ತು ಒಡವೆ ಬಣ್ಣಕ್ಕೆ ಹೊಂದುವ ಫೌಂಡೇಷನ್‌ ಮತ್ತು ಬ್ಲಷರ್ಸ್‌ ಐ ಶ್ಯಾಡೋ,ಲಿಪ್‌ ಸ್ಟಿಕ್‌,ಲೈನರ್‌ ಹಚ್ಚಿಕೊಳ್ಳಬಹುದು. ಕಣ್ಣುಗಳಿಗೆ ಕಾಜಲ್‌ ಹಚ್ಚಿಕೊಂಡರೆ ಉತ್ತಮ. ಹೆಚ್ಚು ಒಡವೆ ಧರಿಸುವುದಾದರೆ ಬಂಗಾರ ಬಣ್ಣದ ಫೌಂಡೇಷನ್‌ ಹಚ್ಚಿಕೊಳ್ಳಬಹುದು. ತುಟಿಗೆ ಗ್ಲಿಟರ್‌ ಲಿಪ್‌ ಗ್ಲೋಸ್‌ ಹಚ್ಚಿಕೊಳ್ಳಿ. ಕಣ್ಣಿಗೆ ಕಾಂಟ್ಯಾಕ್ಟ್ ಲೆನ್ಸ್‌ ಹಾಕಿಕೊಳ್ಳಬಹುದು.ಅಲ್ಟ್ರಾ ಶೈನ್‌ ಮೇಕಪ್‌ನಲ್ಲಿ ಸುಂದರವಾಗಿ ಕಾಣಬಹುದು.