ಕಂಗನಾ ರನೌತ್ ಹಿಂದಿ ಚಲನಚಿತ್ರದಲ್ಲಿ ಮಾತ್ರ ಮಿಂಚುತ್ತಿರುವ ನಟಿಯಾಗಿರದೇ, ಬಹುಬಾಷೆಯಲ್ಲಿ ಕೂಡ ನಟನೆ ಮಾಡಿ ಸೈ ಅನ್ನಿಸಿಕೊಂಡಿದ್ದಾರೆ. ತನ್ನ ಬಹುಮುಖ ಪ್ರತಿಭೆಯಿಂದಾಗಿ ಹಲವಾರು ಚಲನಚಿತ್ರ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡ ಈ ಚೆಲುವೆಯು, ನಾಲ್ಕು ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳು ಮತ್ತು 5 ಫಿಲ್ಮ್‌ಫೇರ್ ಪ್ರಶಸ್ತಿಗಳು ಸೇರಿದಂತೆ ಅನೇಕ ಪ್ರಶಸ್ತಿಗಳನ್ನು ಪಡೆದಿದ್ದಾರೆ.
ಫ್ಯಾಶನ್ ಜಗತ್ತಿಗೆ ಕಂಗನಾ ಹೊಸ ಟ್ರೆಂಡ್‌ಗೆ ನಾಂದಿಯನ್ನು ಬರೆದ ನಟಿಯಾಗಿದ್ದು, ಭಾರತದ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಇವರು ಒಬ್ಬರು. ಕಂಗನಾ ತನ್ನದೇ ಆದ ವಿಶಿಷ್ಟವಾದ ಹವಾಭಾವ, ನಟನೆ, ಫ್ಯಾಷನ್‌ ಉಡುಗೆಗಳಿಂದ ಹೆಚ್ಚು ಜನಪ್ರಿಯರಾಗಿದ್ದಾರೆ.
ಒಟ್ಟಾರೆ ಕಂಗನಾ ಸಾಂಪ್ರದಾಯಿಕ ಉಡುಗೆಗೂ ಸೈ ಮಾರ್ಡನ್ ಉಡುಗೆಗೂ ಸೈ ಎನ್ನುತ್ತಾರೆ. ಅವರ ಅದ್ಭುತ ಲುಕ್‌ನ ಫೋಟೋಗಳು ಇಲ್ಲಿವೆ ನೋಡಿ.
ಬಿಳಿ ಬಣ್ಣದ ಚೆಲುವೆ
ತನ್ನ ಮೈ ಬಣ್ಣದ ಮಾರ್ಡನ್ ಡ್ರೆಸ್‌ನಲ್ಲಿ ಹಾಲಿವುಡ್‌ ಸ್ಟಾರ್‌ ನಟಿಯರನ್ನು ಮೀರಿಸುವ ಸೌಂದರ್ಯವನ್ನು ಹೊಂದಿದ್ದಾರೆ. ಇದೊಂದು ಬಿಳಿ ಬಣ್ಣದ ಟ್ರೆಡಿಂಗ್ ಫಾರ್ಮಲ್‌ ಡ್ರೆಸ್ ಆಗಿದ್ದು, ಇತ್ತೀಚಿನ ಟ್ರೆಡಿಂಗ್ ಲಾಂಗ್‌ ಓವರ್ ಕೋಟ್‌ ನ ಜೊತೆಗೆ ಕ್ರಾಪ್‌ ಶರ್ಟ್‌ ಅನ್ನು ಧರಿಸಿದ್ದಾರೆ.
ಇನ್ನು ಮೇಕಪ್‌ನ ವಿಷಯಕ್ಕೆ ಬಂದರೆ, ಕಣ್ಣಿಗೆ ಹಚ್ಚಿದ ಕಪ್ಪು ಕಾಡಿಗೆಯು, ಆಕರ್ಷಕವಾದ ಲುಕ್ ನೀಡಿದೆ. ವಿಶಿಷ್ಟವಾದ ಹೇರ್ ಸ್ಟೈಲ್‌, ಕುತ್ತಿಗೆಗೆ ಕಪ್ಪು ಸ್ಟೋನ್‌ಗಳ್ಳುಳ್ಳ ಸಣ್ಣ ಸರ ಸುಂದರವಾಗಿದೆ.
ಲೆಹೆಂಗ
ಎಲ್ಲರ ಅಚ್ಚು ಮೆಚ್ಚಿನ ಉಡುಗೆ ಎಂದರೆ ಅದು ಲೆಹೆಂಗ. ಸೌಂದರ್ಯ ರಾಶಿ ಕಂಗನಾ ತನ್ನ ಸೊಗಸಾದ ಲೆಹೆಂಗದಲ್ಲಿ ತುಂಬಾ ಸಾಂಪ್ರದಾಯಿಕ ಕನ್ಯೆಯಂತೆ ಕಂಗೊಳಿಸುತ್ತಿದ್ದಾರೆ. ನೇರಳೆ ಬಣ್ಣದ ಲೆಹೆಂಗಕ್ಕೆ ಕಂಗನಾ ವಿ ಶೇಪ್‌ ಬ್ಲೌಸ್ ತೊಟ್ಟಿದ್ದಾರೆ.
ಅದೇ ಬಣ್ಣದ ಗ್ರ್ಯಾಂಡ್ ಬಳೆಗಳು, ನಾಜೂಕಾದ ಸೊಂಟಕ್ಕೆ ಬೆಲ್ಟ್‌, ನೆತ್ತಿ ಮತ್ತು ಕುತ್ತಿಗೆಗೆ ವಿಶೇಷವಾದ ಆಭರಣ ಅವರ ಸೌಂದರ್ಯವನ್ನು ಹೆಚ್ಚಿಸಿದೆ.
ಕಪ್ಪು ಬಣ್ಣದ ಮಾರ್ಡನ್ ಡ್ರೆಸ್
ಇದೊಂದು ಲಿಟಲ್‌ ಬ್ಲಾಕ್‌ ಡ್ರೆಸ್ ಆಗಿದ್ದು, ಪಾರ್ಟಿ ವೇರ್‌ಗೆ ಸಖತ್‌ ಸೂಟ್‌ ಆಗುತ್ತದೆ. ತನ್ನ ಚೂಪಾದ ಕಣ್ಣಿನ ನೋಟವು ಅವರ ಮಾರ್ಡನ್ ಡ್ರೆಸ್‌ಗೆ ಹೊಂದಿಕೊಂಡಿದೆ.
ನೇರಳೆ ಬಣ್ಣದ ಡ್ರೆಸ್
ಕಾಲಿಗೆ ವಿಶಿಷ್ಟವಾದ ಗ್ಲೇಡಿಯೇಟರ್ ಫುಟ್‌ವೇರ್‌ ಅನ್ನು ಧರಿಸಿರುವ ಕಂಗನಾ, ಲಾಂಗ್‌ ಸ್ಲಿಟ್ ಮ್ಯಾಕ್ಸಿ ಡ್ರೆಸ್ ಅನ್ನು ಧರಿಸಿದ್ದಾರೆ. ಈ ಮಾರ್ಡನ್ ಡ್ರೆಸ್‌ನಲ್ಲಿ ಕಂಗನಾ ತುಂಬಾ ಹಾಟ್‌ ಆಗಿ ಕಾಣುತ್ತಿದ್ದು, ಪಡ್ಡೆ ಹುಡುಗರನ್ನು ನಿದ್ದೆಗೆಡಿಸಿದ್ದಾರೆ.
ಮರೂನ್‌ ಮಾರ್ಡನ್ ಡ್ರೆಸ್
ಒಂದೊಂದು ಡ್ರೆಸ್‌ನಲ್ಲೂ ವಿವಿಧ ಹೇರ್ ಸ್ಟೈಲ್‌ ನಿಂದ ಕಂಗೊಳಿಸುತ್ತಿರುವ ಮೋಹಕ ತಾರೆ ಮರೂನ್‌ ಬಣ್ಣದ ಪೆನ್ಸಿಲ್‌ ಕಟ್ ಲಾಂಗ್‌ ಗೌನ್‌ ತೊಟ್ಟಿದ್ದಾರೆ. ಅಭರಣ ಧರಿಸದ ಫ್ಯಾಶನ್ ಬೆಡಗಿ ಕಣ್ಣುಗಳಿಗೆ ಮಾತ್ರ ಸುಂದರವಾದ ಮೇಕಪ್‌ ಮಾಡಿಕೊಂಡಿದ್ದಾರೆ.
ಇದನ್ನು ಓದಿ: ಕೆ.ಜಿ.ಎಫ್‌ ಸಿನಿಮಾದ ದೇವಕನ್ಯೆ ಶ್ರೀನಿಧಿಯ ಸೌಂದರ್ಯ ಮಿಸ್‌ ಮಾಡ್ಕೋಬೇಡಿ…
ಇದನ್ನು ಓದಿ: ಫ್ಯಾಶನ್ ಮಾಡುವ ಮಹಿಳೆಯರು ಹೊಂದಿರಲೇಬೇಕಾದ 5 ವಸ್ತುಗಳು
ಸೀರೆಯಲ್ಲಿ ದೇವಕನ್ಯೆ
ಕಂಗನಾ ಒಂದೊಂದು ವಿಧದ ಡ್ರೆಸ್‌ನಲ್ಲಿ ಯಾವ ರೀತಿಯ ಡಿಫೆರೆಂಟ್ ಲುಕ್ ನೀಡಬೇಕು ಎಂದು ಸರಿಯಾಗಿ ಅರಿತಿದ್ದಾರೆ. ಮಾರ್ಡನ್ ಡ್ರೆಸ್‌ಗಳಲ್ಲಿ ತುಂಬಾ ಕಾನ್ಫಿಡೆನ್ಸ್ ಲುಕ್ ನೀಡುವ ಕಂಗನಾ, ಸಂಪ್ರಾದಾಯಿಕ ಉಡುಗೆಯಲ್ಲಿ ತನ್ನದೇ ಆದ ಮುಗ್ಧವಾದ ನೋಟದಿಂದ ಅಭಿಮಾನಿಗಳನ್ನು ಆಕರ್ಷಿಸುತ್ತಾರೆ.
ಕಂಗನಾ ರೇಷ್ಮೆ ಸೀರೆ, ಮುತ್ತಿನಿಂದ ಶೃಂಗರಿಸಲ್ಪಟ್ಟ ಕುತ್ತಿಗೆಗೆ ಹಾರವನ್ನು ಧರಿಸಿದ್ದಾರೆ.
ಇದನ್ನು ಓದಿ: 0 ಸೈಜ್ ಶಿಲ್ಪಾ ಶೆಟ್ಟಿಯ ಸೀರೆ ಮತ್ತು ಬ್ಲೌಸ್ ಲುಕ್ ಎಲ್ಲರ ಕಣ್ಣು ಕುಕ್ಕುವಂತಿವೆ…
ಇದನ್ನು ಓದಿ: ಜೊತೆ ಜೊತೆಯಲಿ ಧಾರವಾಹಿಯ “ಅನು” ಡ್ರೆಸ್ಸಿಂಗ್ ಸ್ಟೈಲ್‌…
ಎ ಲೈನ್‌ ಡ್ರೆಸ್
ಎ ಲೈನ್‌ ಡ್ರೆಸ್ ಹೆಚ್ಚಾಗಿ ಇಷ್ಟ ಪಡುವವರು ಕಂಗನಾರನ್ನು ಫಾಲೋ ಮಾಡಬಹುದು. ಮೆಂತ್ಯೆ ಬಣ್ಣದ ಈ ಎ ಲೈನ್‌ ಡ್ರೆಸ್‌ನಲ್ಲಿ ಕಂಗನಾ ಕಾಲೇಜ್‌ ಹುಡುಗಿಯಂತೆ ಕಾಣುತ್ತಿದ್ದಾರೆ.