ನೋಡಲು ಮಲ್ಟಿಪಲ್‌ ಮುತ್ತಿನ ಎಳೆಯ ಸರದಂತೆ ಕಾಣುವ ಇವು ಉದ್ದನೆಯ ಜಡೆಯನ್ನು ಅಲಂಕರಿಸಲು ಆಗಮಿಸಿವೆ. ಒಂದಕ್ಕಿಂತ ಒಂದು ವಿಭಿನ್ನವಾಗಿ ಕಾಣುವ ಜಡೆಯ ಮುತ್ತಿನ ಡಿಸೈನರ್‌ ಬ್ರೈಡ್‌ ಕವರಿಂಗ್‌ ಆಕ್ಸೆಸರೀಸ್‌ ಈಗಾಗಲೇ ಸಾಕಷ್ಟು ಟ್ರೆಂಡಿಯಾಗಿವೆ.
ಮದುವೆ ಸೀಸನ್‌ ಜತೆಜತೆಗೆ ಹಬ್ಬದ ಗಮ್ಮತ್ತನ್ನು ಹೆಚ್ಚಿಸಲು ಹೊಸ ರೂಪ ಪಡೆದು ಆಕ್ಸೆಸರೀಸ್‌ ಲಿಸ್ಟ್‌ನಲ್ಲಿ ಸೇರಿಕೊಂಡಿವೆ.
' ಮುತ್ತಿನ ಜಡೆಯ ಸಿಂಗಾರ ಬಲು ಸುಲಭ. ಉದ್ದ ಜಡೆಯನ್ನು ಹೆಣೆದು, ಅದರೊಳಗೆ ಈ ಮುತ್ತಿನ ಡಿಸೈನರ್‌ ಜಡೆ ಸಿಂಗಾರವನ್ನು ನುಸುಳಿಸಿದರಾಯಿತು. ನೋಡಲು ಆಕರ್ಷಕವಾಗಿ ಕಾಣುತ್ತದೆ. ನಿರ್ವಹಣೆಯೂ ಸುಲಭ' ಎನ್ನುತ್ತಾರೆ ಹೇರ್‌ ಸ್ಟೈಲಿಸ್ಟ್‌ ರೋಮಿ. ಇದನ್ನು ತೆಗೆದು ಹಾಕುವಾಗ ಕೊಂಚ ಜಾಗ್ರತೆ ವಹಿಸಿದರಾಯಿತು. ಇಲ್ಲವಾದಲ್ಲಿ ಹರಿದು ಹೋಗುವ ಸಾಧ್ಯತೆ ಹೆಚ್ಚು ಎನ್ನುತ್ತಾರೆ.