ನೇಲ್‌ಆರ್ಟ್‌ನಲ್ಲೂ ಮಳೆ

ನೇತ್ರಾವತಿ ಕೃಷ್ಣಮೂರ್ತಿ

ಮಳೆಗಾಲಕ್ಕೆ ಸೂಟ್‌ ಆಗುವಂತಹ ಡಿಫರೆಂಟ್‌ ಶೈಲಿಯ ರೇನ್‌ ನೇಲ್‌ ಆರ್ಟ್‌ ಈ ಬಾರಿಯ ಮಾನ್ಸೂನ್‌ ಸೀಸನ್‌ನಲ್ಲಿ ಯುವತಿಯರನ್ನು ಆಕರ್ಷಿಸುತ್ತಿದೆ.

ವೆಟ್‌ ಲುಕ್‌

ಮಳೆ ಹನಿ, ಮೋಡ, ಛತ್ರಿ, ಎಲೆ ಮತ್ತು ಹೂವಿನ ಮೇಲಿನ ಮಳೆ ಹನಿ, ಮಳೆಯಲ್ಲಿ ನರ್ತಿಸುವ ಹುಡುಗಿ, ಛತ್ರಿ ಕೆಳಗೆ ಹುಡುಗ- ಹುಡುಗಿ ಇರುವ ರೊಮ್ಯಾಂಟಿಕ್‌ ಚಿತ್ರ, ಕಾಮನಬಿಲ್ಲು, ಮೋಡದಿಂದ ಮಳೆ ಹನಿ ಬೀಳುವ ಚಿತ್ರ, ಹೀಗೆ ಮಳೆಗೆ ಸಂಬಂಧಿಸಿದ ವೆಟ್‌ ಲುಕ್‌ ನೀಡುವ ನೇಲ್‌ ಆರ್ಟ್‌ಗಳು ಹೆಚ್ಚು ಜನಪ್ರಿಯವಾಗಿವೆ. ಈಗಾಗಲೇ ಫೇಸ್‌ಬುಕ್‌ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಮಳೆಗೆ ಸಂಬಂಧಿಸಿದ ನೇಲ್‌ ಆರ್ಟ್‌ಗಳು ಅನಾವರಣಗೊಳ್ಳುತ್ತಿವೆ.

ಸರಳವಾದ ನೇಲ್‌ ಆರ್ಟ್‌
ಮಳೆ ನೇಲ್‌ ಆರ್ಟ್‌ ಬಹಳ ಸರಳವಾಗಿದ್ದು ನೇಲ್‌ ಆರ್ಟ್‌ ಪ್ರಿಯರು ತಾವೇ ತಮ್ಮ ಉಗುರುಗಳನ್ನು ಸಿಂಗರಿಸಿಕೊಳ್ಳಬಹುದು ಎನ್ನುತ್ತಾರೆ ಸಿಲಿಬ್ರಿಟಿ ಆರ್ಟಿಸ್ಟ್‌ ರೋಮಿ. ಐದು ಉಗುರುಗಳ ಮೇಲೆ ಬಿಳಿ ಬಣ್ಣದ ಜತೆ ಆಕ್ವಾ, ಲೈಟ್‌ ಬ್ಲ್ಯೂ, ಡಾರ್ಕ್‌ ಬ್ಲ್ಯೂ, ಬ್ಲ್ಯೂ ಶೇಡೆಡ್‌ ಬಣ್ಣಗಳಿಂದ ಚಿತ್ತಾರ ಬಿಡಿಸಿದಾಗ ಅದು ಬೆರಳುಗಳಿಗೆ ವಾಟರ್‌ ಲುಕ್‌ ನೀಡುತ್ತದೆ. ಅದರ ಮೇಲೆ ಮೋಡದ ಚಿತ್ರ ಅಥವಾ ಬಣ್ಣ ಬಣ್ಣದ ನೇಲ್‌ ಪಾಲಿಶ್‌ ಬಳಸಿ ಅಂಬ್ರೆಲ್ಲಾ ಚಿತ್ರ ಬಿಡಿಸಬಹುದು. ಚಿತ್ತಾರವನ್ನು ಗ್ಲಿಟರ್‌ ನೇಲ್‌ ಪಾಲಿಷ್‌, ಲಿಟಲ್‌ ಸ್ಟೋನ್‌ ಇನ್ನಿತರ ನೇಲ್‌ ಆರ್ಟ್‌ ಜ್ಯುವೆಲ್‌ಗಳಿಂದ ಸಿಂಗರಿಸಿದರೆ ಅದಕ್ಕೆ ರಿಚ್‌ ಲುಕ್‌ ನೀಡಬಹುದು ಎನ್ನುತ್ತಾರೆ ರೋಮಿ. ತಮ್ಮ ಕ್ರಿಯೇಟಿವಿಟಿಗೆ ತಕ್ಕಂತೆ ಸುಂದರವಾಗಿ ರೇನ್‌ ನೇಲ್‌ ಆರ್ಟ್‌ ಮಾಡಿಕೊಳ್ಳಬಹುದು ಎನ್ನುತ್ತಾರೆ ಅವರು.


ಮಳೆ ನೇಲ್‌ ಆರ್ಟ್‌ ಮಾನ್ಸೂನ್‌ ಸೀಸನ್‌ ಫ್ಯಾಷನ್‌ನಲ್ಲಿ ಈಗ ಟ್ರೆಂಡಿ ಆಗಿದೆ. ಹೆಚ್ಚಾಗಿ ಕಾಲೇಜು ಯುವತಿಯರನ್ನು ಸೆಳೆಯುತ್ತಿದೆ.
ರೋಮಿ| ಸಿಲೆಬ್ರಿಟಿ ಆರ್ಟಿಸ್ಟ್‌


ನೀವೂ ಟ್ರೈ ಮಾಡಿ
ನೇಲ್‌ ಆರ್ಟ್‌ ಮಾಡುವ ಮುಂಚೆ ನಿಮ್ಮ ಕೈ ಬೆರಳುಗಳನ್ನು ಚೆನ್ನಾಗಿ ಮೆನಿಕ್ಯೂರ್‌ ಮಾಡಿ. ಉಗುರುಗಳ ಮೇಲೆ ನೀಲಿ ಬಣ್ಣದ ನೇಲ್‌ ಪಾಲಿಶ್‌ ಹಚ್ಚಿ. ನಂತರ ನಿಧಾನವಾಗಿ ಒಂದು ಉಗುರಿನ ಮೇಲೆ ಮೋಡದ ಚಿತ್ರ ಬಿಡಿಸಿ. ಅದಕ್ಕೆ ಬಿಳಿ ಬಣ್ಣದ ನೇಲ್‌ ಪಾಲಿಶ್‌ ಹಚ್ಚಿ. ಮೋಡದ ಕೆಳಗೆ ಮಳೆ ಹನಿ ಬೀಳುವಂತೆ ನೀರಿನ ಹನಿ ಚಿತ್ರ ಬಿಡಿಸಿ ಅದಕ್ಕೆ ಬಣ್ಣ ಹಚ್ಚಿ. ಇನ್ನೊಂದು ಬೆರಳಿಗೆ ಛತ್ರಿ ಚಿತ್ರ ಬಿಡಿಸಿ . ಅದಕ್ಕೆ ಕಪ್ಪು ಬಣ್ಣ ಅಥವಾ ಕಲರ್‌ಫುಲ್‌ ಛತ್ರಿ ಬೇಕೆಂದರೆ ಬಣ್ಣ ಬಣ್ಣದ ನೇಲ್‌ ಪಾಲಿಶ್‌ ಹಚ್ಚಿ. ಹೀಗೆ ಒಂದು ಉಗುರಿಗೆ ಮೋಡ ಇನ್ನೊಂದು ಉಗುರಿಗೆ ಛತ್ರಿ ಚಿತ್ರ ಬಿಡಿಸಿ. ನಿಮ್ಮ ಬೆರಳುಗಳನ್ನು ಸಿಂಗರಿಸಿ, ಚಿತ್ರಕ್ಕೆ ಅಗತ್ಯವೆನಿಸಿದರೆ ಗ್ಲಿಟರ್‌ ನೇಲ್‌ ಪಾಲಿಶ್‌ ಹಚ್ಚಿ. ನಿಮ್ಮ ನೇಲ್‌ ಅಗಲ ಮತ್ತು ಉದ್ದವಾಗಿದ್ದರೆ ರೇನ್‌ ಸ್ಟೋನ್‌ ನಂತರ ಸಣ್ಣ ಸಣ್ಣ ಹೊಳಪಿನ ಜುವೆಲ್‌ಗಳನ್ನು ಐಲೇನರ್‌ ಮತ್ತು ಲಿಪ್‌ ಪೆನ್ಸಿಲ್‌ ಸಹಾಯದಿಂದ ಹಾಕಿ ಉಗುರುಗಳನ್ನು ಅಲಂಕರಿಸಿ.