ಯುವಕರ ಸ್ಮಾರ್ಟ್‌ ಲುಕ್‌

ಸಮ ವಯಸ್ಸಿನ ಮಹಿಳೆಗಿಂತ ಪುರುಷರ ಚರ್ಮ ಶೇ. 25 ರಷ್ಟು ಗಡಸಾಗಿರುತ್ತದೆ ಎನ್ನುತ್ತದೆ ಸಮೀಕ್ಷೆ. ಹಾಗಾಗಿ ಪುರುಷರಿಗೂ ಸೌಂದರ್ಯ ಕಾಳಜಿ ಅಗತ್ಯ ಎನ್ನುತ್ತಾರೆ ಎಕ್ಸ್‌ಪರ್ಟ್ಸ್.

ಸೌಂದರ್ಯದ ಬಗ್ಗೆ ಮಹಿಳೆಗಿರುವಷ್ಟು ಕಾಳಜಿ ಪುರುಷನಿಗೆ ಇರುವುದಿಲ್ಲ . ಆದರೆ, ಕೆಲವರು ಮಾತ್ರ ಮುಖದ ಚರ್ಮದ ಬಗ್ಗೆ ಕಾಳಜಿ ವಹಿಸುತ್ತಾರಂತೆ ಹಾಗೆಂದು ಇಂಟರ್‌ನ್ಯಾಷನಲ್‌ ಕಾಸ್ಮೆಟಿಕ್‌ ಸಂಸ್ಥೆಯ ವರದಿ ತಿಳಿಸಿದೆ.

ಕೆಲವು ಯುವಕರು ಸೋಪನ್ನು ಬಿಟ್ಟು ಬೇರಾರ‍ಯವುದೇ ಕಾಸ್ಮೆಟಿಕ್‌ ಬಳಸುವುದಿಲ್ಲ. ಕೆಲವು ಸೋಪ್‌ ಚರ್ಮದ ಸ್ನಿಗ್ಧತೆಯನ್ನು ಅಳಿಸುತ್ತದೆ. ಜಿಡ್ಡಾದ ಚರ್ಮಕ್ಕೂ ಕಂಫರ್ಟ್‌ ಅನಿಸುವುದಿಲ್ಲ. ಇನ್ನಷ್ಟು ಹೆಚ್ಚು ಜಿಡ್ಡು ಉತ್ಪತ್ತಿಯಾಗುತ್ತದೆ. ಪರಿಣಾಮ ಯುವಕರ ತ್ವಚೆ ರಫ್‌ ಆಗುತ್ತದೆ. ಇದಕ್ಕೂ ಪರಿಹಾರವಿದೆ. ತ್ವಚೆಗೆ ಮ್ಯಾಚ್‌ ಆಗುವ ಸ್ಕಿನ್‌ ಕ್ರೀಮ್‌ಗಳನ್ನು ಬಳಸಿದಲ್ಲಿ ಕಾಂತಿಯುಕ್ತವಾಗುವುದು.