ಸ್ಟ್ರೀಟ್‌ಸ್ಟೈಲ್‌

ಎಲ್ಲರಿಗೂ ಅವರದ್ದೇ ಆದ ಡ್ರೆಸ್‌ಕೋಡ್‌ ಇರುತ್ತದೆ. ಅವರವರ ಪರ್ಸನಾಲಿಟಿಗೆ ತಕ್ಕಂತೆ ಡ್ರೆಸ್‌ಕೋಡ್‌ ಮಾರ್ಪಾಡಾಗುತ್ತದೆ. ಒಬ್ಬರು ಇನ್ನೊಬ್ಬರನ್ನು ಫಾಲೋ ಮಾಡಬೇಕೆಂಬ ರೂಲ್ಸ್‌ ಇಲ್ಲ. ಇದು ನನ್ನ ಫ್ಯಾಷನ್‌ ರೂಲ್ಸ್‌ ಎನ್ನುತ್ತಾರೆ ಶಶಿಕುಮಾರ್‌. ಈ ಬಗ್ಗೆ ಅವರು ಮಾತನಾಡಿದ್ದಾರೆ.

* ನಿಮ್ಮ ಫ್ಯಾಷನ್‌ ಮಂತ್ರ ಏನು? ವಿವರಿಸಿ.

ಪ್ರತಿಯೊಂದು ರಾಷ್ಟ್ರದಲ್ಲೂ ಕಲೆ-ಸಂಸ್ಕೃತಿಗೆ ಮ್ಯಾಚ್‌ ಆಗುವಂತೆ ಡ್ರೆಸ್‌ಕೋಡ್‌ಗಳು ರೂಪಿತಗೊಂಡಿರುತ್ತವೆ. ಇದಕ್ಕೆ ತಕ್ಕಂತೆ ನಾವು ಕೂಡ ನಮ್ಮದೇ ಆದ ಡ್ರೆಸ್‌ಕೋಡ್‌ ಪಾಲನೆ ಮಾಡುತ್ತೇವೆ. ನನ್ನದು ಯೋಗಿಕ್‌ ಸ್ಟೈಲ್‌ ಡ್ರೆಸ್‌ಕೋಡ್‌. ಇದು ಯೋಗಿಗಳಂತೆ ಬಿಂಬಿಸುತ್ತದೆ. ಅಲ್ಲದೇ ಇಂಡಿಯನ್‌ ಕಲ್ಚರನ್ನು ಎತ್ತಿ ಹಿಡಿಯುತ್ತದೆ.

* ಸ್ಟೈಲ್‌ ಸ್ಟೇಟ್‌ಮೆಂಟ್‌ ಬದಲಾಗಲು ವೆಸ್ಟರ್ನ್‌ ಲುಕ್‌ ಬೇಕಾ?

ಖಂಡಿತಾ ಇಲ್ಲ. ನಮ್ಮ ಕಲ್ಚರ್‌ ಹಾಗೂ ಸಂಸ್ಕೃತಿಗೆ ಸೂಟ್‌ ಆಗುವಂತೆ ಡ್ರೆಸ್‌ ಮಾಡಿದಾಗ ನಾವು ನಮ್ಮ ಡ್ರೆಸ್‌ಕೋಡನ್ನು ಗೌರವಿಸಿದಂತಾಗುತ್ತದೆ. ನಾವು ನಮ್ಮ ಕಲ್ಚರನ್ನು ಗೌರವಿಸದಿದ್ದರೇ ಮತ್ತ್ಯಾರು ಗೌರವಿಸುತ್ತಾರೆ. ಅದನ್ನು ಮೊದಲು ಮನಗಾಣಬೇಕು.