ಸೀರೆ ಇದ್ದರೆ ಸಾಕೆ? ಉಡುವುದಕ್ಕೂ ಗೊತ್ತಿರಬೇಕು

• ಈಗ ಸುಮಾರು ಕಾಲದಿಂದ, ಸೀರೆಯ ಜತೆ ಬೇರೆ ವಸ್ತು ಗಳು ಮುಖ್ಯ , ಮಂತ್ರಕ್ಕಿಂತ ಉಗುಳು ಹೆಚ್ಚು ಎನ್ನುವಂತೆ .
• ಸೀರೆಗೆ ಹೊಂದುವ ರವಿಕೆ, ಒಳ ಲಂಗ, ಕಿವಿಗೆ, ಕಟ್ಟಿಗೆ, ಮುಂಗೈಗೆ ಆಭರಣಗಳು ಬೇಡವೇ? ಅದನೆಲ್ಲಾ ಕೊಡಿಸು ವವರು ಯಾರು? " ನಿನ್ನ ಕಣ್ಣ ಕಾಡಿಗೆ, ನನ್ನ ಮನೆಯ ಬಾಡಿಗೆ" ಎಂದು ಒಂದು ಚಿತ್ರಗೀತೆಯ ಸಾಲಿನ ತರಹ.
• ಸೀರೆ ತಂಟೆಗೆ ಹೋದರೆ ಗಂಡನ ಜೇಬಿಗೆ ಕತ್ತರಿ ಗಾರೆಂಟಿ. ಮಾರ್ಕೆಟ್ಟಿನಲ್ಲಿ ಇರುವ ತರಹಾವರಿ ಡಿಸೈನ್ ರವಿಕೆಗಳು, ಕಿವಿಯೋಲೆಗಳು, ಕೈ ಬಳೆಗಳು, ಬ್ರೇಸ್ಲೆಟ್, ನೆಕ್ಲೆಸ್, ಸಾರೀ ಪಿನ್, ಅಷ್ಟೇಕೆ , ಸೀರೆ ಬ್ಲೌಸ್ ಜತೆ ಹಾಕುವ ಒಳ ಉಡುಪುಗಳೂ ಇವೆ!
• ಇವೆಲ್ಲವನ್ನೂ ಕೊಳ್ಳಲು ಪರ್ಸ್ ಅಥವಾ ಕ್ರೆಡಿಟ್ ಕಾರ್ಡ್ ತುಂಬಾ ಹಣ ಬೇಕೇ ಬೇಕು. ಹೊಸ ಸೀರೆಯ ಅಂಚು ಸೆರಗು, ರವಿಕೆ ಎಲ್ಲವೂ ರೆಡಿ ಆದ ಮೇಲೆ ಬ್ಯೂಟಿ ಪಾರ್ಲರ್ ಭೇಟಿ ಕಡ್ಡಾಯ. ಈಗ ನೀವೇ ಲೆಕ್ಕ ಹಾಕಿ.​

• ಸೀರೆ ಉಡುವುದು ಕಲೆ, ನೀಟಾಗಿ ಪಿನ್ ಹಾಕಿ ಉಟ್ಟರೂ, ಹಾಗೆಯೇ ಉಟ್ಟರೂ ಚಂದ. ಅಡ್ಡಾದಿಡ್ಡಿ ಉಟ್ಟರೆ ನೋಡಲು ಹಿಂಸೆ. ಅದಕ್ಕಾಗಿ ರೆಡಿ ಮೇಡ್ ಸೀರೆಗಳು ಬಂದಿವೆ.
• ನೆರಿಗೆ, ಸೆರಗು ಜೋಡಿಸಿ ಪಿನ್ ಹಾಕಿರುವ ಅದನ್ನು ಧರಿಸ ಬೇಕು, ಉಡುವುದಲ್ಲ.ನಿಮ್ಮ ಸೀರೆಯನ್ನು ಈ ರೀತಿ ತಯಾರು ಮಾಡುವ ಸೇವೆಗಳೂ ಇವೆ. ಒಂದು ಸೀರೆ ಬೆಲೆ ಯಷ್ಟೇ ಅವರ ಸೇವಾದರಗಳೂ ಸಹ.​

• ಹೌದು! ಸೀರೆ ಉಡಿಸುವುದು ಲಾಭಕರವಾದ ವೃತ್ತಿ.. ಮದುವೆ ಮನೆಗಳು, ಹುಟ್ಟುಹಬ್ಬ, ಸೀಮಂತ, ನಾಮ ಕರಣ, ಗೃಹಪ್ರವೇಶ ಹೀಗೆ ಹಲವಾರು ಸಮಾರಂಭಗಳಿಗೆ ಮುಖದ ಮೇಕಪ್, ಕೇಶಾಲಂಕಾರದ ಜತೆಗೆ ಸೀರೆ ಉಡಿಸುವುದೂ ಒಂದು ಪ್ಯಾಕೇಜ್. ಇವರು ತೆಗೆದು ಕೊಳ್ಳುವ ಹಣದ ಮೊತ್ತ ನೋಡಿ,
• ಇಲ್ಲೊಬ್ಬರು ಅಯ್ಯೋ, ನಾನು ಸೀರೆ ಉಡಿಸುವುದು ಕಲಿತು, ಡಾಕ್ಟರ್ ವೃತ್ತಿ ಬಿಟ್ಟುಬಿಡುವೆ ಎಂದರು!​

• ಸೀರೆ ಎಂದರೆ ಗಂಡನನ್ನು ಪೀಡಿಸುವ ಹೆಂಡತಿಯ ದೃಶ್ಯವೇ ವ್ಯಂಗ್ಯ ಚಿತ್ರಗಳಲ್ಲಿ, ಕತೆಗಳಲ್ಲಿ ಹೇರಳವಾಗಿ ಸಿಗುತ್ತದೆ. ಹೆಣ್ಣು ತನ್ನ ಸಂಪಾದನೆಯಲ್ಲಿ ತನಗಿಷ್ಟವಾದ ಸೀರೆ ಇತ್ಯಾದಿ ಕೊಳ್ಳುವುದು ತಪ್ಪು, ಮನೆಗೆ .
• ಮಕ್ಕಳಿಗೆ ಅವಳ ಸಂಬಳ ಮೀಸಲು ಎಂಬೆಲ್ಲ ಬಿಟ್ಟಿ ಉಪದೇಶ ಧಾರಾಳವಾಗಿ ಸಿಗುತ್ತದೆ. ಜಾಣ ಹೆಣ್ಣು, ಸಂಸಾರಕ್ಕೆ ಹೆಗಲು ಕೊಟ್ಟು ಕೂಡ, ಸೀರೆ ಕೊಳ್ಳುತ್ತಾಳೆ .
• ಚೂಡಿದಾರ್, ಪ್ಯಾಂಟ್ ಶರ್ಟ್, ಸ್ಕರ್ಟ್ ಬ್ಲೌಸ್ ಹೀಗೆಲ್ಲ ದಿನನಿತ್ಯದ ಉಡುಗೆ ಇದ್ದರೂ, ವಿಶೇಷ ಸಂದರ್ಭ , ಹಬ್ಬ ಹರಿದಿನಗಳಲ್ಲಿ ಹೆಣ್ಣಿಗೆ ಬೇಕೇ ಬೇಕು ಸೀರೆ, ಜತೆಗೆ ಬೇರೆಲ್ಲವೂ!​

All Images Source: Istock