ಟ್ರೆಂಡಿಯಾದ 3 ವಾಟರ್‌ಮೆಲನ್‌ ಆರ್ಟ್‌

ಸಮ್ಮರ್‌ ಸೀಸನ್‌ಗಾಗಿ ವಾಟರ್‌ಮೆಲನ್‌ ಲಿಪ್‌ ಆರ್ಟ್‌, ಐ ಮೇಕಪ್‌ ಆರ್ಟ್‌ ಮತ್ತು ನೇಲ್‌ ಆರ್ಟ್‌ಗಳು ಫೇಸ್‌ಬುಕ್‌, ಇನ್ಸ್‌ಸ್ಟಾ ಗ್ರಾಮ್‌ ಹಾಗೂ ಫ್ಯಾಷನ್‌ ಬ್ಲಾಗ್‌ಗಳಲ್ಲಿ ಹೆಚ್ಚು ಟ್ರೆಂಡಿಯಾಗಿವೆ.

- ನೇತ್ರಾವತಿ ಕೃಷ್ಣಮೂರ್ತಿ

ಬೇಸಿಗೆ ಕಾಲದಲ್ಲಿ ಹೆಚ್ಚಾಗಿ ಸೇವಿಸುವ ಹಣ್ಣು ಕಲ್ಲಂಗಡಿ. ಹಾಗಾಗಿ ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ ಲೋಡ್‌ ಆಗಿರುವ ಕಲ್ಲಂಗಡಿ ಹಣ್ಣಿಗೆ ಸಂಬಂಧಿಸಿದ ಲಿಪ್‌ ಆರ್ಟ್‌, ಐ ಮೇಕಪ್‌ ಆರ್ಟ್‌ ಮತ್ತು ನೇಲ್‌ ಆರ್ಟ್‌ಗಳು ಹೆಚ್ಚು ವೈರಲ್‌ ಆಗಿದ್ದು , ಯುವತಿಯರನ್ನು ಆಕರ್ಷಿಸುತ್ತಿವæ.

ವಾಟರ್‌ ಮೆಲನ್‌ ಲಿಪ್‌ ಆರ್ಟ್‌

ಕಲ್ಲಂಗಡಿ ಹಣ್ಣಿನ ಬಣ್ಣಗಳಾದ ಹಸಿರು, ಕೆಂಪು, ಕಪ್ಪು ಬಣ್ಣದ ಗ್ಲಾಸಿ, ಸ್ಟೈನ್ಸ್‌, ಲಾಂಗ್‌ ವೇರಿಂಗ್‌, ಮ್ಯಾಟಿ, ಮ್ಯಾಯಿಶ್ಚರೈಸಿಂಗ್‌, ಪರ್ಲ್‌/ಫ್ರೋಸ್ಟೆಡ್‌, ಶೀರ್‌, ಕ್ರೀಮ್‌, ಪೆನ್ಸಿಲ್‌, ಟ್ಯೂಬ್‌ ಆ್ಯಂಡ್‌ ಸ್ಟಿಕ್‌, ಲಿಕ್ವಿಡ್‌ ಟೈಪ್‌ನ ಲಿಪ್‌ಸ್ಟಿಕ್‌ಗಳಿಂದ ತುಟಿಗಳ ಮೇಲೆ ಕಲ್ಲಂಗಡಿ ಹಣ್ಣಿನ ಚಿತ್ರವನ್ನು ಸುಂದರವಾಗಿ ಚಿತ್ರಿಸಿರುವ ವೆರೈಟಿ ಲಿಪ್‌ ಆರ್ಟ್‌ ಡಿಸೈನ್‌ಗಳು ಹೆಚ್ಚು ಆಕರ್ಷಕವಾಗಿದ್ದು, ಎಲ್ಲೆಡೆ ವೈರಲ್‌ ಆಗಿದೆ.

ವಾಟರ್‌ಮೆಲನ್‌ ಐ ಮೇಕಪ್‌ ಆರ್ಟ್‌

ಕಣ್ಣಿಗೆ ಕೆಳಗೆ ಹಸಿರು, ಕಣ್ಣಿನ ಚರ್ಮದ ಮೇಲೆ ಕೆಂಪು ಬಣ್ಣವನ್ನು ಹಚ್ಚಿ ಅದರ ಮೇಲೆ ಸಣ್ಣ ಸಣ್ಣ ಕಪ್ಪು ಚುಕ್ಕೆಗಳನ್ನು ಬಿಡಿಸಿ ಕಲ್ಲಂಗಡಿ ಹಣ್ಣಿನ ಲುಕ್‌ ನೀಡುವ ಮನಮೋಹಕ ವೆರೈಟಿ ಮೇಕಪ್‌ ಆರ್ಟ್‌ಗಳು ಮುಖದ ಸೌಂದರ್ಯ ಹೆಚ್ಚಿಸುವುದರ ಜತೆಗೆ ಸೀಸನ್‌ ಟ್ರೆಂಡಿ ಐ ಮೇಕಪ್‌ ಆರ್ಟ್‌ ಎನಿಕೊಂಡಿವೆ.

ವಾಟರ್‌ಮೆಲನ್‌ ನೇಲ್‌ ಆರ್ಟ್‌

ಕೈಗಳ ಅಂದ ಹೆಚ್ಚಿಸುವ ನೇಲ್‌ ಆರ್ಟ್‌ಗಳಲ್ಲಿ ಈಗ ಕಲ್ಲಂಗಡಿ ಹಣ್ಣಿನ ನೇಲ್‌ ಆರ್ಟ್‌ನ ಟ್ರೆಂಡ್‌ ಹೆಚ್ಚಿದೆ. ಐದು ಬೆರಳಿನ ಉಗುರುಗಳಿಗೂ ಹಸಿರು, ಕೆಂಪು ಮತ್ತು ಕಪ್ಪು ಬಣ್ಣದ ನೇಲ್‌ ಪಾಲಿಷ್‌ಗಳನ್ನು ಬಳಸಿ ಕ್ರಿಯಾತ್ಮಕವಾಗಿ ಸಿಂಗರಿಸುವ ವಾಟರ್‌ ಮೆಲನ್‌ ನೇಲ್‌ ಆರ್ಟ್‌ಗಳು ಯುವತಿಯರನ್ನು, ಮಹಿಳೆಯರನ್ನು ಸೆಳೆಯುತ್ತಿವೆ. ವಾಟರ್‌ ಮೆಲನ್‌ ನೇಲ್‌ ಆರ್ಟ್‌ ಸರಳವಾಗಿದ್ದು ತಮ್ಮ ಬೆರಳುಗಳನ್ನು ತಾವೇ ಸಿಂಗರಿಸಿಕೊಳ್ಳಬಹುದು ಎನ್ನುತ್ತಾರೆ ನೇಲ್‌ ಆರ್ಟ್‌ ಪ್ರಿಯೆ ರಮ್ಯಾ.

-------------

ಸಮ್ಮರ್‌ನಲ್ಲಿ ವಾಟರ್‌ ಮೆಲನ್‌ ನೇಲ್‌ ಆರ್ಟ್‌, ಐ ಮೇಕಪ್‌ ಆರ್ಟ್‌ ಮತ್ತು ಲಿಪ್‌ ಆರ್ಟ್‌ಗಳು ಟ್ರೆಂಡಿಯಾಗಿದ್ದು, ಫ್ಯಾಷನ್‌ ಪ್ರಿಯ ಯುವತಿಯರು ತಾವು ಪ್ರಯೋಗಾತ್ಮಕವಾಗಿ ಇದನ್ನು ಚಿತ್ರಿಸಿ ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡುತ್ತಿದ್ದಾರೆ.

- ರಮೇಶ್‌ ವೆಂಕಟ್‌ | ಮೇಕಪ್‌ಆರ್ಟಿಸ್ಟ್‌