ಈ ಸ್ಪರ್ಧೆಯಲ್ಲಿ ಮೈಸೂರಿನ ಜಿಎಸ್‌ಎಸ್‌ಎಸ್‌ ಕಾಲೇಜಿನ ವರ್ಷಾ ಎಂ.ಎಸ್‌. ವಿಜೇತರಾದರು. ಅದೇ ಕಾಲೇಜಿನ ನಿತ್ಯಾ ಸಿ.ಎಂ. ಪ್ರಥಮ ರನ್ನರ್‌ ಅಪ್‌ ಸ್ಥಾನ ಗಳಿಸಿದರು. ವಿದ್ಯಾವರ್ಧಕ ಎಂಜಿನಿಯರಿಂಗ್‌ ಕಾಲೇಜಿನ ಲೇಖನ ಎಂ. ದ್ವಿತೀಯ ರನ್ನರ್‌ ಅಪ್‌ ಸ್ಥಾನಿಯಾದರು. ಕ್ರೆಸ್ಟಾ ಕಾಲೇಜಿನ ಲೀಷಾ ಎಸ್‌. ಹಾಗೂ ಎಸ್‌ಜೆಪಿ ಕಾಲೇಜಿನ ಯೋಗಿತಾ ಎ.ಜಿ. ಅಂತಿಮ ಹಂತದ ಸ್ವರ್ಧೆಗೆ ಆಯ್ಕೆಯಾದರು. ಈ ಮೂಲಕ ಮೈಸೂರಿನಿಂದ ಐವರು ಕಾಲೇಜು ವಿದ್ಯಾರ್ಥಿನಿಯರು ಬೆಂಗಳೂರಿನಲ್ಲಿನಡೆಯುವ ಅಂತಿಮ ಹಂತದ ಸ್ವರ್ಧೆಗೆ ಆಯ್ಕೆಯಾದರು. ಸ್ಪರ್ಧೆಯಲ್ಲಿಚಿತ್ರನಟಿ ಹಾಗೂ ನಿರೂಪಕಿ ಅನುಪಮಾ ಗೌಡ, ರಂಗಭೂಮಿ ಕಲಾವಿದೆ ಅಕ್ಷತಾ ಪಾಂಡವಪುರ, ಫ್ಯಾಷನ್‌ ಉದ್ಯಮಿ ಹಾಗೂ ವಿನ್ಯಾಸಕಿ ಜಯಂತಿ ಬಲ್ಲಾಳ್‌ ಮತ್ತು ರೇಡಿಯೋ ಜಾಕಿ ಅನನ್ಯ ಜ್ಯೂರಿಗಳಾಗಿ ಪಾಲ್ಗೊಂಡಿದ್ದರು.
ರೇವಾ ಯೂನಿವರ್ಸಿಟಿ, ಸ್ಪಶ್‌ರ್‍ ಮಸಾಲಾ ಪ್ರಾಯೋಜಕತ್ವದ ವಿಕ ನವತಾರೆ 2019 ಸ್ಪರ್ಧೆಗೆ ಮೈಸೂರು ಟರ್ಪಾಲಿನ್ಸ್‌, ವೈಭವ್‌ ಸ್ಪೀಚ್‌ ಅಂಡ್‌ ಹಿಯರಿಂಗ್‌ ಸೆಂಟರ್‌ ಹಾಗೂ ನವನಗರ ಅರ್ಬನ್‌ ಕೊ-ಅಪರೇಟಿವ್‌ ಬ್ಯಾಂಕ್‌ ಸ್ಥಳೀಯ ಪ್ರಾಯೋಜಕತ್ವ ನೀಡಿದ್ದರು. ಮೈಸೂರಿನ ಕ್ರೆಸ್ಟ ಕಾಲೇಜ್‌ ಆಫ್‌ ಮ್ಯಾನೇಜ್‌ಮೆಂಟ್‌, ಸೈನ್ಸ್‌ ಅಂಡ್‌ ಆರ್ಟ್ಸ್ ಸಭಾಂಗಣ ಸಹಕಾರ ನೀಡಿತ್ತು.