ಶ್ವೇತ ವರ್ಣದ ಡ್ರೆಸ್‌ ನಿರ್ವಹಣೆಗೆ 3 ಐಡಿಯಾ

ಮಳೆಗಾಲದಲ್ಲಿ ಶ್ವೇತ ವರ್ಣದ ಉಡುಪನ್ನು ನಿರ್ವಹಣೆ ಮಾಡುವುದು ತುಸು ಕಷ್ಟದ ಕೆಲಸ. ಈ ಉಡುಪುಗಳ ನಿರ್ವಹಣೆ ಕುರಿತಂತೆ ಎಕ್ಸ್‌ಪರ್ಟ್ಸ್ ಒಂದಿಷ್ಟು ಟಿಫ್ಸ್‌ ನೀಡಿದ್ದಾರೆ.

ಕಲೆ ಮಾಯವಾಗಲು

1. ಬಿಳಿ ಬಟ್ಟೆಗಳ ಮೇಲೆ ಕಬ್ಬಿಣದ ತುಕ್ಕುಗಳ ಕಲೆಯುಂಟಾಗಿದ್ದಲ್ಲಿ, ಕಲೆಯುಂಟಾದ ಜಾಗವನ್ನು ಮೊದಲು ಹಾಲಿನಲ್ಲಿ ಅದ್ದಬೇಕು. ನಂತರ, ಅದರ ಮೇಲೆ ಪುಡಿ ಉಪ್ಪನ್ನು ಹಾಕಿ, ಚೆನ್ನಾಗಿ ಉಜ್ಜಿ, ನೀರಿನಿಂದ ತೊಳೆದರೆ ಕಲೆ ಮಾಯವಾಗುತ್ತದೆ.

ಬಟ್ಟೆಯಲ್ಲಿ ಬೆವರಿನ ಕಲೆಗಳಿದ್ದರೆ, ನೀರಿಗೆ ನಿಂಬೆರಸವನ್ನು ಹಾಕಿ, ಆ ನೀರನ್ನು ಸ್ಪಂಜಿನಿಂದ ಕಲೆಯಿರುವ ಜಾಗದಲ್ಲಿ ಒರೆಸಿದರೆ, ಕಲೆಗಳು ಕಾಣಿಸುವುದಿಲ್ಲ.

2. ಬಿಳಿಬಟ್ಟೆಗಳನ್ನು ಒಗೆದ ನಂತರ ನೀಲಿ ದ್ರಾವಣದಲ್ಲಿ ಅದ್ದಿ, ಒಣಗಿಸಲು ಹಾಕಿದರೆ ಬಟ್ಟೆಗಳು ಹೊಳಪು ದೊರೆಯುತ್ತದೆ. ಬಿಳಿ ಬಟ್ಟೆಗೆ ನೀಲಿ ಹಾಕಿದ ನಂತರ ಬಟ್ಟೆಯನ್ನು ಗಟ್ಟಿಯಾಗಿ ಹಿಂಡಬಾರದು, ಹಿಂಡಿದರೆ, ನೀಲಿಯ ಕಲೆಗಳು ಅಲ್ಲಲ್ಲಿ ಹಾಗೆಯೇ ಉಳಿದುಕೊಳ್ಳುತ್ತವೆ.

3. ಸಣ್ಣ ಪುಟ್ಟ ಕಲೆಗಳಾಗಿದ್ದರೆ, ಕಲೆಗಳ ಮೇಲೆ ಟಾಲ್ಕಂ ಪೌಡರನ್ನು ಸವರಿ, ಅದರ ಮೇಲೆ ಬ್ಲಾಟಿಂಗ್‌ ಪೇಪರನ್ನಿಟ್ಟು ಚೆನ್ನಾಗಿ ಉಜ್ಜಿದಲ್ಲಿ , ಕಲೆಗಳು ಕೊಂಚ ಮಾಯವಾಗುತ್ತದೆ. ಬಿಳಿ ಬಟ್ಟೆಗಳನ್ನು ವಾಷಿಂಗ್‌ ಮೆಷಿನ್‌ನಲ್ಲಿ ಒಗೆಯುವ ಮುನ್ನ ಶರ್ಟ್‌ನ ಕೈ ತೋಳು, ಕಂಕುಳು, ಕಾಲರ್‌ ಭಾಗವನ್ನು, ಮೊದಲೇ ಬ್ರಷ್‌ನಿಂದ ಉಜ್ಜಿ, ಆನಂತರ ಒಗೆಯಲು ಮೆಷಿನ್‌ಗೆ ಹಾಕಬೇಕು.

-----------

ಕೋಟ್ಸ್‌

ಶ್ವೇತ ವರ್ಣದ ಉಡುಪುಗಳು ನೋಡಲು ಆಕರ್ಷಕವಾಗಿ ಕಾಣುತ್ತವೆ. ಹಾಗಾಗಿ ಅವುಗಳ ನಿರ್ವಹಣೆಡ ಚೆನ್ನಾಗಿರಬೇಕು.

- ರೀಮಾ, ಸ್ಟೈಲಿಸ್ಟ್‌