ಫ್ಯಾಷನ್ ಜಗತ್ತಿನ ಪ್ರವೇಶಕ್ಕೆ ಹಂಬಲಿಸುತ್ತಿರುವ ಸ್ತ್ರೀಯರಿಗೆ ಇಲ್ಲಿದೆ ಅವಕಾಶ

ಕಮಾರ್ ಫಿಲಂ ಫ್ಯಾಕ್ಟರಿಯ ಪ್ರಸ್ತುತಿಯಲ್ಲಿ ಫ್ಯಾಷನ್ ಟಿ.ವಿ ಜಂಟಿಯಾಗಿ ನಡೆಸುತ್ತಿರುವ 'ವುಮೆನ್ಸ್ ಡೇ ಔಟ್ ವಿಥ್ ಫ್ಯಾಷನ್" ಕಾರ್ಯಕ್ರಮದ ಪ್ರತಿಭಾನ್ವೇಷಣೆ 'ಮುಂದಾಗಿದೆ. ನಗರದ ಖಾಸಗಿ ಹೋಟೆಲ್‍ನಲ್ಲಿ "ವುಮೆನ್ಸ್ ಡೇ ಔಟ್ ವಿಥ್ ಫ್ಯಾಷನ್"ನ ಪತ್ರಿಕಾ ಗೋಷ್ಠಿಯನ್ನು ಏರ್ಪಡಿಸಲಾಯಿತು. ಇದಕ್ಕೆ ಚಲನಚಿತ್ರ ತಾರೆಯರಾದ ಸಿಂಧೂ ಲೋಕನಾಥ್, ಪ್ರಿಯಾಂಕ ಉಪೇಂದ್ರ ಮತ್ತು ನಗರದ ಮಾಡೆಲ್‍ಗಳು ಅತಿಥಿಗಳಾಗಿ ಆಗಮಿಸಿದ್ದರು.

ವುಮೆನ್ಸ್ ಡೇ ಔಟ್ ವಿಥ್ ಫ್ಯಾಷನ್ ಇದು ಮಹಿಳೆಯರಿಗಾಗಿ ನಡೆಸುತ್ತಿರುವ ಕಾರ್ಯಕ್ರಮ. ಎಲೆಮರೆಯ ಕಾಯಂತೆ ಇರುವ ಟ್ಯಾಲೆಂಟ್‍ಗಳನ್ನು ಹೊರತರುವ ಪ್ರಯತ್ನ ಈ ವೇದಿಕೆಯದಾಗಿದೆ. ಫ್ಯಾಷನ್ ಜಗತ್ತಿಗೆ ಪ್ರವೇಶ ಪಡೆಯಬೇಕೆನ್ನುವ ಸ್ತ್ರೀಯರಿಗೆ ಇದು ಒಂದೆಡೆ ವೇದಿಕೆಯಾದರೆ.

ಇನ್ನೊಂದೆಡೆ ಬೆಂಗಳೂರಿನಲ್ಲಿರುವ ಸಾಕಷ್ಟು ಯುವ ಡಿಸೈನ್‍ರ್‍ಗಳಿಗೂ ಅವಕಾಶ ನೀಡುವ ಉದ್ದೇಶ ಇದರದ್ದಾಗಿದೆ. ಇಲ್ಲಿ ರೆಟ್ರೋ ಕಾಲದಲ್ಲಿ ಮಿಂಚಿದ ಕಲಾವಿದರುಗಳಿರುತ್ತಾರೆ. ಟ್ರೆಂಡಿಂಗ್ ತಾರೆಯರು ಇರುತ್ತಾರೆ. ಕಾಲೇಜು ಹುಡುಗಿಯರೂ ಇರುತ್ತಾರೆ, ವರ್ಕಿಂಗ್ ಪ್ರೊಫೆಷನಲ್ಸ್ ಹಾಗೂ ಗೃಹಿಣಿಯರೂ ಇರುತ್ತಾರೆ.

ವುಮೆನ್ಸ್ ಡೇ ಔಟ್ ವಿಥ್ ಫ್ಯಾಷನ್ ಕಾರ್ಯಕ್ರಮದಲ್ಲಿ ನೀವು ನಿಮ್ಮ ಮಾರ್ಜಾಲ ನಡಿಗೆಯನ್ನು ಪ್ರದರ್ಶಿಸಬೇಕೇ, ನಿಮ್ಮಲ್ಲಡಗಿರುವ ಪ್ರತಿಭೆಯು ಅವಕಾಶಕ್ಕಾಗಿ ಹಂಬಲಿಸುತ್ತಿದ್ದರೆ, ನಿಮ್ಮ ವಯಸ್ಸು 18 ರಿಂದ 50 ವರ್ಷದೊಳಗಿದ್ದರೆ ಈಗಲೇ ನಿಮ್ಮ ಸಂಪೂರ್ಣವಾದ ವಿವರಗಳು, ಭಾವಚಿತ್ರದ ಜೊತೆಗೆ ವೈಟಲ್ ಸ್ಟ್ಯಾಟಿಕ್ಸ್‌ಗೆ ಜುಲೈ 30 ರೊಳಗೆ ಇಮೇಲ್ ಮಾಡಿ: reethu.kamarfilmfactory@gmail.com

ಫ್ಯಾಷನ್ ಟಿ.ವಿ.ಯ ಭಾರತದ ಮಾಲೀಕ ಕಮಾರ್ ಹೇಳುವಂತೆ, "ಫ್ಯಾಷನ್ ಜಗತ್ತು ಈಗ ಅತಿ ವೇಗದಲ್ಲಿ ಸಾಗುತ್ತಿದೆ. ರಾಷ್ಟ್ರೀಯ ಮಟ್ಟದಲ್ಲಿ ಕಾಣುತ್ತಿರುವ ಬೆಳವಣಿಗೆಯನ್ನು ನಮ್ಮ ಬೆಂಗಳೂರಿಗರಿಗೂ ತಲುಪಿಸಬೇಕು, ಪ್ರತಿಯೊಬ್ಬ ಸ್ತ್ರೀಯಲ್ಲೂ ಹುದುಗಿರುವ ಪ್ರತಿಭೆಯನ್ನು ಹೊರತರಬೇಕು ಎಂಬ ಮಹಾತ್ವಾಕಾಂಕ್ಷೆಯಿಂದ ಈ "ವುಮೆನ್ಸ್ ಡೇ ಔಟ್ ವಿಥ್ ಫ್ಯಾಷನ್" ಕಾರ್ಯಕ್ಕೆ ಮುಂದಾಗಿದ್ದೇವೆ. ಇದಕ್ಕೆ ಸಾರ್ವಜನಿಕರಿಂದ ಉತ್ತಮ ಪ್ರತಿಕ್ರಿಯೆ ದೊರೆಯುತ್ತದೆ ಎಂಬ ಭರವಸೆ ನಮ್ಮದು" ಎಂದಿದ್ದಾರೆ.