ಯೂತ್‌ ಲುಕ್‌ಗೆ ಷಾರ್ಟ್ಸ್ ಬೆಸ್ಟ್‌

ಕಂಫರ್ಟಬಲ್‌ ಉಡುಪುಗಳಲ್ಲಿ ಒಂದಾಗಿರುವ ಷಾರ್ಟ್ಸ್ಗೆ ಈಗ ಎಲ್ಲಾ ವಯೋಮಾನದವರೂ ಸೈ ಎನ್ನುತ್ತಿದ್ದಾರೆ. ಇಂದು ಅಂದರೆ ಏಪ್ರಿಲ್‌ 23ರಂದು ಆಚರಿಸಲ್ಪಡುವ ವರ್ಲ್ಡ್‌ ಷಾರ್ಟ್ಸ್ ಡೇ ಪ್ರಯುಕ್ತ ಟ್ರೆಂಡಿ ಷಾರ್ಟ್ಸ್ನತ್ತ ಒಂದು ಝಲಕ್‌.

ಬಬಿತಾ ಎಸ್‌.

ಇವ್‌ನಿಂಗ್‌ ವಾಕ್‌, ಬೀಚ್‌ ವಾಕ್‌, ಪಿಕ್ನಿಕ್‌ ಮುಂತಾದ ವಿರಾಮದ ಸಮಯಗಳಿಗೆ ಮಾತ್ರ ಧರಿಸಲಾಗುತ್ತಿದ್ದ ಷಾರ್ಟ್ಸ್ ಈಗ ಕಾರ್ಪೊರೇಟ್‌ ವೇರ್‌ ಆಗಿಯೂ ಗಮನ ಸೆಳೆಯುತ್ತಿದೆ. ಯುವಕ, ಯುವತಿಯರ ನೆಚ್ಚಿನ ಉಡುಪಾಗಿದ್ದ ಇದೀಗ ವಯಸ್ಸಾದವರ ವಾರ್ಡ್‌ರೋಬ್‌ನಲ್ಲಿಯೂ ಸ್ಥಾನ ಪಡೆದಿರುವುದು ವಿಶೇಷ. ಯೂತ್‌ಫುಲ್‌ ಆಗಿ ಕಾಣಿಸಿಕೊಳ್ಳಲು ಜನರು ಷಾರ್ಟ್ಸ್ನತ್ತ ಮುಖ ಮಾಡುತ್ತಿರುವುದು ಹೊಸ ಟ್ರೆಂಡ್‌.

ಟ್ರೆಂಡಿ ಔಟ್‌ಫಿಟ್‌

ಷಾರ್ಟ್ಸ್ ಇತ್ತೀಚಿನವರೆಗೂ ಒಳ ಉಡುಪು ಎಂದೇ ಪರಿಗಣಿಸಲ್ಪಡುತ್ತಿತ್ತು. ಆದರೆ ಫ್ಯಾಷನ್‌ ಡಿಸೈನರ್‌ಗಳು ಅದರ ಡಿಸೈನ್‌, ಮೆಟೀರಿಯಲ್‌ಗಳಲ್ಲಿ ನಡೆಸಿದ ಪ್ರಯೋಗದಿಂದಾಗಿ ಮತ್ತು ಮತ್ತು ಜನರಿಗೆ ಈ ಉಡುಪಿನಿಂದ ಉಂಟಾಗುತ್ತಿರುವ ಅನುಕೂಲಗಳಿಂದಾಗಿ ಅದೀಗ ಜನಪ್ರಿಯ ಫ್ಯಾಷನಬಲ್‌ ಉಡುಪಾಗಿದೆ. ಔಟಿಂಗ್‌ ಮಾತ್ರವಲ್ಲದೆ, ಆಫೀಸ್‌ ವೇರ್‌ ಆಗಿಯೂ ಸೈ ಎನಿಸಿಕೊಂಡಿರುವ ಇದು ಸಿನಿ ಸಿಲೆಬ್ರಿಟಿಗಳಿಗೆ ಮಾತ್ರವಲ್ಲದೆ, ರಾಜಕಾರಣಿಗಳು, ಕಾರ್ಪೊರೇಟ್‌ ಗಣ್ಯರು, ಕ್ರೀಡಾ ಕ್ಷೇತ್ರದ ಸಿಲೆಬ್ರಿಟಿಗಳಿಗೂ ಅಚ್ಚುಮೆಚ್ಚಿನ ಉಡುಪು. ಷಾರ್ಟ್ಸ್ ಧರಿಸಿದರೆ ತುಂಬಾ ಯೂತ್‌ಫುಲ್‌ ಲುಕ್‌ ಬರುತ್ತದೆ ಎಂಬ ಕಾರಣಕ್ಕೂ ಈ ಉಡುಪು ಎಲ್ಲರಿಗೂ ಪ್ರಿಯವಾಗಿದೆ.

ವಾಕ್‌ ಇನ್‌ ಷಾರ್ಟ್ಸ್

ಲಾಂಗ್‌, ಮೀಡಿಯಂ, ಮಿನಿ, ಮೈಕ್ರೊಮಿನಿ, ಮೈನಸ್‌ ಮೈಕ್ರೊ ಮಿನಿಯ ರೂಪ ತಳೆದು ಮಿಂಚುತ್ತಿರುವ ಲೇಡಿಸ್‌, ಮೆನ್ಸ್‌ ಷಾರ್ಟ್ಸ್ಗಳಿಗೆ ಈಗ ಮಾರುಕಟ್ಟೆಯಲ್ಲಿ ಎಲ್ಲಿಲ್ಲದ ಬೇಡಿಕೆ ಇದೆ. ಈ ಪೈಕಿ ಸದ್ಯಕ್ಕೆ ಬೈಕರ್‌ ಷಾರ್ಟ್ಸ್ ಲೇಟೆಸ್ಟ್‌ ಟ್ರೆಂಡ್‌ ಎಂದು ಫ್ಯಾಷನ್‌ ತಜ್ಞರ ಅಭಿಪ್ರಾಯ. ಸಮ್ಮರ್‌ ಸೀಸನ್‌ಗೂ ಸೂಟ್‌ ಆಗುವ ಇದರಲ್ಲಿ ಹಲವಾರು ವಿಧಗಳಿವೆ. ಇದಲ್ಲದೆ ಡೆನಿಮ್‌ ಷಾರ್ಟ್ಸ್ ಕೂಡಾ ಬಹುತೇಕ ಜನರ ಮೆಚ್ಚಿನ ಉಡುಪು. ಕಾಕ್‌ಟೇಲ್‌ ಪಾರ್ಟಿಗಳಿಗೆ ಬರ್ಮುಡಾ ಷಾರ್ಟ್ಸ್, ಕಾಲುಗಳನ್ನು ಆದಷ್ಟು ಮರೆಮಾಚಲು ಯತ್ನಿಸುವವರಿಗೆ ಕ್ಯಾಪ್ರಿ ಷಾರ್ಟ್ಸ್, ತೀರಾ ಗಿಡ್ಡ ಷಾರ್ಟ್ಸ್ ಧರಿಸಲು ಇಷ್ಟಪಡದವರಿಗೆ ತ್ರಿ ಫೋರ್ತ್‌ ಲೆಂತ್‌ ಇರುವ ಈ ಕ್ಯಾಪ್ರಿ ಷಾರ್ಟ್ಸ್ ಬೆಸ್ಟ್‌.

ಯಾವ ಏಜ್‌ಗೆ ಯಾವ ಷಾರ್ಟ್ಸ್?

20+ -ತಿಳಿ ಬಣ್ಣದ ಫ್ಲೋರಲ್‌ ಪ್ರಿಂಟ್‌ ಮಿನಿ ಷಾರ್ಟ್ಸ್, ಡೆನಿಮ್‌ ಷಾರ್ಟ್ಸ್, ಬ್ಲೂಮರ್‌.

30+ -ಓವರ್‌ ಸೈಜ್‌ ಷಾರ್ಟ್ಸ್, ಡೆನಿಮ್‌ ಷಾರ್ಟ್ಸ್, ಹಾಫ್‌ ಷಾರ್ಟ್ಸ್

40+ -ಬರ್ಮುಡಾ ಷಾರ್ಟ್ಸ್, ಕ್ರಿಸ್ಪ್‌ ಪ್ಲೀಟ್ಸ್‌ ಷಾರ್ಟ್ಸ್, ಪ್ರಿಂಟೆಡ್‌ ಷಾರ್ಟ್ಸ್

50+ - ಕ್ಯಾಷುಯಲ್‌ ಷಾರ್ಟ್ಸ್, ಬರ್ಮುಡಾ ಷಾರ್ಟ್ಸ್