ಹೊಟ್ಟೆಯ ಕೊಬ್ಬು ಕಡಿಮೆ ಮಾಡಿಕೊಳ್ಳಲು 5 ನಿಮಿಷ ಈ ವ್ಯಾಯಾಮಗಳನ್ನು ಮಾಡಿ ಸಾಕು…

ಈ ಮೌಂಟೇನ್‌ ಕ್ಲೈಂಬರ್‌ ಅನ್ನು ಪರ್ವತಾರೋಹಿ ವ್ಯಾಯಾಮ ಎಂದು ಕೂಡ ಕರೆಯುತ್ತಾರೆ. ಈ ದೈಹಿಕ ಚಟುವಟಿಕೆ ಮಾಡುವುದರಿಂದ ನಿಮ್ಮ ಹೊಟ್ಟೆಯ ಕೊಬ್ಬನ್ನು ಸಾಕಷ್ಟು ಕಡಿಮೆ ಮಾಡಿಕೊಳ್ಳಬಹುದು.

ಮಾಡುವ ರೀತಿ ಹೀಗಿದೆ

ಹಂತ 1 : ನಿಮ್ಮ ಎರಡು ಕೈಗಳನ್ನು ನೇರವಾಗಿ ನಿಮ್ಮ ಭುಜದ ಕೆಳಗೆ ಇರಿಸಿ. ನಿಮ್ಮ ಕಾಲ್ಬೆರಳುಗಳ ಮೇಲೆ ನಿಲ್ಲಿ. ನಿಮ್ಮ ಕಾಲು ಮತ್ತು ನಿಮ್ಮ ತಲೆಯ ಭಾಗ ಸಮ ಸ್ಥಿತಿಯಲ್ಲಿರಬೇಕು.

ಹಂತ 2 : ನಿಮ್ಮ ಬಲ ಮೊಣಕಾಲುಗಳನ್ನು ಬಗ್ಗಿಸಿ ಎದೆಯ ಭಾಗಕ್ಕೆ ತನ್ನಿ. ನಂತರ ಮೂಲ ಸ್ಥಾನಕ್ಕೆ ಹಿಂತಿರುಗಿ.

ಹಂತ 3 : ಅದೇ ರೀತಿ ಎಡಗಾಲನ್ನು ಎದೆಯ ಭಾಗಕ್ಕೆ ತನ್ನಿ ಮೂಲ ಸ್ಥಾನಕ್ಕೆ ತನ್ನಿ. ಒಟ್ಟಾರೆ ನೀವು ಪರ್ವತವನ್ನು ಏರುವ ರೀತಿ ಈ ವ್ಯಾಯಾಮ ಮಾಡಬೇಕು.

ಈ ಲೆಗ್ ಲಿಫ್ಟ್‌ ಮಾಡುವುದರಿಂದ ನಿಮ್ಮ ಕಾಲುಗಳು ಹೊಟ್ಟೆಯ ಮೇಲೆ ಒತ್ತಡವನ್ನು ಉಂಟು ಮಾಡುವುದರಿಂದ, ಹೊಟ್ಟೆಯ ಸುತ್ತ ಇರುವ ಹೆಚ್ಚುವರಿ ಕೊಬ್ಬನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಮಾಡುವ ವಿಧಾನ ಹೀಗಿದೆ

ಹಂತ 1 : ನೆಲದ ಮೇಲೆ ಮಲಗಿ. ನಿಮ್ಮ ಕಾಲುಗಳನ್ನು ಉದ್ದಕ್ಕೆ ಚಾಚಿ, ಕೈಗಳನ್ನು ಪಕ್ಕಕ್ಕೆ ಇರಿಸಿ.

ಹಂತ 2 : ನಿಮ್ಮ ಕಾಲುಗಳನ್ನು ನಿಧಾನವಾಗಿ ಮೇಲಕ್ಕೆ ಎತ್ತಿ.

ಹಂತ 3 : 5 ರಿಂದ 10 ಸೆಕೆಂಡ್‌ಗಳ ನಂತರ ಮತ್ತೆ ನಿಮ್ಮ ಕಾಲುಗಳನ್ನು ನೆಲದ ಮೇಲೆ ಇರಿಸಿ, ವಿಶ್ರಾಂತಿ ತೆಗೆದುಕೊಳ್ಳಿ. ಹೀಗೆ 5 ನಿಮಿಷಗಳ ಕಾಲ ಪುನರಾವರ್ತಿಸಿ.

ಹೈ ಪ್ಲಾಂಕ್‌ ನಿಮ್ಮ ಕೆಳ ಹೊಟ್ಟೆ ಬಿಗಿಗೊಳಿಸಿ, ಹೊಟ್ಟೆಯ ಕೊಬ್ಬನ್ನು ತ್ವರಿತವಾಗಿ ಕಡಿಮೆ ಮಾಡುತ್ತದೆ. ಇದೊಂದು ಹೊಟ್ಟೆಯ ಕೊಬ್ಬು ಕರಗಿಸಲು ಪರಿಣಾಮಕಾರಿ ದೈಹಿಕ ಚಟುವಟಿಕೆಯಾಗಿದೆ.

ಮಾಡುವ ವಿಧಾನ ಹೀಗಿದೆ

ಹಂತ 1 : ನಿಮ್ಮ ಎರಡು ಮಣಿಕಟ್ಟನ್ನು ನಿಮ್ಮ ಭುಜದ ಕೆಳಗೆ ಇರಿಸಿ, ಕಾಲು ಬೆರಳುಗಳ ಮೇಲೆ ನಿಂತುಕೊಳ್ಳಿ.

ಹಂತ 2 : ನಿಮ್ಮ ಬೆನ್ನು ಸಮಾನವಾಗಿದೆಯೇ ಎಂದು ಖಚಿತ ಪಡಿಸಿಕೊಳ್ಳಿ.

ಹಂತ 3 : ತಲೆಯನ್ನು ಮೇಲಕ್ಕೆ ಎತ್ತಿ, ಈ ಭಂಗಿಯಲ್ಲಿ 1 ನಿಮಿಷಗಳ ಕಾಲ ಇರಿ. ನಂತರ ಪುನರಾವರ್ತಿಸಿ.

ರಿವರ್ಸ್‌ ಪ್ಲ್ಯಾಂಕ್‌ ಮಾಡುವುದರಿಂದ ನಿಮ್ಮ ಕೆಳಹೊಟ್ಟೆಯು ಸಮತಟ್ಟಾದ ಅನುಭವವನ್ನು ನೀವು ಪಡೆಯುತ್ತೀರಿ. ಇದು ನಿಮ್ಮ ಸೊಂಟ ಮತ್ತು ಹೊಟ್ಟೆಯ ಭಾಗವನ್ನು ಬಿಗಿಗೊಳಿಸಿ, ಹೆಚ್ಚುವರಿ ಕೊಬ್ಬನ್ನು ಸುಡಲು ಕಾರಣವಾಗುತ್ತದೆ.

ಮಾಡುವ ವಿಧಾನ ಹೀಗಿದೆ

ಹಂತ 1 : ಮೊದಲು ನೆಲದ ಮೇಲೆ ಮಲಗಿ.

ಹಂತ 2 : ನಂತರ ಕೈಗಳನ್ನು ನೆಲದ ಮೇಲೆ ಇರಿಸಿ, ನಿಮ್ಮ ಸೊಂಟ ಮತ್ತು ಎದೆಯನ್ನು ಕೈಗಳ ಸಹಾಯದಿಂದ ಮೇಲಕ್ಕೆ ಎತ್ತಿ.

ಹಂತ 3 : ನಿಮ್ಮ ಕಾಲುಗಳನ್ನು ಒಟ್ಟಿಗೆ ಹಿಡಿದುಕೊಂಡು ನೆಲದ ಕಡೆಗೆ ನೋಡಿ.

ಹಂತ 4 : ಎದೆಯನ್ನು ಬಿಗಿಗೊಳಿಸಿ, ಉಸಿರಾಟವನ್ನು ಕೆಲವು ಸೆಕೆಂಡ್‌ಗಳ ಕಾಲ ಹಿಡಿದಿಟ್ಟುಕೊಳ್ಳಿ. ನಂತರ ಮಲಗುವ ಭಂಗಿಗೆ ಬನ್ನಿ. ಇದೇ ಸ್ಥಿತಿಯನ್ನು ಪುನರಾವರ್ತಿಸಿ.

ಇದನ್ನು ಓದಿ: ಮಹಿಳೆಯರು ತೂಕ ಇಳಿಕೆ ಮಾಡಿಕೊಳ್ಳಲು ಇಲ್ಲಿವೆ 8 ವ್ಯಾಯಾಮಗಳು

ಇದನ್ನು ಓದಿ: ತೂಕ ಇಳಿಕೆ: ಬೆಳಗ್ಗೆ ಅಥವಾ ಸಂಜೆ ಯಾವ ಸಮಯದಲ್ಲಿ ವರ್ಕೌಟ್ ಮಾಡಬೇಕು?

ಪ್ಲ್ಯಾಂಕ್‌ ನಿಮ್ಮ ಹೊಟ್ಟೆಯ ಕೊಬ್ಬನ್ನು ತ್ವರಿತವಾಗಿ ಕಡಿಮೆ ಮಾಡುವ ಶಕ್ತಿಯುತವಾದ ವ್ಯಾಯಾಮವಾಗಿದೆ. ಇದು ಸ್ವಲ್ಪ ಕಷ್ಟವಾದ ವ್ಯಾಯಾಮವು ಹೌದು.

ಮಾಡುವ ವಿಧಾನ ಹೀಗಿದೆ

ಹಂತ 1 : ನಿಮ್ಮ ಮಣಿಕಟ್ಟನ್ನು ನಿಮ್ಮ ಭುಜದ ಕೆಳಗೆ ಇಡಿ. ನಿಮ್ಮ ಮೊಣಕಾಲುಗಳನ್ನು ಮೇಲಕೆತ್ತಿ. ನಿಮ್ಮ ಬೆನ್ನು ಮತ್ತು ಕಾಲುಗಳನ್ನು ನೇರವಾಗಿರಿಸಿ.

ಹಂತ 2 : ನಿಮ್ಮ ಕತ್ತಿನ ಹಿಂಭಾಗವನ್ನು ನೇರಗೊಳಿಸಿ, ನೆಲವನ್ನು ನೋಡಿ.

ಹಂತ 3 : ಈ ಸ್ಥಾನದಲ್ಲಿ 1 ನಿಮಿಷಗಳ ಕಾಲ ಇರಿ. ನಂತರ ವಿಶ್ರಾಂತಿಯನ್ನು ಪಡೆಯಿರಿ. ಇದನ್ನು 4 ರಿಂದ 5 ಬಾರಿ ಪುನರಾವರ್ತಿಸಿ.

ಇದನ್ನು ಓದಿ:40 ರ ನಂತರ ತೂಕ ನಷ್ಟ ಯಾಕೆ ಕಷ್ಟ ಗೊತ್ತಾ?40 ರ ನಂತರ ತೂಕ ನಷ್ಟ ಯಾಕೆ ಕಷ್ಟ ಗೊತ್ತಾ?

ಇದನ್ನು ಓದಿ: ತೂಕ ಹೆಚ್ಚಾಗಲು ಪಾನಿ ಪುರಿ ಕಾರಣವಾಗುತ್ತದೆಯೇ?

ಇದು ಕೂಡ ನಿಮ್ಮ ಹೊಟ್ಟೆಯ ಹೆಚ್ಚುವರಿ ಕೊಬ್ಬನ್ನು ಕಡಿಮೆ ಮಾಡುಲು ಸಹಾಯ ಮಾಡುತ್ತದೆ.

ಮಾಡುವ ವಿಧಾನ ಹೀಗಿದೆ

ಹಂತ 1 : ಮೊದಲು ನಿಮ್ಮ ಮಣಿಕಟ್ಟನ್ನು ನಿಮ್ಮ ಭುಜದ ಕೆಳಗೆ ಇಡಿ.

ಹಂತ 2 : ನಿಮ್ಮ ಕಾಲುಗಳನ್ನು ನೇರವಾಗಿಸಿ.

ಹಂತ 3 : ನಿಮ್ಮ ಎಡಗೈಯನ್ನು ಎತ್ತಿ ಬಲ ಭುಜವನ್ನು ಟ್ಯಾಪ್‌ ಅಥವಾ ಟೆಚ್‌ ಮಾಡಿ. ಅದೇ ರೀತಿ ಬಲಗೈಯನ್ನು ಎತ್ತಿ ಎಡ ಭುಜವನ್ನು ಟ್ಯಾಪ್‌ ಮಾಡಿ.

ಹಂತ 4 : ಈ ವ್ಯಾಯಾಮವನ್ನು 10 ರಿಂದ 15 ಬಾರಿ ಪುನರಾರ್ವತಿಸಿ.

ಇದನ್ನು ಓದಿ: ಮಹಿಳೆಯರಿಗೆ ಜಾಗಿಂಗ್‌ ಮಾಡುವಾಗ ಕಾಡುವ ಸಮಸ್ಯೆಗಳು

Read In English: Weight loss: 5-minute belly fat burning exercises