ರಾತ್ರಿ ವೇಳೆ ಪ್ರೋಟೀನ್ ಶೇಕ್ ಸೇವಿಸಿದರೆ ಏನಾಗುವುದು?

ರಾತ್ರಿ ವೇಳೆ ಪ್ರೋಟೀನ್ ಸೇವನೆ ಮಾಡಿದರೆ ಅದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವು ಹೆಚ್ಚಾಗುವುದು ಮತ್ತು ಇದರಿಂದ ಹೃದಯದ ಸಮಸ್ಯೆ, ಮಧುಮೇಹ ಮತ್ತು ಬೊಜ್ಜು ಕಾಡುವುದು ಎಂದು ಸ್ವಿಟ್ಜರ್ಲೆಂಡ್ ನ ಬಸೆಲ್ ಯೂನಿವರ್ಸಿಟಿ ಅಧ್ಯಯನಗಳು ಹೇಳಿವೆ. ಇದಕ್ಕೆ ಮೊದಲು ಅಧ್ಯಯನವೊಂದು ಊಟಕ್ಕೆ ಕೆಲವು ಗಂಟೆಗಳ ಮೊದಲು ತಿಂಡಿಗಳನ್ನು ಸೇವನೆ ಮಾಡಿದರೆ ಅದರು ರಕ್ತದಲ್ಲಿನ ಸಕ್ಕರೆ ಮಟ್ಟ ನಿಯಂತ್ರಿಸುವುದು ಎಂದು ಹೇಳಿತ್ತು.

ರಾತ್ರಿ ವೇಳೆ ನಿದ್ರೆಯಿಂದ ಎದ್ದು ಪ್ರೋಟೀನ್ ಪೇಯ ಸೇವಿಸಿದರೆ ಅದರಿಂದ ಬೆಳಗ್ಗೆ ಉಪಾಹಾರದ ವೇಳೆ ರಕ್ತದಲ್ಲಿನ ಸಕ್ಕರೆ ಮಟ್ಟವು ಏರುತ್ತದೆಯಾ ಎನ್ನುವ ಬಗ್ಗೆ ಅಧ್ಯಯನ ನಡೆಸಲಾಗಿದೆ. ಅದರಲ್ಲಿ ತಿಳಿದುಬಂದ ಅಂಶವೆಂದರೆ ಈ ಅಧ್ಯಯನದಲ್ಲಿ ಭಾಗವಹಿಸಿದ ಜನರು ಮುಂಜಾವಿನ 4 ಗಂಟೆ ವೇಳೆಗೆ ನೀರಿನ ಬದಲಿಗೆ ಪ್ರೋಟೀನ್ ಪೇಯ ಸೇವನೆ ಮಾಡಿದರು. ಇವರೆಲ್ಲರಲ್ಲಿಯೂ ರಕ್ತದಲ್ಲಿನ ಸಕ್ಕರೆ ಮಟ್ಟವು ಏರಿಕೆ ಆಗಿತ್ತು. ಈ ಅನಿರೀಕ್ಷಿತ ಫಲಿತಾಂಶವು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡಿಕೊಳ್ಳಲು ಬಯಸುವವರಿಗೆ ತುಂಬಾ ಸಹಕಾರಿ ಆಗಿರಲಿದೆ ಎಂದು ಅಧ್ಯಯನವು ಹೇಳಿವೆ.

ಪ್ರೊಟೀನ್ ಶೇಕ್ ಕುಡಿಯುವುದು ಹೆಚ್ಚಾದರೆ ಎಷ್ಟೆಲ್ಲಾ ಸಮಸ್ಯೆಗಳು ಬರುತ್ತವೆ ಗೊತ್ತಾ?

ಈ ಅಧ್ಯಯನಕ್ಕಾಗಿ ಸುಮಾರು 8 ಮಹಿಳೆಯರು ಮತ್ತು 7 ಮಂದಿ ಪುರುಷರನ್ನು ಅಧ್ಯಯನ ಮಾಡಲಾಗಿದೆ. ಇದರಲ್ಲಿ ಭಾಗಿಯಾದವರು ನಾಲ್ಕು ಗಂಟೆಗೆ ಎದ್ದು 63 ಗ್ರಾಂ ಹಾಲೊಡಕು ಪ್ರೋಟೀನ್ ಇರುವ ನೀರು ಅಥವಾ ಖಾಲಿ ನೀರನ್ನು ಕುಡಿದರು. ಇದರ ಬಳಿಕ ಅವರು ಮಲಗಿದವರು ಮತ್ತು ಬೆಳಗ್ಗೆ 9 ಗಂಟೆಗೆ ಅವರಿಗೆ ಉಪಾಹಾರ ನೀಡಲಾಯಿತು. ಇದರ ಎರಡು ಗಂಟೆ ಬಳಿಕ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟ ಪರೀಕ್ಷಿಸಲಾಯಿತು.

ದೇಹವು ರಾತ್ರಿ ವೇಳೆ ಹೆಚ್ಚು ಆಹಾರ ಸೇವನೆ ಮಾಡುವುದನ್ನು ನಿರೀಕ್ಷಿಸದೆ ಇರಬಹುದು ಅಥವಾ ಅದಕ್ಕೆ ರಾತ್ರಿ ವೇಳೆ ಹೆಚ್ಚು ಆಹಾರವು ಬೇಡದಿರಬಹುದು. ಇದರಿಂದಾಗಿ ಅದು ಪ್ರೋಟೀನ್ ನ್ನು ಶಕ್ತಿಯಾಗಿಸುವ ಬದಲು ಸಕ್ಕರೆಯಾಗಿ ಪರಿವರ್ತಿಸಬಹುದು. ಇದರಿಂದಾಗಿ ಉಪಾಹಾರದ ವೇಳೆ ದೇಹಕ್ಕೆ ಮತ್ತಷ್ಟು ಕಾರ್ಬೋಹೈಡ್ರೇಟ್ಸ್ ಸಿಗುವುದು ಮತ್ತು ಇದರಿಂದಾಗಿ ರಕ್ತದಲ್ಲಿ ಸಕ್ಕರೆ ಮಟ್ಟವು ಹೆಚ್ಚಾಗುವುದು.

ವೇಗವಾಗಿ ತೂಕ ಹೆಚ್ಚಿಸಿಕೊಳ್ಳಲು ಬಯಸುವವರಿಗೆ ಇಲ್ಲಿದೆ ಸರಳ ಉಪಾಯಗಳು

ಹೀಗಾಗಿ ದೇಹದಲ್ಲಿ ಬೊಜ್ಜು ಬೆಳೆಯುವುದು. ಇದೇ ಕಾರಣದಿಂದಾಗಿ ಹೃದಯದ ಕಾಯಿಲೆಗಳೂ ಬರುವುದು. ಅಧ್ಯಯನಗಳು ಹೇಳಿರುವ ಪ್ರಕಾರ ಮುಂದಿನ ದಿನಗಳಲ್ಲಿ ಇದು ವಯಸ್ಸಾಗಿರುವವರು ಮತ್ತು ಈಗಾಗಲೇ ಬೊಜ್ಜು ದೇಹವನ್ನು ಹೊಂದಿರುವವರಿಗೆ ಅನ್ವಯವಾಗುತ್ತದೆಯೇ ಎಂದು ಅಧ್ಯಯನ ನಡೆಸಲಾಗುತ್ತದೆ. ಅಸಾಮಾನ್ಯ ಸಮಯದಲ್ಲಿ ತಿನ್ನುವುದು ಅಥವಾ ಪ್ರೋಟೀನ್ ಸೇವನೆ ಮಾಡುವುದರಿಂದ ಏನಾಗುವುದು ಎಂದು ತಿಳಿದುಬಂದಿದೆ ಎಂದು ಅಧ್ಯಯನಗಳು ತಿಳಿಸಿವೆ.