ಅತಿಯಾದರೆ ಅಮೃತ ಕೂಡ ವಿಷವಾಗುತ್ತದೆ ಎಂಬ ಮಾತಿನಂತೆ ಕೆಲವೊಮ್ಮೆ ಆರೋಗ್ಯಕರ ಆಹಾರಗಳು ಕೂಡ ದೇಹದ ಮೇಲೆ ನಕಾರಾತ್ಮಕ ಪ್ರಭಾವ ಉಂಟು ಮಾಡುವ ಸಾಧ್ಯತೆ ಇರುತ್ತದೆ. ಇದರ ಜೊತೆಗೆ ಆರೋಗ್ಯಕರವಾಗಿ ಬದುಕಲು ಅಗತ್ಯವಾಗಿ ಬೇಕಾಗಿರುವ ಜೀವನಶೈಲಿ ಅನುಸರಣೆಯಲ್ಲಿರಬೇಕು. ಆದರೆ ಇಂತಹ ವಿಚಾರಗಳಲ್ಲಿ ಮನುಷ್ಯ ಮಾಡುವ ಕೆಲವೊಂದು ತಪ್ಪುಗಳು ಈ ಕೆಳಗಿನಂತೆ ಇರುತ್ತವೆ.
ತೂಕದ ಸ್ಕೇಲ್ ಮೇಲೆ ಹೆಚ್ಚು ಗಮನ ಇರಿಸುವುದು
ತೂಕ ಕಡಿಮೆ ಮಾಡಿಕೊಳ್ಳಬೇಕು ಎನ್ನುವುದು ಕೇವಲ ಮನಸ್ಸಿನಲ್ಲಿ ಇದ್ದರೆ ಸಾಲದು. ಅದನ್ನು ಆಚರಣೆಯಲ್ಲೂ ಕೂಡ ತರಬೇಕಾಗುತ್ತದೆ. ಯಾರೇ ಆದರೂ ತಮ್ಮ ದೇಹದ ತೂಕವನ್ನು ಬಹಳ ಬೇಗನೆ ಹೆಚ್ಚಿಸಿಕೊಳ್ಳಬಹುದು. ಆದರೆ ಅದನ್ನು ಕಡಿಮೆ ಮಾಡಿಕೊಳ್ಳಲು ಪಡಬೇಕಾದ ಪಾಡು ಅಷ್ಟಿಷ್ಟಲ್ಲ. ಪ್ರತಿ ದಿನವೂ ಕಟ್ಟುನಿಟ್ಟಾದ ಆಹಾರ ಪದ್ಧತಿಯನ್ನು ಅನುಸರಿಸುವುದು ಈಗಿನ ಕಾಲದ ಜನರಿಗೆ ತುಂಬಾ ಕಷ್ಟಕರ ಎಂದು ಹೇಳಬಹುದು. ಆಹಾರ ಪದ್ಧತಿ ಒಂದು ರುಚಿಯಾಗಿ ಶುಚಿಯಾಗಿ ಇದ್ದರೆ ದೇಹದ ಆರೋಗ್ಯ ಅತ್ಯುತ್ತಮವಾಗಿ ನಿರ್ವಹಣೆಯಾಗುತ್ತದೆ.
ಸೇವಿಸುವ ಆಹಾರ ಪದ್ಧತಿಯಲ್ಲಿ ಪೌಷ್ಟಿಕಾಂಶಗಳನ್ನು ಹೊಂದುವುದು ಮೊದಲ ಆದ್ಯತೆಯಾಗಿರಬೇಕು. ಹಾಗೆಂದು ಇತ್ತೀಚಿಗೆ ಮತ್ತು ಉತ್ತಮ ಆಹಾರ ಪದ್ಧತಿಯನ್ನು ಜೀವನದಲ್ಲಿ ಅಳವಡಿಸಿಕೊಂಡು ಪ್ರತಿ ಬಾರಿ ದೇಹದ ತೂಕ ಕಡಿಮೆ ಆಯಿತಾ ಅಥವಾ ಇಲ್ಲವಾ ಎಂಬ ಬಗ್ಗೆ ತೂಕದ ಸ್ಕೇಲ್ ಪರೀಕ್ಷೆ ಮಾಡುವುದು ಒಳ್ಳೆಯದಲ್ಲ. ಏಕೆಂದರೆ ದೇಹದ ತೂಕ ಒಮ್ಮೆಲೆ ಕಡಿಮೆ ಆಗುವುದಿಲ್ಲ. ಹೇಗೆ ನಿಧಾನವಾಗಿ ಏರಿಕೆ ಆಯಿತು ಅದೇ ರೀತಿ ಅದಕ್ಕಿಂತಲೂ ನಿಧಾನವಾಗಿ ಕಡಿಮೆ ಆಗುತ್ತದೆ. ಮನಸ್ಸಿನಲ್ಲಿ ತಾಳ್ಮೆ ಇರಬೇಕು ಅಷ್ಟೇ. ಪದೇ ಪದೇ ತೂಕದ ಸ್ಕೇಲ್ ನೋಡುವುದರಿಂದ ಮನಸ್ಸಿಗೆ ಹಿಂಸೆ ಅನ್ನಿಸುತ್ತದೆ. ಹಾಗಾಗಿ ಹದಿನೈದು ದಿನಗಳಿಗೊಮ್ಮೆ ದೇಹದ ತೂಕವನ್ನು ಅಳತೆ ಮಾಡಿಕೊಂಡರೆ ಸಾಕು.
ತೂಕ ಇಳಿಸಿಕೊಳ್ಳಲು ನಿಮ್ಮ ದೈನಂದಿನ ರೊಟ್ಟಿಗಳ 5 ಆರೋಗ್ಯಕರ ಆವೃತ್ತಿಗಳು
ಭಾರ ಎತ್ತುವ ವ್ಯಾಯಾಮವನ್ನು ಸರಿಯಾಗಿ ಮಾಡದಿರುವುದು
ಸಾಕಷ್ಟು ಜನರಿಗೆ ತಮ್ಮ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಲು ಭಾರ ಎತ್ತುವ ವ್ಯಾಯಾಮಗಳನ್ನು ಹೊರತು ಪಡಿಸಿ ಉಳಿದಂತಹ ವ್ಯಾಯಾಮಗಳನ್ನು ಮಾಡಬೇಕು ಎಂಬ ಭಾವನೆ ಇರುತ್ತದೆ. ಆದರೆ ಇದು ತಪ್ಪು. ಭಾರ ಎತ್ತುವ ವ್ಯಾಯಾಮಗಳನ್ನು ಮಾಡುವುದರಿಂದ ದೇಹದ ಆಕಾರ ಒಂದು ಹಂತಕ್ಕೆ ಸರಿಯಾಗಿ ಬಂದು ನಿಲ್ಲುತ್ತದೆ. ಈ ಪ್ರಕ್ರಿಯೆಯಲ್ಲಿ ದೇಹದ ತೂಕ ಕೂಡ ಕಡಿಮೆ ಆಗುತ್ತದೆ. ವಿಶೇಷವಾಗಿ ಸೊಂಟದ ಭಾಗದಲ್ಲಿ ಹಾಗೂ ತೊಡೆಗಳ ಭಾಗದಲ್ಲಿ ಕಂಡು ಬರುವ ಕೊಬ್ಬಿನ ಅಂಶ ನಿಯಂತ್ರಣ ವಾಗಲು ತೂಕ ಎತ್ತುವ ವ್ಯಾಯಾಮ ಅನುಕೂಲಕರವಾಗಿ ಕೆಲಸ ಮಾಡುತ್ತದೆ.
ಕಡಿಮೆ ಕೊಬ್ಬು ಇರುವ ಆಹಾರಗಳನ್ನು ಸೇವಿಸುವುದು
ಹೇಗಾದರೂ ಮಾಡಿ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಬೇಕು ಎಂಬ ಭಾವನೆ ಮನಸ್ಸಿಗೆ ಬಂದು ಬಿಟ್ಟರೆ ಜನರು ಏನು ಬೇಕಾದರೂ ಮಾಡುತ್ತೇವೆ ಎಂದು ಆಹಾರ ಪದ್ಧತಿಯಲ್ಲಿ ತೀವ್ರ ತರದ ಬದಲಾವಣೆಗಳನ್ನು ತಂದುಕೊಳ್ಳಲು ಮುಂದಾಗುತ್ತಾರೆ. ಆದರೆ ಸಂಪೂರ್ಣವಾಗಿ ಸ್ವಲ್ಪ ಕೂಡ ಕೊಬ್ಬಿನಂಶ ಇಲ್ಲದ ಆಹಾರಗಳನ್ನು ಸೇವಿಸಲು ಮುಂದಾದರೆ ಮತ್ತು ಅತಿಯಾದ ವ್ಯಾಯಾಮ ಮಾಡಲು ಮುಂದಾಗುವುದು ದೇಹದ ಆರೋಗ್ಯವನ್ನು ಮತ್ತಷ್ಟು ಹಾಳು ಮಾಡುವುದರಲ್ಲಿ ಯಾವುದೇ ಅನುಮಾನ ಇಲ್ಲ.
ವ್ಯಾಯಾಮದಿಂದ ದೇಹದ ತೂಕ ಕಡಿಮೆ ಆಗುತ್ತದೆ ಎಂದು ಅದನ್ನು ಅನುಸರಿಸುವ ಪ್ರಕ್ರಿಯೆಗೆ ಮುಂದಾದ ಮೇಲೆ ದೇಹಕ್ಕೆ ಅಗತ್ಯವಾದ ಪ್ರಮಾಣದಲ್ಲಿ ಆರೋಗ್ಯಕರ ಕೊಬ್ಬಿನ ಅಂಶಗಳನ್ನು ಸೇವನೆ ಮಾಡಬೇಕು. ಇದರಿಂದ ದೇಹದ ತೂಕ ಹೆಚ್ಚಾಗುವುದಿಲ್ಲ. ಬದಲಿಗೆ ಆರೋಗ್ಯ ಅತ್ಯುತ್ತಮವಾಗಿ ನಿರ್ವಹಣೆ ಆಗುತ್ತದೆ.
ರಾತ್ರಿ 8 ಗಂಟೆಯ ನಂತರ ಊಟ ಸೇವಿಸುವುದರಿಂದ ತೂಕ ಹೆಚ್ಚಾಗುತ್ತದೆಯೇ?
ಬೇಕಾದ ಪ್ರಮಾಣದಲ್ಲಿ ಪ್ರೋಟಿನ್ ಅಂಶ ಸೇವಿಸದೇ ಇರುವುದು
ದೀರ್ಘ ಕಾಲದವರೆಗೆ ದೇಹದಲ್ಲಿ ಶಕ್ತಿ ಮತ್ತು ಚೈತನ್ಯ ಉಳಿಸುವ ಅಂಶಗಳು ಎಂದರೆ ಅದು ಪ್ರೋಟೀನ್ ಅಂಶಗಳು ಮಾತ್ರ. ಪ್ರೋಟಿನ್ ಅಂಶಗಳನ್ನು ಒಳಗೊಂಡ ಆಹಾರಗಳನ್ನು ಸೇವನೆ ಮಾಡುವುದರಿಂದ ಅತಿ ಹೆಚ್ಚು ಕ್ಯಾಲರಿ ಅಂಶಗಳನ್ನು ಒಳಗೊಂಡ ಆಹಾರಗಳನ್ನು ತಿನ್ನುವ ಪ್ರಮೇಯ ತಪ್ಪುತ್ತದೆ. ಆದರೆ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಬೇಕು ಎನ್ನುವ ಭರದಲ್ಲಿ ಪ್ರೋಟೀನ್ ಅಂಶ ಒಳಗೊಂಡಿರುವ ಆಹಾರಗಳನ್ನು ತಿನ್ನದಿರುವುದು ಖಂಡಿತ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಪ್ರತಿ ದಿನ ದೇಹದಲ್ಲಿ ನಡೆಯಬೇಕಾದ ಮೆಟಬಾಲಿಸಂ ಪ್ರಕ್ರಿಯೆಗೆ ಹಾಗೂ ಮಾಂಸ - ಖಂಡಗಳ ಅಭಿವೃದ್ಧಿಗೆ ಜೊತೆಗೆ ದೇಹದ ತೂಕ ಕಡಿಮೆ ಮಾಡಲು ಕೂಡ ನಿಮ್ಮ ಆಹಾರ ಪದ್ಧತಿಯಲ್ಲಿ ಪ್ರೋಟೀನ್ ಅಂಶ ಬಳಕೆ ಆಗುವುದು ಕಡ್ಡಾಯ.
ಹೆಚ್ಚು ಕ್ಯಾಲೋರಿಗಳನ್ನು ಸೇವಿಸಲು ಮುಂದಾಗುವುದು
ವ್ಯಾಯಾಮ ಮಾಡುತ್ತಿರುವ ಕಾರಣದಿಂದ ದೇಹದಲ್ಲಿ ಕ್ಯಾಲೋರಿಗಳು ಕಡಿಮೆ ಆಗಿರುತ್ತವೆ ಎಂಬ ಕಾರಣಕ್ಕೆ ಅತಿಯಾದ ಕ್ಯಾಲೋರಿ ಅಂಶಗಳನ್ನು ಒಳಗೊಂಡ ಅನಾರೋಗ್ಯಕರ ಆಹಾರಗಳನ್ನು ಸೇವಿಸಲು ಮುಂದಾಗುವುದು ತಪ್ಪು. ವ್ಯಾಯಾಮ ಮಾಡುವ ದಿನಗಳಲ್ಲಿ ಕ್ಯಾಲೋರಿ ಅಂಶಗಳನ್ನು ಹೆಚ್ಚು ಒಳಗೊಂಡಿರುವ ಆಹಾರಗಳ ಬಗ್ಗೆ ಗಮನವಿರಬೇಕು. ಅತಿಯಾಗಿ ಕ್ಯಾಲೊರಿ ಅಂಶಗಳನ್ನು ಸೇವಿಸಿ ವ್ಯಾಯಾಮ ಮಾಡಲು ಮುಂದಾದರೆ ಅದರಿಂದ ಯಾವುದೇ ಪ್ರಯೋಜನಗಳಿಲ್ಲ. ಹಾಗಾಗಿ ಅತ್ಯುತ್ತಮವಾದ ಆಹಾರ ಪದ್ಧತಿಯನ್ನು ಅಭ್ಯಾಸ ಮಾಡಿಕೊಳ್ಳುವುದು ತುಂಬಾ ಒಳ್ಳೆಯದು.
To Read in English Click: Weight Loss Mistakes That Most Overweight People Make