ನಿಮ್ಮ ಆಯುಸ್ಸನ್ನು ಹೆಚ್ಚಿಸಿಕೊಳ್ಳಲು ನೀವು ಎಷ್ಟು ಹೊತ್ತು ವರ್ಕ್‌ಔಟ್ ಮಾಡಬೇಕು

ಅಮೆರಿಕನ್ ಹಾರ್ಟ್ ಅಸೋಸಿಯೇಶನ್ ಜರ್ನಲ್ ಸರ್ಕ್ಯೂಲೇಶನ್ ಅವರು ಪ್ರಕಟಿಸಿರುವ ವರದಿಯ ಪ್ರಕಾರ, ಹನ್ನೆರಡು ನಿಮಿಷಗಳ ಕಾಲ ತುಂಬಾ ಚಟುವಟಿಕೆಯಿಂದ ಕೂಡಿದ ವ್ಯಾಯಾಮವನ್ನು ಮಾಡುವುದರಿಂದ ಮಧುಮೇಹ ಹಾಗೂ ಹೃದ್ರೋಗ ಬರುವ ಅಪಾಯ ಕಡಿಮೆಯಾಗುತ್ತದೆಯಂತೆ. ಸುಮಾರು 411 ಜನರಿಂದ ಕೂಡಿದ ಪುರುಷ ಹಾಗೂ ಮಹಿಳೆಯರ ಒಂದು ಗುಂಪಿನ ಮೇಲೆ ನಡೆಸಿದ ಅಧ್ಯಯನದ ಪ್ರಕಾರ ಹನ್ನೆರಡು ನಿಮಿಷಗಳ ಅತ್ಯಂತ ಚಟುವಟಿಕೆಯಿಂದ ಕೂಡಿದ ವ್ಯಾಯಾಮ ಸಾಕಂತೆ.

ಜಂಪಿಂಗ್ ವ್ಯಾಯಾಮವನ್ನು ಎಲ್ಲರಿಗೂ ಮಾಡಲಾಗುವುದಿಲ್ಲ ಯಾಕೆ ಗೊತ್ತಾ?

ಈ ಅಧ್ಯಯನದಲ್ಲಿ ತಿಳಿದು ಬಂದಿದ್ದು ಏನೆಂದರೆ, ಡಿ.ಎಂ.ಜಿ.ವಿ ಎಂಬ ಬೈಯೋ ಮಾರ್ಕರ್ ಲಿವರ್ ಕಾಯಿಲೆ ಹಾಗೂ ಹೃದಯಾಘಾತದ ಜೊತೆಗೆ ನೇರವಾಗಿ ಸಂಬಂಧ ಹೊಂದಿರುವಂತಹದ್ದು, ವ್ಯಾಯಾಮದಿಂದ ಶೇ. 18 ರಷ್ಟು ಕಡಿಮೆಯಾಗುತ್ತದೆ. ಇದರ ಜೊತೆಗೆ ಹೃದಯಾಘಾತ, ಮಧುಮೇಹ ಹಾಗೂ ಆಯುಸ್ಸಿನ ಜೊತೆಗೆ ನೇರವಾಗಿ ಸಂಬಂಧ ಹೊಂದಿರುವ ಗ್ಲುಟಮೆಟ್ ಎಂಬ ಅಂಶವು ಸಹ ಶೇ. 29 ರಷ್ಟು ಕಡಿಮೆಯಾಗುತ್ತದೆಯಂತೆ.

ಇದು ನಿಜಕ್ಕೂ ಶುಭಸುದ್ದಿ. ಹನ್ನೆರಡು ನಿಮಿಷಗಳ ಕಾಲ ವ್ಯಾಯಾಮ ಮಾಡುವ ಮೂಲಕ ನಾವು ಮಾರಣಾಂತಿಕ ರೋಗಗಳಿಂದ ನಮ್ಮನ್ನು ನಾವು ರಕ್ಷಿಸಿಕೊಳ್ಳಬಹುದು ಹಾಗೂ ಆಯುಸ್ಸನ್ನು ಹೆಚ್ಚಿಸಿಕೊಳ್ಳಬಹುದು ಎಂದರೆ ನಿಜಕ್ಕೂ ಒಳ್ಳೆಯದಲ್ಲವೇ.

ವಿಜ್ಞಾನಿಗಳು ವ್ಯಾಯಾಮವು ನಮ್ಮ ದೇಹದ ಕಣ ಕಣದ ಮೇಲೆ ಹೇಗೆ ಕೆಲಸ ಮಾಡುತ್ತದೆ ಎಂಬುದನ್ನು ತಿಳಿದುಕೊಳ್ಳುತ್ತಿದ್ದೇವೆ ಎಂದು ತಿಳಿಸಿದ್ದಾರೆ. ಅಧಿಕ ರಕ್ತದೊತ್ತಡ ಹಾಗೂ ಜೀರ್ಣಾಂಗ ಸಮಸ್ಯೆಗಳನ್ನು ಹೊಂದಿರುವವರಿಗೆ ವ್ಯಾಯಾಮವು ವರದಾನವಾಗಿ ಪರಿಣಮಿಸುತ್ತದೆಯಂತೆ. ಇದು ಅವರ ಬಾಳಿನಲ್ಲಿ ಆರೋಗ್ಯದ ಹೊಸ ಅಧ್ಯಾಯನ್ನೇ ತೆರೆಯುತ್ತದೆ.

To Read in English Click: The ideal duration of your workout if you want to live longer: Study