ಏಡ್ಸ್‌ ಬಗ್ಗೆ ಇರಲಿ ಎಚ್ಚರ

ಗ್ರಾಮೀಣ ಅಥವಾ ನಗರ ಪ್ರದೇಶ ಎಂಬ ಭೇದವಿಲ್ಲದೆ ಭಾರತದಲ್ಲಿ ಏಡ್ಸ್‌ ಪ್ರಮಾಣ ಹೆಚ್ಚುತ್ತಿದೆ. ಹಲವು ವರ್ಷಗಳಿಂದ ಈ ಬಗ್ಗೆ ಸರಕಾರ ಸೇರಿದಂತೆ ನಾನಾ ಸಂಘಸಂಸ್ಥೆಗಳು ಈ ಬಗ್ಗೆ ಜಾಗೃತಿ ಮೂಡಿಸಲು ಶ್ರಮಿಸುತ್ತಿವೆ. ಆದರೂ ಕೂಡ ಸಮಸ್ಯೆ ನಿರ್ಮೂಲನೆಯಾಗದೆ ಇರಲು ಕಾರಣ ಹಲವರಿಗೆ ತಾವು ಇಂಥದ್ದೊಂದು ಸಮಸ್ಯೆಯನ್ನು ಎದುರಿಸುತ್ತಿದ್ದೇವೆ ಎಂಬುದೇ ತಿಳಿದಿಲ್ಲ. ಆದರೆ ಇದರಿಂದ ಭಯಗೊಳ್ಳುವ ಅಗತ್ಯವಿಲ್ಲ. ಜಾಗೃತಿ ಬಗ್ಗೆ ಗಮನ ಹರಿಸುವುದರ ಜತೆ ಲಕ್ಷಣಗಳು ಕಂಡು ಬಂದಾಗ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ ಚಿಕಿತ್ಸೆ ಪಡೆದರೆ ಈ ಕಾಯಿಲೆಯನ್ನು ಹತೋಟಿಯಲ್ಲಿಡಬಹುದು.

ಏಡ್ಸ್‌ ರೋಗದ ಲಕ್ಷ ಣಗಳು
ತೂಕದಲ್ಲಿ ಹಠಾತ್‌ ಬದಲಾವಣೆ ಕಂಡು ಬಂದರೆ ಎಚ್ಚರವಹಿಸಿ.
ಯಾವಾಗಲೂ ಕಾಡುವ ಕೆಮ್ಮು, ವಿಶೇಷವಾಗಿ ಒಣ ಕೆಮ್ಮು ಅಪಾಯಕಾರಿ.
ಉಗುರುಗಳಲ್ಲಾಗುವ ಬದಲಾವಣೆ ಗಮನಿಸಿ. ಬಣ್ಣದಲ್ಲಿ ವ್ಯತ್ಯಾಸ, ಸೀಳುವಿಕೆ ಇತ್ಯಾದಿ.
ಮಾನಸಿಕ ಏರುಪೇರು, ಸಿಟ್ಟು, ಕಿರಿಕಿರಿ ಮತ್ತಿತರ ಲಕ್ಷಣಗಳನ್ನು ಹೊಂದಿರುತ್ತದೆ.
ವಿಪರೀತ ಆಯಾಸವಾದಂತಹ ಅನುಭವ ಆಗುತ್ತದೆ. ಚರ್ಮ ಸಮಸ್ಯೆ ಕೂಡ ಇಲ್ಲಿ ಪ್ರಮುಖವಾಗಿ ಕಾಣಿಸುತ್ತದೆ. ಎಚ್‌ ಐವಿ ಸೋಂಕಿನ ಬಗ್ಗೆ ಎಚ್ಚರಿಕೆ ವಹಿಸಿ ಮತ್ತು ಚಿಕಿತ್ಸೆ ಪಡೆಯುವುದಕ್ಕಿಂತ ಬಾರದಂತೆ ತಡೆಯುವುದು ಉತ್ತಮ.
ಎಚ್ಚರಿಕೆ
ಟ್ಯಾಟೂ ಹಾಕಿಸಿಕೊಳ್ಳುವಾಗ ಎಚ್ಚರವಹಿಸಿ. ಒಬ್ಬರಿಗೆ ಬಳಸಿದ ಸೂಜಿಯನ್ನು ಇನ್ನೊಬ್ಬರಿಗೆ ಬಳಸದಂತೆ ನೋಡಿಕೊಳ್ಳಿ.
ಸುರಕ್ಷಿತ ಲೈಂಗಿಕ ಸಂಪರ್ಕ ವಿಧಾನವನ್ನು ಅನುಸರಿಸಿ.
ಹೆಚ್ಚು ಸಂಗಾತಿಗಳೊಂದಿಗೆ ಲೈಂಗಿಕ ಸಂಪರ್ಕ ಇಟ್ಟುಕೊಳ್ಳಬೇಡಿ.
ಗರ್ಭಧಾರಣೆಯಲ್ಲಿ ಎಚ್ಚರವಹಿಸಿ. ಏಕೆಂದರೆ ನಿಮ್ಮ ಮಗುವಿಗೂ ಸೋಂಕು ತಲುಗಬಹುದು.
ಆರಂಭದಲ್ಲೇ ಪತ್ತೆ ಹಚ್ಚಿದರೆ ಚಿಕಿತ್ಸೆ ಜತೆ ಇನ್ನೊಬ್ಬರಿಗೆ ಹರಡುವುದರನ್ನು ತಪ್ಪಿಸಬಹುದು.