ಆಯುರ್ವೇದ: ಇಲ್ಲಿವೆ ಆಹಾರದ ಬಗ್ಗೆ ನಿಯಮ, ನಿಬಂಧನೆಗಳು

ಆಹಾರ ಕೇವಲ ಹೊಟ್ಟೆ ತುಂಬಿಸಲು ಮಾತ್ರವಲ್ಲ, ಬದಲಾಗಿ ಆರೋಗ್ಯಕರವಾದ ಶರೀರ ಮತ್ತು ಮನಸ್ಸು ಪಡೆಯಲು ಮೈಂಡ್ ಫುಲ್ ಈಟಿಂಗ್ ಅತಿ ಮುಖ್ಯವಾದುದು. ಪ್ರಸ್ತುತ ಬಹುತೇಕರಿಗೆ ಜೀರ್ಣಕ್ರಿಯೆಗೆ ಸಂಬಂಧಿಸಿದ ಸಮಸ್ಯೆಗಳು ಹೆಚ್ಚುತ್ತಲೇ ಇದೆ. ಹಾಗಾಗಿ ಪ್ರತಿಯೊಬ್ಬರು ಕೂಡ ಆಹಾರದ ಅಭ್ಯಾಸದ ವಿಷಯದಲ್ಲಿ ಜಾಗರೂಕತೆಯನ್ನು ವಹಿಸಲೇಬೇಕು. ಆಯುರ್ವೇದದಲ್ಲಿ ಆಹಾರವನ್ನು ಹೇಗೆ ತಿನ್ನಬೇಕು ಎಂಬ ಟಿಪ್ಸ್ ಇಲ್ಲಿದೆ. ಮುಂದೆ ಓದಿ.

ಸಾಂಕ್ರಾಮಿಕ ರೋಗಗಳು ಬಂದಾಗಿನಿಂದ ಜನರು ಆಹಾರ ಹಾಗು ದೇಹದಂಡನೆಯಲ್ಲಿ ಸ್ವಲ್ಪ ಬದಲಾವಣೆಯನ್ನು ತರುತ್ತಿದ್ದಾರೆ. ಆದರೆ ಆಯುರ್ವೇದವು ಪೂರ್ವದಲ್ಲಿಯೇ ಆಹಾರ ಹಾಗು ವ್ಯಾಯಾಮದ ಬಗ್ಗೆ ಸವಿವರವಾಗಿ ತಿಳಿಸಿದೆ. ಆಯುರ್ವೇದ ಡಯಟ್ ಪ್ರಕಾರ ಆಹಾರವನ್ನು ಸೇವಿಸಲು ಕೆಲವು ರೂಲ್ಸ್ ಇವೆ. ಎಂತಹ ಆಹಾರ ಯಾವಾಗ ತಿನ್ನಬೇಕು? ಹೇಗೆ ಸೇವಿಸಬೇಕು? ನಿಮ್ಮ ಶರೀರ ಎಂಥಹ ಆಹಾರಕ್ಕೆ ಹೊಂದಿಕೊಳ್ಳುತ್ತದೆ?

• ನಿಮಗೆ ಹಸಿವು ಆದಾಗ ಮಾತ್ರ ಸೇವಿಸಿ, ಸುಖಾಸುಮ್ಮನೆ ತಿನ್ನಬೇಕು ಎಂದು ತಿನ್ನಬೇಡಿ.
• ಪೂರ್ತಿಯಾಗಿ ಹಸಿವು ಉಂಟಾ ಆಹಾರ ಸೇವನೆ ಮಾಡಿದರೆ, ಇದಕ್ಕಿಂತ ಮುಂಚೆ ನೀವು ತಿಂದ ಆಹಾರವು ಸಂಪೂರ್ಣವಾಗಿ ಜೀರ್ಣವಾಗಿ ಮತ್ತೆ ಹಸಿವು ಆಗಿದೆ ಎಂದೇ ಅರ್ಥ.
• ಕೆಲವು ಬಾರಿ ಡಿಹೈಡ್ರೇಷನ್‌ಯಿಂದಾಗಿ ಕೂಡ ಹಸಿವು ಉಂಟಾಗುತ್ತದೆ. ಹಾಗಾಗಿ ನಿಮಗೆ ಸಂಪೂರ್ಣವಾಗಿ ಹಸಿವು ಉಂಟಾದರೆ ಮಾತ್ರ ಆಹಾರವನ್ನು ತೆಗೆದುಕೊಳ್ಳಿ.

ಪದೇ ಪದೇ ಹಸಿವು ಉಂಟಾಗುತ್ತಿದ್ದರೆ, ಈ ಸಮಸ್ಯೆಗಳು ಇರಬಹುದು ಎಚ್ಚರ..!

• ಪ್ರಶಾಂತವಾದ ವಾತಾವರಣದಲ್ಲಿ ಕುಳಿತುಕೊಂಡು ನಿಧಾನವಾಗಿ ತಿನ್ನಬೇಕು. ಯಾವುದೇ ಕಾರಣಕ್ಕೂ ಆತುರವಾಗಿ ಆಹಾರವನ್ನು ಸೇವಿಸಬಾರದು ಎನ್ನುತ್ತದೆ ಆಯುರ್ವೇದ.
• ಕೆಳಗೆ ಕುಳಿತು ಆಹಾರ ಸೇವನೆ ಮಾಡುವುದರಿಂದ ಅನೇಕ ಪ್ರಯೋಜನಗಳಿವೆ.
• ಆಹಾರ ಸೇವನೆ ಮಾಡುವ ಸಮಯದಲ್ಲಿ ಯಾವುದೇ ಕಾರಣಕ್ಕೂ ಟಿವಿ, ಮೊಬೈಲ್, ಲ್ಯಾಪ್‌ಟ್ಯಾಪ್, ಬುಕ್ಸ್ ನಂತವುಗಳಿಂದ ಸಂಪೂರ್ಣವಾಗಿ ದೂರವಿರಿ. ಇದೊಂದು ಅನಾರೋಗ್ಯಕರವಾದ ಅಭ್ಯಾಸ ಎನ್ನುತ್ತದೆ ಆಯುರ್ವೇದ.
• ಅಲ್ಲದೇ, ನಿಮಗೆ ಅಗತ್ಯವಾದ ಆಹಾರ ಪ್ರಮಾಣವನ್ನು ಮಾತ್ರ ಸೇವನೆ ಮಾಡಿ.

ಆಯುರ್ವೇದ: ಇವುಗಳನ್ನು ತಿಂದರೆ ಯಾವುದೇ ರೋಗಗಳು ಹತ್ತಿರ ಕೂಡ ಸುಳಿಯುವುದಿಲ್ಲವಂತೆ…

• ಆದಷ್ಟು ಆಹಾರವನ್ನು ಬಿಸಿ ಬಿಸಿಯಾಗಿರುವಾಗಲೇ ಸೇವನೆ ಮಾಡಬೇಕು.
• ವಾಸ್ತವವಾಗಿ ತಾಜಾ ತರಕಾರಿಗಳು, ತಾಜಾ ಹಣ್ಣುಗಳನ್ನು ಸೇವನೆ ಮಾಡುವುದು ತುಂಬಾ ಒಳ್ಳೆಯದು.
• ಪ್ರಿಡ್ಜ್ ನಲ್ಲಿರುವ ಆಹಾರಗಳನ್ನು ಸೇವನೆ ಮಾಡುವುದರಿಂದ ಜೀರ್ಣಕ್ರಿಯೆಯ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ ಎನ್ನುತ್ತಾರೆ ತಜ್ಞರು.
• ಹೆಚ್ಚಾಗಿ ಎಣ್ಣೆಯಲ್ಲಿ ಕರಿದ ಆಹಾರ, ಪಿಷ್ಟ ಆಹಾರ, ಸಂಸ್ಕರಿಸಿದ ಆಹಾರಗಳಿಂದ ಆದಷ್ಟು ದೂರವಿರಿ. ಈ ಆಹಾರಗಳ ಬದಲಾಗಿ ಪೋಷಕಾಂಶದಿಂದ ಸಮೃದ್ಧವಾಗಿರುವ ಆಹಾರಗಳನ್ನು ಸೇವನೆ ಮಾಡಿ.
• ಹೊರಗೆ ತಯಾರು ಮಾಡಿದ ಆಹಾರಗಳಲ್ಲಿ ಕಲಬೆರಕೆ ಹಾಗು ಅಶುಚಿ ಇರುವುದರಿಂದ ಮನೆಯಲ್ಲಿ ತಯಾರು ಮಾಡಿದ ಆಹಾರವನ್ನೇ ಸೇವನೆ ಮಾಡಿ.

ಆಯುರ್ವೇದದ ಪ್ರಕಾರ ಹಣ್ಣುಗಳನ್ನು ಯಾವಾಗ ಸೇವಿಸಬೇಕು ಗೊತ್ತ?

• ಹಾಗೆಯೇ ಎರಡು ವಿಭಿನ್ನವಾದ ಆಹಾರವನ್ನು ಮಿಶ್ರಣ ಮಾಡಿ ತೆಗೆದುಕೊಳ್ಳಬೇಡಿ.
• ಅದರಲ್ಲಿಯೂ, ಹಾಲು ಮತ್ತು ಹಣ್ಣುಗಳನ್ನು ಸೇರಿಸಿ ಸೇವಿಸಬಾರದು ಎನ್ನುತ್ತದೆ ಆಯುರ್ವೇದ.
• ಆಹಾರವನ್ನು ತೆಗೆದುಕೊಳ್ಳುವ ಸಮಯದಲ್ಲಿ ಏಕಾಗ್ರತೆಯಿಂದ ಐದು ಇಂದ್ರಿಯಾಗಳನ್ನು ಉಪಯೋಗಿಸಿ ತಿನ್ನಿ.
• ನೀವು ಸೇವನೆ ಮಾಡುತ್ತಿರುವ ಆಹಾರದ ರುಚಿ ಹಾಗು ಸ್ವಾದವನ್ನು ಸವಿಯುತ್ತಾ ಆಹಾರವನ್ನು ಸೇವಿಸಬೇಕು.
• ಎಂದಿಗೂ ಆಹಾರ ಅಥವಾ ನೀರನ್ನು ನಿಂತು ತಿನ್ನಬಾರದು ಮತ್ತು ಕುಡಿಯಬಾರದು.
• ಸರಿಯಾದ ಸಮಯದಲ್ಲಿ ಆಹಾರವನ್ನು ಸೇವನೆ ಮಾಡಬೇಕು.

ಈ ಮೇಲಿನ ವಿಷಯವನ್ನು ಗಮನದಲ್ಲಿಟ್ಟುಕೊಂಡು ಆಹಾರವನ್ನು ಆಯುರ್ವೇದ ತಿಳಿಸುವ ರೀತಿಯಲ್ಲಿ ಸೇವನೆ ಮಾಡಿ. ಇದರಿಂದ ಆರೋಗ್ಯಕರವಾದ ಜೀವನವನ್ನು ಸಾಗಿಸಬಹುದು.