ಒಂದೇ ವರ್ಷದಲ್ಲಿ ಗರ್ಭಧರಿಸಿದ 22 ಪುರುಷರು, ಪುರುಷರಲ್ಲಿ ಗರ್ಭಧಾರಣೆ ಸಾಧ್ಯವೇ?

ಇತ್ತೀಚಿಗೆ ಗರ್ಭಧರಿಸುವ ಪುರುಷರ ಬಗ್ಗೆ ಸುದ್ದಿಗಳು ಬರುತ್ತಿವೆ, ಅದರಲ್ಲೂ ಟ್ರಾನ್ಸ್‌ಜೆಂಡರ್‌ ಜೋಡಿಗಳಲ್ಲಿ ಈ ರೀತಿಯ ಗರ್ಭಧಾರಣೆ ಕಾಣುತ್ತಿದೆ. ವರದಿ ಪ್ರಕಾರ ಒಂದೇ ವರ್ಷದಲ್ಲಿ 22 ಆಸ್ಟ್ರೇಲಿಯಾದ ಪುರುಷರು ಮಕ್ಕಳಿಗೆ ಜನ್ಮ ನೀಡಿದ್ದಾರೆ.

ಸರ್ಕಾರದ ಮೆಡಿಕೇರ್‌ ದಾಖಲೆಗಳ ಪ್ರಕಾರ ಕಳೆದ ಒಂದು ವರ್ಷದಲ್ಲಿ 22 ಆಸ್ಟ್ರೇಲಿಯಾದ ಪುರುಷರು ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಕಳೆದ ಒಂದು ದಶಕದಲ್ಲಿ 228 ಮಕ್ಕಳು ಪುರುಷರಿಗೆ ಹುಟ್ಟಿದ್ದಾರೆ. 2009ರವರೆಗೆ ಪುರುಷರು ಮಕ್ಕಳಿಗೆ ಜನ್ಮ ನೀಡಿರುವ ಯಾವುದೇ ದಾಖಲೆಗಳಿರಲಿಲ್ಲ.

30 ವರ್ಷದ ಬ್ರಿಟಿಷ್‌ ಟ್ರಾನ್ಸ್‌ಜೆಂಡರ್‌ ಫ್ರೆಡ್ಡಿ ಮೆಕ್ನೋಲ್ ಮಗನಿಗೆ ಜನ್ಮ ನೀಡುವುದನ್ನು ಬಿಬಿಸಿ 'Seahorse’ ಎಂಬ ಹೆಸರಿನಲ್ಲಿ ಸಾಕ್ಷ್ಯಾ ಚಿತ್ರವನ್ನಾಗಿಸಿದೆ. ಇದನ್ನು 2019ರ ಮೆಲ್ಬೋರ್ನೆ ಫಿಲ್ಮೋ ಫೆಸ್ಟಿವಲ್‌ನಲ್ಲಿ ಪ್ರದರ್ಶಿಸಲಾಗಿತ್ತು.

ಗರ್ಭವಿಲ್ಲದೆ ಮಗು ಬೆಳೆಯಲು ಸಾಧ್ಯವೇ?
ನೈರ್ಸಗಿಕವಾಗಿ ಪುರುಷರು ಗರ್ಭಧರಿಸಲು ಸಾಧ್ಯವಿಲ್ಲ, ಆದರೆ viable ectopic pregnancies ಅಂದರೆ uterine cavity ಹೊರಗಡೆ ಕೆಲವೊಂದು ಮಹಿಳೆಯರಲ್ಲಿ ಗರ್ಭಧಾರಣೆಯಾಗುತ್ತದೆ. ಈ ವಿಧಾನದಂತೆಯೇ ಪುರುಷರಲ್ಲಿ ಇನ್‌ ವಿಟ್ರೋ ಫರ್ಟಿಲೈಸೇಸನ್ ತಂತ್ರಜ್ಞಾನದ ಮೂಲಕ ಗರ್ಭಧಾರಣೆ ಮಾಡಲಾಗುವುದು. ಗರ್ಭದ ಹೊರಗೆ ಮಗು ಬೆಳೆದರೆ ಗರ್ಭಧಾರಣೆಯಾದವರು ಹಾಗೂ ಮಗು ಸುರಕ್ಷಿತ ಎಂದು ಹೇಳಲು ಸಾಧ್ಯವಿಲ್ಲ.

ಪುರುಷರು ಗರ್ಭಧಾರಣೆಯಾಗಲು ಹೇಗೆ ಸಾಧ್ಯ?
ಟ್ರಾನ್ಸ್‌ಜೆಂಡರ್‌ಗಳಲ್ಲಿ ಕೆಲವರಲ್ಲಿ ಪುರುಷರಾಗಿದ್ದರೂ ಮಹಿಳೆಯರ ಹಾರ್ಮೋನ್‌ ಇರುತ್ತದೆ. ಅಲ್ಲದೆ ಮಗು ಬೆಳೆಯಲು ಅಗತ್ಯವಾದ ಅಂಗಾಂಗವೂ ಇರುತ್ತದೆ. ಆಧುನಿಕ ವೈದ್ಯಕೀಯ ಸೌಲಭ್ಯಗಳು ಮಕ್ಕಳು ಬಯಸುವ ಟ್ರಾನ್ಸ್‌ಜೆಂಡರ್‌ ದಂಪತಿಗೆ ಮಗುವನ್ನು ಪಡೆಯುವ ಭಾಗ್ಯವನ್ನು ನೀಡುತ್ತಿದೆ.

ಕೆಲ ಪುರುಷರಲ್ಲಿ ಗರ್ಭಕೋಶವಿರುತ್ತದೆ ಹಾಗೂ ಪುರುಷರ ಹಾರ್ಮೋನ್‌ ಇರುತ್ತದೆ. ಇಂಥವರಿಗೆ HRT ಚಿಕಿತ್ಸೆ ಅಂದರೆ ಪುರುಷ ಹಾರ್ಮೋನ್‌ ಉತ್ಪತ್ತಿಯನ್ನು ತಡೆಯುವ ಚಿಕಿತ್ಸೆ ನೀಡಲಾಗುವುದು, ನಂತರ ಐವಿಎಫ್ ಚಿಕಿತ್ಸೆಯ ಮೂಲಕ ಗರ್ಭಧಾರಣೆ ಮಾಡಬಹುದು.
ಇನ್ನುಈ ಚಿಕಿತ್ಸೆ ಪಡೆಯದೆ ಲೈಂಗಿಕ ಕ್ರಿಯೆಯ ಮೂಲಕ ಟ್ರಾನ್ಸ್‌ಜೆಂಡರ್ ಪುರುಷ ಗರ್ಭಧಾರಣೆಯಾದ ಪುರಾವೆಗಳಿವೆ.