ಪರಸ್ಪರ ಮುತ್ತಿಕ್ಕುವುದರಿಂದ ತೃಪ್ತಿಯ ಜತೆಗೆ ಆರೋಗ್ಯವೂ ವೃದ್ಧಿ

ಪರಸ್ಪರ ಮುತ್ತಿಕ್ಕುವುದರಿಂದ ದೈಹಿಕ ಮತ್ತು ಮಾನಸಿಕ ತೃಪ್ತಿಯಷ್ಟೇ ಅಲ್ಲ, ಆರೋಗ್ಯದ ದೃಷ್ಟಿಯಿಂದಲೂ ಉತ್ತಮ. ದೇಹದ ಆರೋಗ್ಯವನ್ನು ವೃದ್ಧಿಸುವಲ್ಲಿ ಚುಂಬನ ಹೆಚ್ಚು ಪರಿಣಾಮಕಾರಿ. ಮನೋಶಾಸ್ತ್ರಜ್ಞರು, ಆರೋಗ್ಯತಜ್ಞರು ಮುತ್ತಿನಲ್ಲಿರುವ ಆರೋಗ್ಯದ ಗುಟ್ಟನ್ನು ಹಲವು ರೀತಿಯಲ್ಲಿ ಬಹಿರಂಗ ಪಡಿಸಿದ್ದಾರೆ. ಹೆಚ್ಚೆಚ್ಚು ಚುಂಬಿಸಿದಷ್ಟು ಆರೋಗ್ಯ ವೃದ್ಧಿಸುತ್ತದೆ. ವಯಸ್ಸಾಗುವಿಕೆಯನ್ನು ಕಡಿಮೆಗೊಳಿಸುವ ಶಕ್ತಿಯೂ ಚುಂಬನದಲ್ಲಿದೆಯ ಸದಾ ಯೌವನವನ್ನು ಕಾಪಿಟ್ಟುಕೊಳ್ಳಲು ಬಯಸುವವರಿಗೆ ಮೊದಲ ಮದ್ದು ಮುತ್ತು. ದೈಹಿಕ ಆಯಾಸವನ್ನು ಮರೆಮಾಚಿ ನಿರಾಳತೆ ಒದಗಿಸುವ ಮಾಯಾ ಶಕ್ತಿ ಚುಂಬನಕ್ಕಿದೆ.

ಇಲ್ಲಿವೆ ಒಂದಷ್ಟು ಮುತ್ತಿನಿಂದ ಸಿಗುವ ಆರೋಗ್ಯದ ಗುಟ್ಟುಗಳು.

1. ಚುಂಬನ ಹಲ್ಲುಗಳ ಆರೋಗ್ಯಕ್ಕೆ ಉತ್ತಮ. ಮುತ್ತಿಕ್ಕುವುದರಿಂದ ಲಾಲಾರಸ ಹೆಚ್ಚಾಗುತ್ತದೆ. ಇದು ಹಲ್ಲುಗಳಲ್ಲಿರುವ ಹಾನಿಕಾರರ ಬ್ಯಾಕ್ಟೀರಿಯಾಗಳ ವಿರುದ್ಧ ಹೋರಾಡಲು ಸಹಕರಿಸುತ್ತದೆ.
2. ಮುತ್ತು ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ಬಾಯಿಯಲ್ಲಿ ಸುಮಾರು 700 ವಿಧದ ಬ್ಯಾಕ್ಟೀರಿಯಾಗಳು ಇರುತ್ತವೆ. 10 ಸೆಕೆಂಡು ಚುಂಬಿಸಿದಾಗ ಸುಮಾರು 80 ದಶಲಕ್ಷ ಬ್ಯಾಕ್ಟೀರಿಯಾಗಳು ಪರಸ್ಪರರ ಬಾಯಿಯಲ್ಲಿ ಸೇರಿಕೊಳ್ಳುತ್ತವೆ. ಇದರಲ್ಲಿ ಹೊಸದಾಗಿ ಸೇರಿಕೊಳ್ಳುವ ಬ್ಯಾಕ್ಟೀರಿಯಾಗಳು ಆರೋಗ್ಯವನ್ನು ಹೆಚ್ಚಿಸುತ್ತವೆ. ಹಲವು ವಿಧದ ಬ್ಯಾಕ್ಟೀರಿಯಾಗಳಿಂದ ದೇಹದ ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ ಎಂದು ಅಧ್ಯಯನ ವರದಿಗಳು ಹೇಳುತ್ತವೆ.
3. ಮುತ್ತು ಆತಂಕ ನಿವಾರಕ
4. ಮುತ್ತಿಕ್ಕುವಾಗ ಆಕ್ಸಿಟೋಸಿನ್‌ ಎಂಬ ಹಾರ್ಮೋನ್‌ ಬಿಡುಗಡೆಯಾಗುತ್ತದೆ. ಇದನ್ನು ಪ್ರೀತಿಯ ಹಾರ್ಮೋನ್‌ ಎನ್ನಲಾಗುತ್ತದೆ. ಶಾಂತಿ, ನಿರಾಳತೆ ಮತ್ತು ಮನುಷ್ಯರ ನಡುವಣ ಹೊಂದಾಣಿಕೆಯನ್ನು ವೃದ್ಧಿ ಮಾಡುತ್ತದೆ ಎಂದು ಮನಶಾಸ್ತ್ರಜ್ಞರು ಹೇಳುತ್ತಾರೆ.
5. ಚುಂಬನದಿಂದ ರಕ್ತದೊತ್ತಡ ಕಡಿಮೆಯಾಗುತ್ತದೆ. ಮುತ್ತಿಕ್ಕುವಾಗ ರಕ್ತನಾಳಗಳು ಹಿಗ್ಗುತ್ತವೆ. ಈ ವೇಳೆ ದೇಹದ ಎಲ್ಲ ಭಾಗಕ್ಕಿಂತ ಹೆಚ್ಚಾಗಿ ರಕ್ತವು ಮುಖದೆಡೆಗೆ ಹೆಚ್ಚು ಪ್ರವಹಿಸಲು ಆರಂಭಗೊಳ್ಳುತ್ತದೆ. ಹೃದಯದಲ್ಲಿ ರಕ್ತದೊತ್ತಡ ನಿರಾಳತೆಯಾಗುತ್ತದೆ. ಇದರಿಂದ ರಕ್ತದೊತ್ತಡ ಕಡಿಮೆಯಾಗುತ್ತದೆ ಎನ್ನುತ್ತಾರೆ ತಜ್ಞರು. ಹೆಚ್ಚೆಚ್ಚು ಮುತ್ತಿಕ್ಕಿದಷ್ಟು ರಕ್ತ ಪರಿಚಲನೆ ಹೆಚ್ಚಾಗುತ್ತದೆ.

Kiss Day Images: ರೋಚಕ ಮುತ್ತಿನ ರಂಚಿತ ದಿನದಂದು ರಂಗೇರಿಸಿದ ಚಿತ್ರಗಳು