ಈ ಹಣ್ಣುಗಳನ್ನು ತಿಂದರೆ ದೇಹ ಡಿಟಾಕ್ಸ್ ಆಗುವುದು

ನಾವು ದಿನನಿತ್ಯ ತಿನ್ನುವ ಆಹಾರದಲ್ಲಿ ಕೆಲವೊಮ್ಮೆ ಬೇಡದ ರಾಸಾಯನಿಕಗಳು ನಮ್ಮ ದೇಹವನ್ನು ಸೇರುತ್ತದೆ. ಇದನ್ನು ಡಿಟಾಕ್ಸ್ ಮಾಡಬೇಕು, ಡಿಟಾಕ್ಸ್ ಅಂದರೆ ಬೇಡದ ಕಶ್ಮಲಗಳನ್ನು ದೇಹದಿಂದ ಮಲ ಹಾಗೂ ಮೂತ್ರದ ಮೂಲಕ ಹೊರಹಾಕುವುದು.
ದೇಹವನ್ನು ಡಿಟಾಕ್ಸ್ ಮಾಡಿದರೆ ದೇಹದ ಆರೋಗ್ಯ ಹೆಚ್ಚುವುದು.

1. ಸೇಬು
ಇದರಲ್ಲಿ ಪೋಷಕಾಂಶಗಳ ಜತೆ ನಾರಿನಂಶ, ಖನಿಜಾಂಶ, ವಿಟಮಿನ್ ಸಿ ಇದ್ದು ಇದನ್ನು ತಿನ್ನುವುದರಿಂದ ತ್ವಚೆ ಹಾಗೂ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.

2. ನಿಂಬೆ ಹಣ್ಣು
ವಿಟಮಿನ್‌ ಸಿ ಇರುವ ಆಹಾರಗಳು ದೇಹವನ್ನು ಡಿಟಾಕ್ಸ್ ಮಾಡುವುದರ ಜತೆಗೆ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಇದನ್ನು ಬೆಳಗ್ಗೆ ಬಿಸಿ ನೀರಿಗೆ ಹಾಕಿ ಕುಡಿದರೆ ತುಂಬಾ ಒಳ್ಳೆಯದು.

3. ಬೆರ್ರಿ ಹಣ್ಣು
ಎಲ್ಲಾ ಬಗೆಯ ಬೆರ್ರಿ ಹಣ್ಣು ದೇಹ ಡಿಟಾಕ್ಸ್ ಮಾಡಿಸುವಲ್ಲಿ ಪ್ರಯೋಜನಕಾರಿ. ಬೆರ್ರಿ ಹಣ್ಣುಗಳು ತೂಕ ಇಳಿಕೆಯಲ್ಲೂ ಸಹಕಾರಿ.

ಬೆರ್ರಿಯನ್ನು ಹೀಗೆ ಬಳಸಿ
ಬೆರ್ರಿಯನ್ನು ನೀರಿನಲ್ಲಿ ಕ್ರಶ್‌ ಮಾಡಿ ಅದನ್ನು ಅರ್ಧ ಗಂಟೆ ಇಟ್ಟು, ನಂತರ ಓಟ್ಸ್ ಜತೆ ಮಿಕ್ಸ್ ಮಾಡಿ ಅಥವಾ ಡಿಟಾಕ್ಸ್ ಜ್ಯೂಸ್‌ ರೀತಿ ಕುಡಿಯಿರಿ.

4. ಪೈನಾಪಲ್‌
ಪೈನಾಪಲ್‌ ಜೀರ್ಣಕ್ರಿಯೆಗೆ ತುಂಬಾ ಸಹಕಾರಿ. ಇದನ್ನು ಫ್ರೆಶ್‌ ಆಗಿ ತಿನ್ನಿ. ಊಟದ ನಂತರ ಒಂದು ಪೀಸ್‌ ಪೈನಾಪಲ್ ತಿಂದರೆ ಬಾಡಿ ಡಿಟಾಕ್ಸ್ ಆಗುವುದು.

5. ಪಪ್ಪಾಯಿ
ಪಪ್ಪಾಯಿಯಲ್ಲಿ ವಿಟಮಿನ್ ಸಿ 22.4% ಇರುತ್ತದೆ. ಇದನ್ನು ಪ್ರೊಟೀನ್‌ ಅನ್ನು ವಿಭಜಿಸಿ ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ, ಧೇಹದಲ್ಲಿರುವ ಬೇಡದ ಕಶ್ಮಲಗಳನ್ನು ಹೊರ ಹಾಕುತ್ತದೆ, ತ್ವಚೆ ಕಾಂತಿ ಹೆಚ್ಚುವುದು.

6. ದಾಳಿಂಬೆ
ದಾಳಿಂಬೆಯಲ್ಲಿ ಹಲವಾರು ಔಷಧೀಯ ಗುಣಗಳಿವೆ. ಇದನ್ನು ತಿನ್ನುವುದರಿಂದ ದೇಹದಲ್ಲಿ ಹಿಮೋಗ್ಲೋಬಿನ್ ಸಮತೋಲನ ಕಾಪಾಡಬಹುದು ಹಾಗೂ ದೇಹವನ್ನು ಡಿಟಾಕ್ಸ್ ಮಾಡುವಲ್ಲಿ ದಾಳಿಂಬೆ ಸಹಕಾರಿ.