ಮಳೆಗಾಲದಲ್ಲಿ ಈ 8 ಬಗೆಯ ಆಹಾರಗಳು ಒಳ್ಳೆಯದಲ್ಲ

ಮಳೆಗಾಲದಲ್ಲಿ ತಿನ್ನುವ ಆಹಾರದ ಬಗ್ಗೆ ಎಚ್ಚರವಹಿಸಬೇಕು, ಬಾಯಿ ರುಚಿಗೆ ತಿನ್ನಲು ಹೋದರೆ ಕಾಯಿಲೆ ಬೀಳ ಬೇಕಾಗುತ್ತದೆ.

ಆದ್ದರಿಂದ ಮಳೆಗಾಲದಲ್ಲಿ ಕೆಲವೊಂದು ಆಹಾರಗಳನ್ನು ತಿನ್ನದಿರುವುದು ಆರೋಗ್ಯ ದೃಷ್ಟಿಯಿಂದ ಒಳ್ಳೆಯದು. ಇಲ್ಲಿ ಮಳೆಗಾಲದಲ್ಲಿ ತಿನ್ನಬಾರದ ಆಹಾರಗಳು ಯಾವುವು, ಯಾವ ಕಾರಣಕ್ಕೆ ತಿನ್ನಬಾರದೆಂಬ ಮಾಹಿತಿ ನೀಡಿದ್ದೇವೆ ನೋಡಿ:

ಚಾಟ್‌
ಚಾಟ್‌, ಗೋಲ್‌ ಗಪ್ಪಾ, ಬೇಲ್‌ ಪುರಿ, ದಹಿ ಪುರಿ ಇವುಗಳನ್ನು ಮಳೆಗಾಲದಲ್ಲಿ ತಿನ್ನಬೇಡಿ. ತಳ್ಳುಗಾಡಿಯಲ್ಲಿ ಸಿಗುವ ಈ ಚಾಟ್ಸ್ ಅಂತೂ ಮುಟ್ಟಲೇಬೇಡಿ. ಕಶ್ಮಲ ನೀರು ಕೂಡ ಮಿಕ್ಸ್ ಆಗುವ ಸಾಧ್ಯತೆ ಇದೆ, ಇವುಗಳನ್ನು ತಿನ್ನುವುದರಿಂದ ಹೊಟ್ಟೆ ನೋವು ಬರುವುದು.


ಸಮುದ್ರಾ ಆಹಾರಗಳು ಹಾಗೂ ಹೊಳೆ ಮೀನು
ಈ ಸಮಯದಲ್ಲಿ ಮೀನುಗಳು ಮೊಟ್ಟೆ ಇಟ್ಟು ಸಂತಾನೋತ್ಪತ್ತಿ ಮಾಡುವುದರಿಂದ ಮೀನಿನ ಆಹಾರಗಳನ್ನು ತಿನ್ನಬೇಡಿ. ಮಾಂಸ ಮತ್ತು ಮೀನಿನ ಸೇವನೆ ಕಡಿಮೆ ಮಾಡಿ.

ಆಹಾರವನ್ನು ಹಸಿಯಾಗಿ ತಿನ್ನಬೇಡಿ
ಮಳೆಗಾಲದಲ್ಲಿ ಹಸಿ ತರಕಾರಿ ತಿನ್ನುವ ಬದಲು ಬೇಯಿಸಿ ತಿನ್ನುವುದು ಒಳ್ಳೆಯದು. ಕೆಲವೊಮ್ಮೆ ಹಸಿ ತರಕಾರಿ ತಿಂದಾಗ ಹೊಟ್ಟೆ ನೋವು ಬರಬಹುದು. ಹಸಿ ತರಕಾರಿ ಸಲಾಡ್ ಗಳನ್ನು ಕಡೆಗಣಿಸಿ.


ಮಶ್ರೂಮ್/ಅಣಬೆ
ಮಳೆಗಾಲದಲ್ಲಿ ಅಣಬೆಗಳ ಮೇಲೆ ಬೇಗನೆ ಬ್ಯಾಕ್ಟಿರಿಯಾಗಳು ಉತ್ಪತ್ತಿಯಾಗುವುದರಿಂದ ಇದನ್ನು ತಿಂದಾಗ ಆರೋಗ್ಯ ಸಮಸ್ಯೆ ಬರಬಹುದು. ಅದರಲ್ಲಿರುವ ವಿಷದ ಅಂಶವು ತೀವ್ರವಾದ ರೋಗವನ್ನುಂಟುಮಾಡುವುದು. ಅಣಬೆಯನ್ನು ಸೇವಿಸುವುದರಿಂದ ಕೆಲವರಿಗೆ ಜಠರ ರೋಗಲಕ್ಷಣವನ್ನು ಅನುಭವಿಸುವ ಸಾಧ್ಯತೆಗಳು ಇರುತ್ತವೆ.

ಹಸುವಿನ ಚೀಸ್‌ಗಿಂತ ಮೇಕೆ ಚೀಸ್ ಒಳ್ಳೆಯದು ಯಾಕೆ ಗೊತ್ತಾ

ಮಾವಿನ ಹಣ್ಣು
ನೀವು ಮಾವಿನ ಹಣ್ಣು ತುಂಬಾ ಇಷ್ಟ ಪಡುವುದಾದರೂ ಮಳೆಗಾಲಕ್ಕೆ ಸೂಕ್ತವಲ್ಲ. ಇದನ್ನು ತಿನ್ನುವುದರಿಂದ ವಾತ, ಕಫ ಸಮಸ್ಯೆ ಬರುವುದು ಎಂದು ಆಯುರ್ವೇದ ಹೇಳುತ್ತದೆ.

ಬೀದಿ ಬದಿಯಲ್ಲಿ ಸಿಗುವ ಜ್ಯೂಸ್‌
ಈ ಜ್ಯೂಸ್‌ಗೆ ಬಳಸುವ ನೀರು ಎಷ್ಟು ಶುದ್ಧವಾಗಿರುತ್ತೆ ಎಂದು ಹೇಳಲು ಸಾಧ್ಯವಿಲ್ಲ, ಆದ್ದರಿಂದ ಬೀದಿ ಬದಿಯ ಜ್ಯೂಸ್ ಕುಡಿಯಲು ಹೋಗಬೇಡಿ.



ಮೊಸರು
ಅಸ್ತಮಾ, ಸೈನಸ್‌ ಸಮಸ್ಯೆ ಇರುವವರು ಮಳೆಗಾಲದಲ್ಲಿ ಮೊಸರು ತಿನ್ನಬಾರದು. ಬಹಳಷ್ಟು ಜನರು ಮೊಸರನ್ನು ಅನುಚಿತ ರೀತಿಯಲ್ಲಿ ಸೇವಿಸುತ್ತಾರೆ. ಇದರಿಂದ ನೆಗಡಿ, ಜ್ವರ, ಅಸ್ತಮ, ತ್ವಚೆಯಲ್ಲಿ ಕಿರಿಕಿರಿ, ಕೂದಲು ಉದುರುವ ಸಮಸ್ಯೆ, ಮಲಬದ್ಧತೆ, ಹೊಟ್ಟೆ ಉಬ್ಬರ, ಪಿತ್ತ, ಕಫದಂತಹ ಸಮಸ್ಯೆಗಳನ್ನು ಅನುಭವಿಸುತ್ತಾರೆ.

ಕರಿದ ಪದಾರ್ಥಗಳು
ಕಚೋರಿ, ಸಮೋಸ, ಜಿಲೇಬಿ ಈ ರೀತಿ ಎಣ್ಣೆಯಲ್ಲಿ ಕರಿದ ಪದಾರ್ಥಗಳಿಂದ ದೂರವಿರಿ. ಇವುಗಳನ್ನು ತಿನ್ನುವುದರಿಂದ ಹೊಟ್ಟೆ ನೋವಿನ ಸಮಸ್ಯೆ ಬರಬಹುದು.