ಒಂದು ಗ್ಲಾಸ್ ಕ್ಯಾರೆಟ್ ಜ್ಯೂಸ್ ಎಷ್ಟೊಂದು ಆರೋಗ್ಯಕರ ಗೊತ್ತಾ?

ಕ್ಯಾರೆಟ್ ಎಂಬ ತರಕಾರಿಯಲ್ಲಿ ವಿಟಮಿನ್ ಎ ಅಂಶದ ಪ್ರಮಾಣ ಹೆಚ್ಚಾಗಿರುವ ಕಾರಣ ಇದು ನಮ್ಮ ತ್ವಚೆಗೆ ಬೀಟಾ-ಕ್ಯಾರೋಟಿನ್ ಎಂಬ ಅಂಶವನ್ನು ಒದಗಿಸಿ ತ್ವಚೆಯ ಆರೋಗ್ಯ ಮತ್ತು ಕಣ್ಣುಗಳ ದೃಷ್ಟಿಯನ್ನು ಅಭಿವೃದ್ಧಿಪಡಿಸುತ್ತದೆ.

ಅಮೆರಿಕದ ಪ್ರತಿಷ್ಠಿತ ವಿಶ್ವವಿದ್ಯಾಲಯ ಹೇಳಿರುವ ಹಾಗೆ ಯಾರು ನಿರಂತರವಾಗಿ ಕ್ಯಾರೆಟ್ ಸೇವನೆಯನ್ನು ಮುಂದುವರೆಸುತ್ತಾರೆ ಅವರ ದೇಹದಲ್ಲಿ ಕ್ಯಾನ್ಸರ್ ಜೀವಕೋಶಗಳ ಬೆಳವಣಿಗೆ ಕುಂಠಿತವಾಗುತ್ತದೆ. ಕ್ಯಾನ್ಸರ್ ಜೀವಕೋಶಗಳ ಸಂತತಿ ಕಡಿಮೆಯಾಗುವುದರಿಂದ ದೇಹದ ಆಕ್ಸಿಡೇಟಿವ್ ಒತ್ತಡ ಕೂಡ ಕಡಿಮೆಯಾಗುತ್ತದೆ.

ಮಹಿಳೆಯರು ತಮ್ಮ ಸ್ತನಕ್ಯಾನ್ಸರ್ ಸಮಸ್ಯೆಯ ನಿರ್ವಹಣೆಗೆ ಹಾಗೂ ತಮ್ಮ ದೇಹದಲ್ಲಿ ಪ್ಲಾಸ್ಮಾ ಕ್ಯಾರೋಟಿನ್ ಅಂಶಗಳನ್ನು ಹೆಚ್ಚು ಮಾಡಿಕೊಳ್ಳಲು ಕನಿಷ್ಠ ಮೂರು ವಾರಗಳ ತನಕ ನಿರಂತರವಾಗಿ ಕ್ಯಾರೆಟ್ ಜ್ಯೂಸ್ ಸೇವನೆ ಮಾಡುವ ಅಗತ್ಯತೆ ಇದೆ ಎಂದು ಅಧ್ಯಯನ ಹೇಳುತ್ತದೆ.

ಧೂಮಪಾನ ಸೇವನೆ ಮಾಡುವುದು ಆರೋಗ್ಯಕ್ಕೆ ಹಾನಿಕಾರಕ ಎಂದು ಹೇಳುತ್ತಾರೆ. ಏಕೆಂದರೆ ಇದು ಅನುವಂಶೀಯತೆಯ ಪ್ರಕಾರದ ಮೇಲೆ ನೇರವಾಗಿ ಬದಲಾವಣೆಯನ್ನು ಉಂಟು ಮಾಡುತ್ತದೆ.

ಡಿಎನ್ಎ ಬದಲಾವಣೆಯನ್ನು ಉಂಟು ಮಾಡುವುದರಿಂದ ಧೂಮಪಾನ ಮಾಡುವ ಜನರು ಹಲವು ಪ್ರಕಾರದ ಕ್ಯಾನ್ಸರ್ ಸಮಸ್ಯೆಗಳಿಗೆ ಗುರಿಯಾಗುತ್ತಾರೆ. ಆದರೆ ಕ್ಯಾರೆಟ್ ಜ್ಯೂಸ್ ಸೇವನೆ ಮಾಡುವುದರಿಂದ ತಕ್ಕಮಟ್ಟಿಗೆ ಇಂತಹ ಸಮಸ್ಯೆಗಳಿಂದ ತಾತ್ಕಾಲಿಕವಾಗಿ ಪಾರಾಗಬಹುದು. ಆದರೆ ಇದು ಪರಮನೆಂಟ್ ಪರಿಹಾರ ಅಲ್ಲ.

ನಮ್ಮ ಹೃದಯದ ಆರೋಗ್ಯವನ್ನು ಅತ್ಯುತ್ತಮವಾಗಿ ಕಾಪಾಡಿಕೊಳ್ಳಲು ನಾವು ಪ್ರತಿ ದಿನ ಒಂದು ಲೋಟ ಕ್ಯಾರೆಟ್ ಜ್ಯೂಸ್ ಸೇವನೆ ಮಾಡುವುದು ಒಳ್ಳೆಯದು. ಇದರಿಂದ ಹೃದಯ ಬಡಿತ ನಿಯಂತ್ರಣವಾಗಿ ನಿಮ್ಮ ದೇಹದಲ್ಲಿ ಉತ್ತಮವಾದ ರಕ್ತದ ಒತ್ತಡ ಕಾಯ್ದುಕೊಳ್ಳಲು ನೆರವಾಗುತ್ತದೆ.

ಪ್ರತಿದಿನ ತಾಜಾ ಕ್ಯಾರೆಟ್ ರಸ ಸೇವನೆ ಮಾಡುವ ಅಭ್ಯಾಸ ನಿಮಗಿದ್ದರೆ, ನಿಮ್ಮ ದೇಹಕ್ಕೆ ಅಗತ್ಯವಾದ ಆರೋಗ್ಯಕರವಾದ ಆಂಟಿಆಕ್ಸಿಡೆಂಟ್ ಅಂಶಗಳು ಸಿಗುತ್ತಾ ಹೋಗುತ್ತವೆ ಜೊತೆಗೆ ಪೊಟ್ಯಾಷಿಯಂ ಅಂಶ ಕೂಡ ಸಿಗುವುದರಿಂದ ನಿಮ್ಮ ಚರ್ಮದ ಜೀವಕೋಶಗಳು ಮರುಬೆಳವಣಿಗೆಯಾಗಿ ನೈಸರ್ಗಿಕ ಹೊಳಪು ನಿಮ್ಮದಾಗುವ ಹಾಗೆ ಮಾಡುತ್ತದೆ.

ಒಂದು ಲೋಟ ಕ್ಯಾರೆಟ್ ಜ್ಯೂಸ್ ಸೇವನೆ ಮಾಡುವುದರಿಂದ ನಿಮಗೆ ಕಡಿಮೆ ಪ್ರಮಾಣದ ಕ್ಯಾಲೊರಿಗಳು ಮತ್ತು ಸಕ್ಕರೆಯಂಶ ಸಿಗುವಂತೆ ಇದ್ದು, ಆರೋಗ್ಯಕರವಾಗಿ ನಿಮ್ಮ ಮಧುಮೇಹ ಸಮಸ್ಯೆ ನಿರ್ವಹಣೆಯಾಗುತ್ತದೆ.