ದೇಹದಲ್ಲಿ ಕಬ್ಬಿಣಾಂಶದ ಕೊರತೆ ಕಾಡಿದರೆ, ಆಗ ರಕ್ತಹೀನತೆ ಸಮಸ್ಯೆಯು ಕಾಡುವುದು. ದೇಹದಲ್ಲಿ ಕೆಂಪು ರಕ್ತದ ಕಣಗಳನ್ನು ಉತ್ಪಾದಿಸಲು ಕಬ್ಬಿಣಾಂಶವು ಅತೀ ಅಗತ್ಯ. ಕಬ್ಬಿಣಾಂಶದ ಕೊರತೆ ಇರುವಂತಹ ದೇಹವು ಶಕ್ತಿ ಪಡೆಯಲು ತುಂಬಾ ಶ್ರಮ ವಹಿಸಬೇಕಾಗುತ್ತದೆ.
ದೇಹದಲ್ಲಿ ಕಬ್ಬಿಣಾಂಶವು ವಿವಿಧ ಭಾಗಗಳಿಗೆ ಪ್ರಮುಖ ಪೋಷಕಾಂಶಗಳನ್ನು ಒದಗಿಸಲು ಕೂಡ ಸಹಕಾರಿ. ಕಬ್ಬಿಣಾಂಶದ ಕೊರತೆಯು ಇದ್ದರೆ ಆಗ ಇದರಿಂದ ದೇಹವು ಸರಿಯಾಗಿ ದೈಹಿಕ ಚಟುವಟಿಕೆಗಳನ್ನು ಮಾಡಲು ಆಗದು.
ದೇಹದ ತೂಕ ಇಳಿಸಲು ಬಯಸಿದ್ದರೂ ಅವರಲ್ಲಿ ಶಕ್ತಿ ಅಗತ್ಯವಾಗಿ ಬೇಕು. ಹೀಗಾಗಿ ಅಂತಹವರಲ್ಲಿ ಶಕ್ತಿ ತುಂಬುವಂತಹ ಕೆಲವೊಂದು ಕಬ್ಬಿಣಾಂಶವಿರುವ ಆಹಾರಗಳ ಬಗ್ಗೆ ತಿಳಿಯಿರಿ.
ದೇಹದಲ್ಲಿ ಕಬ್ಬಿಣಾಂಶವು ವಿವಿಧ ಭಾಗಗಳಿಗೆ ಪ್ರಮುಖ ಪೋಷಕಾಂಶಗಳನ್ನು ಒದಗಿಸಲು ಕೂಡ ಸಹಕಾರಿ. ಕಬ್ಬಿಣಾಂಶದ ಕೊರತೆಯು ಇದ್ದರೆ ಆಗ ಇದರಿಂದ ದೇಹವು ಸರಿಯಾಗಿ ದೈಹಿಕ ಚಟುವಟಿಕೆಗಳನ್ನು ಮಾಡಲು ಆಗದು.
ದೇಹದ ತೂಕ ಇಳಿಸಲು ಬಯಸಿದ್ದರೂ ಅವರಲ್ಲಿ ಶಕ್ತಿ ಅಗತ್ಯವಾಗಿ ಬೇಕು. ಹೀಗಾಗಿ ಅಂತಹವರಲ್ಲಿ ಶಕ್ತಿ ತುಂಬುವಂತಹ ಕೆಲವೊಂದು ಕಬ್ಬಿಣಾಂಶವಿರುವ ಆಹಾರಗಳ ಬಗ್ಗೆ ತಿಳಿಯಿರಿ.
ಬಸಳೆ/ಪಾಲಕ್ ಸೊಪ್ಪು
- ಬಸಳೆ ಅಥವಾ ಪಾಲಕ್ ಸೊಪ್ಪು ಕಡು ಹಸಿರೆಲೆ ತರಕಾರಿಯಾಗಿದ್ದು, ಇದು ದೇಹಕ್ಕೆ ಕಬ್ಬಿಣಾಂಶವನ್ನು ಒದಗಿಸುವುದು. ದೇಹದಲ್ಲಿ ಕಬ್ಬಿಣಾಂಶವು ಅದಾಗಿಯೇ ಉತ್ಪತ್ತಿ ಆಗಲ್ಲ, ಹೀಗಾಗಿ ಆಹಾರದ ಮೂಲಕ ಇದು ಲಭ್ಯವಾಗಬೇಕು.
- ಪಾಲಕ್ ಸೊಪ್ಪು ದೇಹಕ್ಕೆ ಬೇಕಾದ ಕಬ್ಬಿಣಾಂಶವನ್ನು ಒದಗಿಸುವುದು ಮಾತ್ರವಲ್ಲದೆ, ಇದರಲ್ಲಿ ಕ್ಯಾಲರಿ ಅಂಶವು ತುಂಬಾ ಕಡಿಮೆ ಇದೆ. ಇದನ್ನು ನಿಮ್ಮ ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಿದರೆ, ಅದರಿಂದ ದೇಹಕ್ಕೆ ಶಕ್ತಿ ಸಿಗುವುದು ಹಾಗೂ ಕಬ್ಬಿಣಾಂಶ ಕೂಡ.
ದ್ವಿದಳ ಧಾನ್ಯಗಳು
- ಸಸ್ಯಾಹಾರಿಗಳು ದ್ವಿದಳ ಧಾನ್ಯಗಳನ್ನು ಸೇವನೆ ಮಾಡಿದರೆ, ಅದರಿಂದ ಹಲವಾರು ರೀತಿಯ ಪೋಷಕಾಂಶಗಳು ದೇಹಕ್ಕೆ ಸಿಗುವುದು. ಇದು ದೇಹಕ್ಕೆ ಕಬ್ಬಿಣಾಂಶವನ್ನು ಒದಗಿಸುವುದು ಮಾತ್ರವಲ್ಲದೆ, ಪ್ರೋಟೀನ್ ಹಾಗೂ ನಾರಿನಾಂಶವನ್ನು ನೀಡುವುದು. ಇದರಿಂದ ಚಯಾಪಚಯ ಕ್ರಿಯೆಯು ಉತ್ತಮವಾಗುವುದು.
- ನಾರಿನಾಂಶ ಮತ್ತು ಪ್ರೋಟೀನ್ ನಿಂದ ದೇಹಕ್ಕೆ ಶಕ್ತಿ ಬರುವುದು. ಇದು ಕರಗಲು ಹೆಚ್ಚು ಸಮಯ ಬೇಕಾಗಿರುವ ಕಾರಣದಿಂದಾಗಿ ದೀರ್ಘಕಾಲ ತನಕ ಹೊಟ್ಟೆಯು ತುಂಬಿರುವುದು.
ತೌಫು
- ಸೋಯಾಬೀನ್ ನ ಉಪಉತ್ಪನ್ನವಾಗಿರುವ ತೌಫು ಕೂಡ ದ್ವಿದಳ ಧಾನ್ಯದಷ್ಟೇ ಪರಿಣಾಮಕಾರಿ. ಇದನ್ನು ಕೂಡ ಒಂದು ಧಾನ್ಯದಿಂದ ಮಾಡಲಾಗಿದ್ದು, ಕಬ್ಬಿಣಾಂಶ, ಕ್ಯಾಲ್ಸಿಯಂ ಮತ್ತು ಪ್ರೋಟೀನ್ ಉತ್ತಮ ಪ್ರಮಾಣದಲ್ಲಿದೆ.
- ನೀವು ಇದನ್ನು ಹಲವಾರು ರೀತಿಯಿಂದ ಆಹಾರ ಕ್ರಮದಲ್ಲಿ ಬಳಕೆ ಮಾಡಬಹುದು. ಇದರಲ್ಲಿ ಪ್ರೋಟೀನ್ ಅಂಶವು ಇರುವ ಕಾರಣದಿಂದಾಗಿ ಇದು ದೀರ್ಘಕಾಲ ಹೊಟ್ಟೆ ತುಂಬಿರುವಂತೆ ಮಾಡುವುದು.
ಕೋಸುಗಡ್ಡೆ
- ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನವರಿಗೆ, ಮಕ್ಕಳಿಂದ ಹಿಡಿದು ದೊಡ್ಡವರವರೆಗೂ ಹಸಿರು ತರಕಾರಿ ರುಚಿಸದೆ ಇರುವುದು ಮತ್ತು ಫಾಸ್ಟ್ ಫುಡ್ ಗೆ ಮನಸೋತಿರುವುದು ಅನಾರೋಗ್ಯಕ್ಕೆ ದಾರಿಯಾಗಿದೆ.
- ಹೀಗಾಗಿ ಸಾಧ್ಯವಾದಷ್ಟು ನಮ್ಮ ದೈನಂದಿನ ಆಹಾರಕ್ರಮದಲ್ಲಿ ತರಕಾರಿಯಂತಹ ಆರೋಗ್ಯಕಾರಿ ಆಹಾರವನ್ನು ಅಳವಡಿಸಿಕೊಳ್ಳಬೇಕು. ಅದರಲ್ಲೂ ಹಸಿರು ತರಕಾರಿಗಳು ತುಂಬಾ ಲಾಭಕಾರಿ.
- ಅದರಲ್ಲೂ ಹೂಕೋಸು ಮತ್ತು ಎಲೆಕೋಸಿನ ಜಾತಿಗೆ ಸೇರಿರುವ ಬ್ರಾಕೋಲಿಯು ಹಲವಾರು ರೀತಿಯ ಪೋಷಕಾಂಶಗಳನ್ನು ಒಳಗೊಂಡಿದೆ. ಬ್ರಾಕೋಲಿಯು ಕ್ಯಾಲ್ಸಿಯಂ, ವಿಟಮಿನ್ ಸಿ, ವಿಟಮಿನ್ ಕೆ ಮತ್ತು ಕಬ್ಬಿನಾಂಶದ ಆಗರವಾಗಿದೆ.
- ಅಷ್ಟೇ ಅಲ್ಲದೇ ಈ ತರಕಾರಿಯಲ್ಲಿ ಕ್ಯಾಲರಿಯ ಪ್ರಮಾಣ ಕಡಿಮೆ ಇದ್ದು, ನಾರಿನಾಂಶವು ಹೆಚ್ಚಾಗಿದೆ. ಅದರಲ್ಲೂ ದೇಹದ ತೂಕ ಇಳಿಸಲು ಬಯಸುವವರು ಪ್ರತಿದಿತ್ಯ ತಮ್ಮ ದೈನಂದಿನ ಆಹಾರಕ್ರಮದಲ್ಲಿ ಕೋಸುಗಡ್ಡೆಯನ್ನು ಸಾಧ್ಯವಾದಷ್ಟು ಮಟ್ಟಿಗೆ ಬಳಸಿಕೊಳ್ಳಲೇ ಬೇಕು....
ಕೋಸುಗಡ್ಡೆ ಸ್ವಲ್ಪ ದುಬಾರಿಯಾದರೂ ಆರೋಗ್ಯಕ್ಕೆ ಬಲು ಉಪಕಾರಿ!
ಡ್ರೈ ಫ್ರೂಟ್ಸ್
- ಸಾಧಾರಣವಾಗಿ ಪ್ರತಿಯೊಬ್ಬರ ಮನೆಯಲ್ಲೂ ಗೋಡಂಬಿ ಬೀಜಗಳು, ಬಾದಾಮಿ ಬೀಜಗಳು, ಕಡಲೆ ಬೀಜಗಳು ಇತ್ಯಾದಿ ಗಳು ಇದ್ದೇ ಇರುತ್ತವೆ. ಸಾಮಾನ್ಯವಾಗಿ ಡ್ರೈ ಫ್ರೂಟ್ಸ್ ಅಥವಾ ಒಣ ಬೀಜಗಳಲ್ಲಿ ಕ್ಯಾಲರಿ ಪ್ರಮಾಣ ಅಧಿಕ ವಾಗಿರುವುದರಿಂದ, ತೂಕ ವೃದ್ಧಿಸುವುದು ಎಂದು ಹೆಚ್ಚಿನವರು ಭಾವಿಸಿರುವರು. ಆದರೆ ಸಂಶೋಧನೆಗಳ ಪ್ರಕಾರ ನಿಯಮಿತವಾಗಿ ಒಣ ಬೀಜಗಳ ಸೇವನೆ ಮಾಡಿದರೆ, ಆರಾಮಾಗಿ ದೇಹದ ತೂಕವನ್ನು ಇಳಿಸಬಹುದಂತೆ!
- ಇನ್ನು ನಮಗೆಲ್ಲಾ ಗೊತ್ತೇ ಇದೆ, ಸಾಕಷ್ಟು ಸಿಹಿ ಖಾದ್ಯಗಳಿಗೆ ನಾವು ಗೋಡಂಬಿ ಬೀಜಗಳನ್ನು ಬಳಕೆ ಮಾಡುತ್ತೇವೆ. ಹಾಗೆ ಕಡಲೆ ಬೀಜಗಳನ್ನು ಸಹ ಕೆಲವೊಂದು ಆಹಾರ ಪದಾರ್ಥಗಳ ರುಚಿ ಹೆಚ್ಚಿಸುವಿಕೆಗೆ ಬಳಸುತ್ತೇವೆ.
- ಸಾಮಾನ್ಯವಾಗಿ ಎಲ್ಲಾ ಬೀಜಗಳಲ್ಲಿ ಹೆಚ್ಚಿನ ಪ್ರಮಾಣದ ಕಬ್ಬಿಣದ ಅಂಶ ಇರುತ್ತದೆ. ಅದರಲ್ಲೂ ಗೋಡಂಬಿ ಬೀಜಗಳಲ್ಲಿ ಕಬ್ಬಿಣದ ಅಂಶ ಸಾಕಷ್ಟು ಪ್ರಮಾಣದಲ್ಲಿದೆ ಎಂದು ಹೇಳುತ್ತಾರೆ. ಪ್ರತಿ 30 ಗ್ರಾಂ ಗೋಡಂಬಿ ಬೀಜಗಳಲ್ಲಿ ಸುಮಾರು 2 ಮಿಲಿ ಗ್ರಾಂ ಕಬ್ಬಿಣದ ಅಂಶ ಅಡಗಿದೆ ಎಂದು ತಿಳಿದು ಬಂದಿದೆ.