ದೇಹದ ತೂಕ ಇಳಿಸಿದರೂ ಆರೋಗ್ಯವು ಉತ್ತಮವಾಗಿ ಇರಬೇಕು. ಇದಕ್ಕಾಗಿ ರಕ್ತವು ಉತ್ತಮ ಪ್ರಮಾಣದಲ್ಲಿರಬೇಕು. ಕಬ್ಬಿಣಾಂಶವು ದೇಹದಲ್ಲಿ ಕೆಂಪು ರಕ್ತದ ಕಣಗಳನ್ನು ಹೆಚ್ಚು ಮಾಡುವ ಕೆಲಸ ಮಾಡುವುದು. ಇದಕ್ಕಾಗಿ ಕಬ್ಬಿಣಾಂಶವು ಅಧಿಕವಾಗಿ ಇರುವ ಆಹಾರ ಸೇವನೆ ಮಾಡಿದರೆ, ಅದು ತೂಕ ಇಳಿಸುವ ಸಂದರ್ಭದಲ್ಲಿ ದೇಹದ ಆರೋಗ್ಯ ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುವುದು.
ಪಾಲಕ್ ಸೊಪ್ಪು
ಪಾಲಕ್ ಪ್ರಮುಖ ಹಸಿರೆಲೆ ತರಕಾರಿಯಾಗಿದ್ದು, ಇದು ದೇಹಕ್ಕೆ ಕಬ್ಬಿಣಾಂಶ ನೀಡುವುದು. ದೇಹವು ತಾನಾಗಿಯೇ ಕಬ್ಬಿಣಾಂಶವನ್ನು ಉತ್ಪಾದಿಸದೆ ಇರುವ ಪರಿಣಾಮಕಾಗಿ ಹೊರಗಿನಿಂದ ಕಬ್ಬಿಣಾಂಶವನ್ನು ನೀಡುವುದು ಅಗತ್ಯ. ಕಡಿಮೆ ಕ್ಯಾಲರಿ ಇರುವ ಪಾಲಕವು ಹೆಚ್ಚು ಕಬ್ಬಿಣಾಂಶವನ್ನು ನೀಡುವುದು. ಇದರಿಂದ ಕ್ಯಾಲರಿ ದಹಿಸಲು ಸಹಕಾರಿ ಆಗುವುದು.
ಧಾನ್ಯಗಳು
ಕಡಲೆಕಾಳು, ಬೀನ್ಸ್, ಸೋಯಾ ಬೀನ್ಸ್ ಇತ್ಯಾದಿಗಳಲ್ಲಿ ಕಬ್ಬಿಣಾಂಶವು ಉತ್ತಮ ಪ್ರಮಾಣದಲ್ಲಿದ್ದು, ಸಸ್ಯಾಹಾರಿಗಳು ಇದನ್ನುಸ ವನೆ ಮಾಡಬಹುದು. ಇದರಿಂದ ದೇಹಕ್ಕೆ ಕಬ್ಬಿಣಾಂಶವು ಸಿಗುವುದು ಮಾತ್ರವಲ್ಲದೆ, ಉತ್ತಮ ಪ್ರಮಾಣದಲ್ಲಿ ಪ್ರೋಟೀನ್ ಮತ್ತು ನಾರಿನಾಂಶವು ಕೂಡ ಲಭ್ಯವಾಗುವುದು.
ಇದರಿಂದ ದೇಹದಲ್ಲಿ ಚಯಾಪಚಯ ಕ್ರಿಯೆಯು ಉತ್ತಮವಾಗಿರಲು ಸಹಕಾರಿ. ನಾರಿನಾಂಶ ಮತ್ತು ಪ್ರೋಟೀನ್ ದೇಹಕ್ಕೆ ಶಕ್ತಿ ನೀಡುವುದು. ಇದರಿಂದ ದೇಹವು ಚಟುವಟಿಕೆಯಿಂದ ಇರಲು ಸಾಧ್ಯ. ಜೀರ್ಣವಾಗಲು ಹೆಚ್ಚು ಕಾಲ ತೆಗೆದುಕೊಳ್ಳುವ ಕಾರಣದಿಂದಾಗಿ ಹೊಟ್ಟೆಯು ದೀರ್ಘಕಾಲ ತುಂಬಿರುವಂತೆ ಮಾಡುವುದು.
ಮೊಳಕೆ ಬರಿಸಿದ ಧಾನ್ಯಗಳನ್ನು ಸೇವಿಸುವುದರ ಆರೋಗ್ಯಕರ ಪ್ರಯೋಜನಗಳು
ಬ್ರಾಕೋಲಿ
ಹೂಕೋಸು ಮತ್ತು ಎಲೆಕೋಸಿನ ಜಾತಿಗೆ ಸೇರಿರುವ ಬ್ರಾಕೋಲಿಯು ಹಲವಾರು ರೀತಿಯ ಪೋಷಕಾಂಶಗಳನ್ನು ಒಳಗೊಂಡಿದೆ. ಬ್ರಾಕೋಲಿಯು ಕ್ಯಾಲ್ಸಿಯಂ, ವಿಟಮಿನ್ ಸಿ, ವಿಟಮಿನ್ ಕೆ ಮತ್ತು ಕಬ್ಬಿನಾಂಶದ ಆಗರವಾಗಿದೆ. ಇದರಲ್ಲಿ ಕ್ಯಾಲರಿ ಕಡಿಮೆ ಇದೆ ಮತ್ತು ನಾರಿನಾಂಶವು ಹೆಚ್ಚಾಗಿದೆ. ಹಸಿರೆಲೆ ತರಕಾರಿಗಳನ್ನು ನೀವು ತೂಕ ಇಳಿಸಲು ಆಹಾರ ಕ್ರಮದಲ್ಲಿ ಬಳಸಬಹುದು.
ತೌಫು
ಸೋಯಾಬೀನ್ ನ ಉಪ ಉತ್ಪನ್ನವೇ ತೌಫು. ಇದರಲ್ಲಿ ಕೂಡ ಕಬ್ಬಿಣಾಂಶವು ಉತ್ತಮ ಪ್ರಮಾಣದಲ್ಲಿದೆ. ಅದೇ ರೀತಿಯಲ್ಲಿ ಕ್ಯಾಲ್ಸಿಯಂ ಮತ್ತು ಪ್ರೋಟೀನ್ ಕೂಡ ಇದರಲ್ಲಿದೆ. ಇದನ್ನು ವಿವಿಧ ರೀತಿಯಿಂದ ಬಳಕೆ ಮಾಡಿಕೊಂಡರೆ ಆಗ ಆಹಾರಕ್ಕೆ ರುಚಿ ನೀಡುವುದು. ಇದು ಸಣ್ಣ ಪ್ರಮಾಣದಲ್ಲಿ ಕಾರ್ಬ್ಸ್ ನ್ನು ನೀಡಿ ಹೊಟ್ಟೆಯು ಯಾವಾಗಲೂ ತುಂಬಿರುವಂತೆ ಮಾಡುವುದು.