ಹಣ್ಣಿನ ವಿಶಿಷ್ಟತೆ
ನೇರಳೆ ಹಣ್ಣಿನ ರೂಪಾಂತರದ ಹಣ್ಣೇ ಜಂಬು ನೇರಳೆ ಹಣ್ಣು. ಇದನ್ನು ಜಂಬು ನೇರಳೆ, ಬಿಳಿ ನೇರಳೆ ಹಾಗೂ ನೀರಿನ ಸೇಬು ಎಂತಲೂ ಕರೆಯುತ್ತಾರೆ. ಬೇಸಿಗೆಯ ಸಮಯದಲ್ಲಿ ದೊರೆಯುವ ಈ ಹಣ್ಣನ್ನು ಸವಿಯುವುದರಿಂದ ಆರೋಗ್ಯಕ್ಕೆ ಸಂಬಂಧಿಸಿದಂತೆ ಅನೇಕ ಸಮಸ್ಯೆಗಳನ್ನು ನಿವಾರಿಸಬಹುದು.
ಮೃದು ಹಾಗೂ ನೀರಿನಂಶದಿಂದ ಕೂಡಿರುವ ಈ ಹಣ್ಣನ್ನು ಸವಿಯಲು ಹೆಚ್ಚು ಆಹ್ಲಾದವು ದೊರೆಯುವುದು. ಕಚ್ಚಾ ಹಣ್ಣನ್ನು ಸವಿಯುವುದರ ಮೂಲಕ ನಿರ್ಜಲೀಕರಣ ಮತ್ತು ಜೀರ್ಣಕ್ರಿಯೆಯ ಸಮಸ್ಯೆನ್ನು ಸುಲಭವಾಗಿ ನಿವಾರಿಸಬಹುದು.
ಆಯುರ್ವೇದದಲ್ಲಿ ಬಳಸಲಾಗುವುದು
ಜಂಬು ನೇರಳೆಯಲ್ಲಿ ಸಮೃದ್ಧವಾದ ಔಷಧಿ ಗುಣಗಳಿರುವುದರಿಂದ ಆಯುರ್ವೇದ, ಯುನಾನಿ ಮತ್ತು ಚೀನೀ ಔಷಧದಲ್ಲಿ ಬಳಸಲಾಗುತ್ತದೆ. ಇದು ಜೀರ್ಣಕಾರಿ ಸಮಸ್ಯೆಗಳನ್ನು ಸುಲಭವಾಗಿ ನಿವಾರಿಸುವುದು. ಈ ಹಣ್ಣನ್ನು ಚೂರ್ಣ, ವಿರೇಚಕ ಪುಡಿ ಸೇರಿದಂತೆ ಇನ್ನಿತರ ಔಷಧಗಳ ತಯಾರಿಕೆಯಲ್ಲಿ ಬಳಸಲಾಗುವುದು.
ಮಧುಮೇಹಿಗಳಿಗೆ ಉತ್ತಮ ಆಯ್ಕೆ
ಬಿಳಿ/ ಜಂಬು ನೇರಳೆ ಮಧುಮೇಹಿಗಳಿಗೆ ಅದ್ಭುತವಾದ ಆಯ್ಕೆ ಆಗುವುದು. ಇದು ರಕ್ತದಲ್ಲಿ ಇರುವ ಸಕ್ಕರೆ ಅಂಶವನ್ನು ನಿಯಂತ್ರಿಸಲು ಸಹಾಯ ಮಾಡುವುದು. ಬೀಜದಲ್ಲಿ ಕ್ಯಾಲ್ಸಿಯಮ್ ಪ್ರಮಾಣವು ಸಮೃದ್ಧವಾಗಿ ಇರುತ್ತದೆ. ನಿಯಮಿತವಾಗಿ ಇದನ್ನು ಸೇವಿಸುವುದರ ಮೂಲಕ ಕ್ಯಾಲ್ಸಿಯಮ್ ಸಮಸ್ಯೆಯನ್ನು ನಿವಾರಿಸಬಹುದು. ಇದು ಗಂಟಲಿನ ಸೋಂಕನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಹೊಟ್ಟೆಯುಬ್ಬರ ಅಥವಾ ವಾಯು ಸಮಸ್ಯೆ ಗಳನ್ನು ಸುಲಭವಾಗಿ ನಿವಾರಿಸುವುದು.
ಪ್ರತಿದಿನ ಪಿಯರ್ಸ್ ಏಕೆ ಸೇವಿಸಬೇಕು, ಇಲ್ಲಿವೆ ಐದು ಕಾರಣಗಳು
ಸೇವನೆಯ ಬಗೆ
ಈ ಹಣ್ಣು ಅಧಿಕ ನೀರಿನಂಶದಿಂದ ಕೂಡಿರುತ್ತದೆ. ಹಾಗಾಗಿ ಇದನ್ನು ಕಚ್ಚಾ ರೂಪದಲ್ಲಿಯೇ ಸವಿಯಬಹುದು. ಸಿಹಿ ರುಚಿಯನ್ನು ಹೊಂದಿರುವ ಈ ಹಣ್ಣನ್ನು ನಿಮ್ಮ ಅನುಕೂಲಕ್ಕೆ ಅನುಗುಣವಾಗಿ ಇತರ ಹಣ್ಣುಗಳ ಸಂಯೋಜನೆಯಲ್ಲಿ, ಸಲಾಡ್‍ಗಳ ರೂಪದಲ್ಲಿ ಸವಿಯಬಹುದು. ಬೇಸಿಗೆಯಲ್ಲಿ ಕಾಡುವಂತಹ ಕೆಲವು ಆರೋಗ್ಯ ಸಮಸ್ಯೆಗಳನ್ನು ನಿಯಂತ್ರಣದಲ್ಲಿ ಇಡಲು ಸಹಾಯ ಮಾಡುವುದು.