ಪುರುಷರಲ್ಲಿಯೂ ಕಾಣಿಸಿಕೊಳ್ಳುವ ಸ್ತನ ಕ್ಯಾನ್ಸರ್ ಬಗ್ಗೆ ನಿಮಗೆಷ್ಟು ಗೊತ್ತು?

ಆದರೆ ಮೂಲತಃ ಈ ಅಂಗಾಂಶವೂ ಸ್ತನ ಅಂಗಾಂಶವೇ ಆಗಿರುವುದರಿಂದ ಪುರುಷರಿಗೂ ಸ್ತನ ಕ್ಯಾನ್ಸರ್ ಎದುರಾಗಬಹುದು. ಆದರೆ ಮಹಿಳೆಯರ ಸ್ತನಗಳಿಗಿರುವ ವಿಶಿಷ್ಟ ಕಾರ್ಯಗಳಾದ ಹಾಲು ಉತ್ಪಾದನೆ ಮತ್ತು ಸಂಗ್ರಹಿಸುವ ಸಾಮರ್ಥ್ಯ ಪುರುಷರ ಸ್ತನಗಳಿಗೆ ಇರುವುದಿಲ್ಲ. ಆದರೆ ಉಳಿದಿರುವ ಚಿಕ್ಕ ಗಾತ್ರದ ಅಂಗಾಂಶಕ್ಕೆ ಕ್ಯಾನ್ಸರ್ ಎದುರಾಗುವ ಸಾಧ್ಯತೆ ಇರುತ್ತದೆ.

ಪುರುಷರಿಗೆ ಎದುರಾಗುವ ಸ್ತನ ಕ್ಯಾನ್ಸರ್ ಮಹಿಳೆಯರಿಗಿಂತ ಹೆಚ್ಚು ತೀವ್ರವಾಗಿದೆ ಎಂದು ವೈದ್ಯರು ಭಾವಿಸುತ್ತಿದ್ದರು, ಆದರೆ ಈಗ ಎರಡೂ ಸಂದರ್ಭಗಳಲ್ಲಿ ಕ್ಯಾನ್ಸರ್ ಪ್ರಾಬಲ್ಯ ಏಕ ಪ್ರಕಾರವಾಗಿರಬಹುದು ಎಂದು ತಜ್ಞರು ಅಭಿಪ್ರಾಯ ಪಡುತ್ತಾರೆ. ಆದರೆ ಪುರುಷರಲ್ಲಿ ಸ್ತನ ಕ್ಯಾನ್ಸರ್ ಎದುರಾಗಿದ್ದರೆ ಇದು ಬೆಳಕಿಗೆ ಬರುವ ಸಾಧ್ಯತೆ ಮಹಿಳೆಯರಿಗಿಂತಲೂ ಕಡಿಮೆ. ಏಕೆಂದರೆ ಈ ಭಾಗದಲ್ಲಿ ಅನುಮಾನ ಉಂಟು ಮಾಡುವಂತಹ ಬೆಳವಣಿಗೆ ಏನಾದರೂ ಇದ್ದರೆ ತೀರಾ ಬೆಳೆದ ಬಳಿಕವೇ ಕಾಣಿಸಿಕೊಳ್ಳುತ್ತದೆ.

35 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ವ್ಯಕ್ತಿಗಳಿಗೆ ಸ್ತನ ಕ್ಯಾನ್ಸರ್ ಬರುವುದು ಅಪರೂಪ. ಸ್ತನ ಕ್ಯಾನ್ಸರ್ ಬರುವ ಸಾಧ್ಯತೆ ವ್ಯಕ್ತಿಯ ವಯಸ್ಸು ಹೆಚ್ಚುತ್ತಿದ್ದಂತೆಯೇ ಹೆಚ್ಚುತ್ತಾ ಹೋಗುತ್ತದೆ. ಹೆಚ್ಚಿನ ಸ್ತನ ಕ್ಯಾನ್ಸರ್ 60 ರಿಂದ 70 ವರ್ಷದೊಳಗಿನ ಪುರುಷರಿಗೆ ಸಂಭವಿಸುತ್ತದೆ.

8 ಗಂಟೆಗಳ ನಿದ್ರೆಯ ನಂತರವೂ ಆಯಾಸ ಕಾಣಿಸಿಕೊಳ್ಳಲು ಕಾರಣ ಇವೇ ನೋಡಿ…

• ನಿಕತ ಸಂಬಂಧದದ ಮಹಿಳೆಯರಲ್ಲಿ ಪತ್ತೆಯಾಗಿರುವ ಸ್ತನ ಕ್ಯಾನ್ಸರ್
• ಎದೆಯ ವಿಕಿರಣ ಮಾನ್ಯತೆಯ ಇತಿಹಾಸ
• ಔಷಧಿ ಅಥವಾ ಹಾರ್ಮೋನ್ ಚಿಕಿತ್ಸೆಗಳಿಂದ ಸ್ತನಗಳ ವಿಸ್ತರಣೆ (ಗೈನೆಕೊಮಾಸ್ಟಿಯಾ ಎಂದು ಕರೆಯಲಾಗುತ್ತದೆ), ಅಥವಾ ಕೆಲವು ಸೋಂಕುಗಳು ಮತ್ತು ವಿಷಗಳು
• ಈಸ್ಟ್ರೊಜೆನ್ ಹೆಚ್ಚಿಸುವ ಔಷಧಿಗಳ ಸೇವನೆ
• ಕ್ಲೈನ್ಫೆಲ್ಟರ್ ಸಿಂಡ್ರೋಮ್ (Klinefelter's syndrome) ಎಂಬ ಅಪರೂಪದ ಆನುವಂಶಿಕ ಸ್ಥಿತಿ
• ಸಿರೋಸಿಸ್ ಎಂದು ಕರೆಯಲ್ಪಡುವ ತೀವ್ರ ಪಿತ್ತಜನಕಾಂಗದ ಕಾಯಿಲೆ
• ವೃಷಣಗಳ ಕಾಯಿಲೆಗಳಾದ ಮಂಪ್ಸ್ ಆರ್ಕಿಟಿಸ್, ವೃಷಣಗಳಿಗೆ ಆದ ಗಾಯ ಅಥವಾ ಕೆಳಗಿಳಿಯದ ವೃಷಣ (undescended testicle)
• ಸ್ಥೂಲಕಾಯ

ಪುರುಷರಲ್ಲಿ ಸ್ತನ ಕ್ಯಾನ್ಸರ್ ಎದುರಾಗಿರುವ ಲಕ್ಷಣಗಳು ಮಹಿಳೆಯರ ಸ್ತನಗಳಲ್ಲಿ ಕಂಡುಬರುವ ಲಕ್ಷಣಗಳಂತೆಯೇ ಇರುತ್ತದೆ. ಪುರುಷರಿಗೆ ತನ್ನ ಎದೆಯ ಮೇಲೆ ಏನೋ ಗಟ್ಟಿಯಾದ ಉಂಡೆಯಂತೆ ಇರುವುದು ಕಂಡುಕೊಂಡಾಗಲೇ ಹೆಚ್ಚಿನ ಪುರುಷ ಸ್ತನ ಕ್ಯಾನ್ಸರ್ ಪತ್ತೆಯಾಗುತ್ತದೆ.

ಆದರೆ ಸಾಮಾನ್ಯವಾಗಿ ಪುರುಷರು, ಮಹಿಳೆಯರಿಗಿಂತ ಭಿನ್ನವಾಗಿ, ಮೊಲೆತೊಟ್ಟುಗಳಿಂದ ರಕ್ತಸ್ರಾವವಾಗುವಂತಹ ಹೆಚ್ಚು ತೀವ್ರವಾದ ರೋಗಲಕ್ಷಣಗಳು ಪ್ರಕಟಗೊಳ್ಳುವರೆಗೂ ವೈದ್ಯರ ಬಳಿಗೆ ಹೋಗುವುದನ್ನೆ ವಿಳಂಬಗೊಳಿಸುತ್ತಾರೆ. ಆ ಸಮಯದಲ್ಲಿ, ಕ್ಯಾನ್ಸರ್ ಈಗಾಗಲೇ ವ್ಯಾಪಕವಾಗಿ ಹರಡಿರುವ ಸಾಧ್ಯತೆ ಇದೆ.

ಸೋಯಾ ಆಹಾರದಿಂದ ಆರೋಗ್ಯದಲ್ಲಿ ಉಂಟಾಗುವ ಐದು ಮಹತ್ತರ ಪ್ರಯೋಜನಗಳು

ರೋಗನಿರ್ಣಯ ಮತ್ತು ಚಿಕಿತ್ಸೆ

ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಅನ್ನು ಪತ್ತೆಹಚ್ಚಲು ಬಳಸುವ ತಂತ್ರಗಳನ್ನೇ ಪುರುಷರಿಗೂ ಬಳಸಲಾಗುತ್ತದೆ: ದೈಹಿಕ ಪರೀಕ್ಷೆಗಳು, ಮ್ಯಾಮೊಗ್ರಫಿ ಮತ್ತು ಬಯಾಪ್ಸಿಗಳು (ಸೂಕ್ಷ್ಮದರ್ಶಕದ ಅಡಿಯಲ್ಲಿ ಅಂಗಾಂಶದ ಚಿಕ್ಕ ಮಾದರಿಗಳನ್ನು ಪರೀಕ್ಷಿಸುವುದು).

ಅಂತೆಯೇ, ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಚಿಕಿತ್ಸೆಯಲ್ಲಿ ಬಳಸುವ ಅದೇ ಚಿಕಿತ್ಸೆಗಳನ್ನು ಆಯ್ದುಕೊಳ್ಳಲಾಗುತ್ತದೆ - ಶಸ್ತ್ರಚಿಕಿತ್ಸೆ, ವಿಕಿರಣ, ಕೀಮೋಥೆರಪಿ, ಉದ್ದೇಶಿತ ಚಿಕಿತ್ಸೆ, ಹಾರ್ಮೋನ್ ಚಿಕಿತ್ಸೆ ಮತ್ತು ಇಮ್ಯುನೋಥೆರಪಿ ಮೊದಲಾದವುಗಳನ್ನು ಪುರುಷರ ಸ್ತನ ಕ್ಯಾನ್ಸರ್ ಗೆ ಚಿಕಿತ್ಸೆ ನೀಡಲು ಬಳಸಲಾಗುತ್ತದೆ. ಒಂದು ಪ್ರಮುಖ ವ್ಯತ್ಯಾಸವೆಂದರೆ ಸ್ತನ ಕ್ಯಾನ್ಸರ್ ಹೊಂದಿರುವ ಪುರುಷರು ಮಹಿಳೆಯರಿಗಿಂತ ಹಾರ್ಮೋನ್ ಚಿಕಿತ್ಸೆಗೆ ಉತ್ತಮವಾಗಿ ಪ್ರತಿಕ್ರಿಯಿಸುತ್ತಾರೆ. ಪುರುಷ ಸ್ತನ ಕ್ಯಾನ್ಸರುಗಳಲ್ಲಿ ಸುಮಾರು 90% ರಷ್ಟು ಹಾರ್ಮೋನ್ ಗ್ರಾಹಕಗಳನ್ನು ಹೊಂದಿವೆ, ಅಂದರೆ ಹಾರ್ಮೋನ್ ಚಿಕಿತ್ಸೆಯು ಹೆಚ್ಚಿನ ಪುರುಷರ ಕ್ಯಾನ್ಸರಿಗೆ ಚಿಕಿತ್ಸೆ ನೀಡಲು ಕೆಲಸ ಮಾಡುತ್ತದೆ.