ವಿಟಮಿನ್ ಡಿ ಕೊರತೆಯು ಚರ್ಮದ ಬಣ್ಣದಿಂದ ಕೂಡಿದೆ. ಡಾರ್ಕ್ ಚರ್ಮದ ವ್ಯಕ್ತಿಗಳಿಗೆ ಸಾಕಷ್ಟು ಪ್ರಮಾಣದ ವಿಟಮಿನ್ ಡಿ ಅನ್ನು ಪಡೆದುಕೊಳ್ಳಲು ದೀರ್ಘ ಅಥವಾ ಹೆಚ್ಚು ತೀವ್ರವಾದ ನೇರಳಾತೀತ ಕಿರಣಗಳ ಅಗತ್ಯವಿರುತ್ತದೆ ಎಂದು ಒಂದು ಅಧ್ಯಯನವು ಸೂಚಿಸುತ್ತದೆ. ಬೇರೆ ರೀತಿಯಲ್ಲಿ ಹೇಳುವುದಾದರೆ, ನೀವು ಗಾಢವಾದ ಚರ್ಮದ ಬಣ್ಣ ಹೊಂದಿದ್ದರೆ, ನಿಮ್ಮ ದೇಹವು ಶ್ವೇತವರ್ಣದ ಚರ್ಮವನ್ನು ಹೊಂದಿರುವ ಜನರಿಗಿಂತ ವಿಟಮಿನ್ ಡಿ ಕಡಿಮೆ ಇರುತ್ತದೆ. ಸುಮಾರು 76 ಪ್ರತಿಶತ ಭಾರತೀಯರು ವಿಟಮಿನ್ ಡಿ ಕೊರತೆಯಿಂದ ಬಳಲುತ್ತಿದ್ದಾರೆ, ಅದರಲ್ಲೂ ಹೆಚ್ಚಿನವರು 18 ರಿಂದ 30 ವರ್ಷ ವಯಸ್ಸಿನವರಾಗಿದ್ದಾರೆ.
ಎರಡು ರೀತಿಯ ವಿಟಮಿನ್ ಡಿ ಇದೆ
ಮೊದಲನೆಯದು ವಿಟಮಿನ್ ಡಿ 3 ದೇಹವು ಸೂರ್ಯನ ಬೆಳಕು ಚರ್ಮಕ್ಕೆ ಬೀಳುವುದರಿಂದ ಉಂಟಾಗುವುದು. ಇದನ್ನು ಪ್ರಾಣಿ ಮೂಲದ ಮೂಲಗಳಿಂದಲೂ ಪಡೆಯಬಹುದು. ಇನ್ನೊಂದು ವಿಟಮಿನ್ ಡಿ 2, ಇದು ಸಸ್ಯ ಆಧಾರಿತವಾಗಿದೆ. ಪ್ರತಿದಿನ ನಿಮಗೆ ಎಷ್ಟು ಪ್ರಮಾಣದಲ್ಲಿ ವಿಟಮಿನ್ ಡಿ ಯ ಅಗತ್ಯ ಇರುತ್ತದೆ ಎನ್ನುವುದನ್ನು ನಿಮ್ಮ ವಯಸ್ಸನ್ನು ಆಧರಿಸಿ ನಿರ್ಧರಿಸಲಾಗುತ್ತದೆ.
ಎಷ್ಟು ಪ್ರಮಾಣದಲ್ಲಿ ವಿಟಮಿನ್ ಡಿ ಯ ಅಗತ್ಯವಿದೆ
ಹುಟ್ಟಿದ ಮಗುವಿನಿಂದ12 ತಿಂಗಳ ಮಗುವಿನ ವರೆಗೆ 400 IU (International Units)
1 ರಿಂದ 13 ವರ್ಷದ ವರೆಗಿನ ಮಕ್ಕಳಿಗೆ 600 IU
14 ರಿಂದ 18 ವರ್ಷದ ಬಾಲಕರಿಗೆ 600 IU
19 ರಿಂದ 70 ವರ್ಷದವರಿಗೆ 600IU
71 ವರ್ಷಕ್ಕಿಂತ ಅಧಿಕ ಇರುವವರಿಗೆ 800 IU
ಗರ್ಭಿಣಿಯರು ಹಾಗೂ ಹಾಲುಣಿಸುವ ತಾಯಂದಿರಿಗೆ 600IU
ವಿಟಮಿನ್ ಡಿ ಕೊರತೆಯ ಲಕ್ಷಣಗಳು
ಮೂಳೆಗಳ ದುರ್ಬಲಗೊಳ್ಳುವಿಕೆ
ಮೂಳೆಗಳಲ್ಲಿ ನೋವು
ಕೂದಲು ಉದುರುವಿಕೆ
ಆಸ್ಟಿಯೊಪೊರೋಸಿಸ್
ರಿಕೆಟ್ಸ್
ಬೊಜ್ಜು
ಟೈಪ್ 2 ಡಯಾಬಿಟಿಸ್ ಮೆಲ್ಲಿಟಸ್
ಹೃದಯರೋಗ
ಸಾಂಕ್ರಾಮಿಕ ರೋಗ
ಆಟೋಇಮ್ಯೂನ್ ರೋಗಗಳು
ಕ್ಯಾನ್ಸರ್
ಪಾರ್ಕಿನ್ಸನ್
ವಿಟಮಿನ್ ಡಿ ಕೊರತೆಯನ್ನು ಸರಿದೂಗಿಸಲು ತಿನ್ನಬೇಕಾದ ಆಹಾರಗಳು
ಕೊಬ್ಬಿನ ಮೀನುಗಳಾದ ಸಾಲ್ಮನ್, ಟ್ಯೂನ ಮತ್ತು ಮ್ಯಾಕೆರೆಲ್
ದೇಸಿ ಚೀಸ್
ಅಣಬೆ
ಮೊಟ್ಟೆಗಳು
ಮೊಸರು, ಹಾಲು ಮುಂತಾದ ಡೈರಿ ಉತ್ಪನ್ನಗಳು
ಏಕದಳ ಧಾನ್ಯಗಳು
ಕಿತ್ತಳೆ ಹಣ್ಣಿನ ರಸ
ಸೋಯಾ ರಸ
ಹೆಚ್ಚು ದಪ್ಪಗಿರುವವರಲ್ಲಿ ಈ ಸಮಸ್ಯೆ ಕಾಣಿಸುತ್ತದೆ
ಡಾರ್ಕ್ ಸ್ಕಿನ್ ಹೊಂದಿರುವವರು,ಬೊಜ್ಜು ಇರುವವರಲ್ಲಿ ವಿಟಮಿನ್ ಡಿ ಕೊರತೆ ಕಂಡುಬರುತ್ತದೆ. ಇದಲ್ಲದೆ, ದೀರ್ಘಕಾಲದ ಮೂತ್ರಪಿಂಡ ಕಾಯಿಲೆ, ಹೃದಯ ಸಂಬಂಧಿ ಕಾಯಿಲೆ, ಕ್ರೋನ್ಸ್ ಅಥವಾ ಸೆಲಿಯಾಕ್ ಕಾಯಿಲೆಯಿಂದ ಬಳಲುತ್ತಿರುವವರಲ್ಲೂ ವಿಟಮಿನ್ ಡಿ ಕೊರತೆಯ ಸಮಸ್ಯೆ ಕಾಣಿಸುತ್ತದೆ.