ಉತ್ತರ ಭಾರತೀಯ ಅಡುಗೆಯಲ್ಲಿ ಗೋಡಂಬಿ ಬಳಕೆ ಹೆಚ್ಚಾಗಿರುವುದು. ಕೇವಲ ಭಾರತ ಮಾತ್ರವಲ್ಲದೆ, ವಿದೇಶಗಳಲ್ಲೂ ಕೂಡ ಗೋಡಂಬಿಯನ್ನು ಬಳಕೆ ಮಾಡಲಾಗುತ್ತದೆ. ಆದರೆ ಗೋಡಂಬಿ ತಿಂದರೆ ಅದರಿಂದ ತೂಕ ಹೆಚ್ಚಾಗುವುದು ಎನ್ನುವ ಮಾತಿದೆ. ಆದರೆ ಇದು ಸುಳ್ಳು. ಇದನ್ನು ತಿಂದರೆ ಸಿಗುವಂತಹ ಕೆಲವು ಅದ್ಭುತ ಲಾಭಗಳ ಬಗ್ಗೆ ತಿಳಿಸಿಕೊಡಲಿದ್ದೇವೆ.
ಅಪಧಮನಿ ಕಾಯಿಲೆಗಳನ್ನು ತಡೆಯುವುದು
ಗೋಡಂಬಿಯಲ್ಲಿ ಆರೋಗ್ಯಕಾರಿ ಕೊಬ್ಬಿನಾಂಶವಿದ್ದು, ಇದು ಹೃದಯದ ಆರೋಗ್ಯಕ್ಕೆ ಸಹಕಾರಿ. ಕೊಲೆಸ್ಟ್ರಾಲ್ ನಿಂದ ಮುಕ್ತವಾಗಿರುವ ಇದು ಹೃದಯವು ಉತ್ತಮ ರೀತಿಯಲ್ಲಿ ಕೆಲಸ ಮಾಡಲು ಬೇಕಾಗಿರುವಂತಹ ಪೋಷಕಾಂಶಗಳನ್ನು ಒದಗಿಸುವುದು.
ಕ್ಯಾನ್ಸರ್ ತಡೆಯುವುದು
ಗೋಡಂಬಿ ಸೇವನೆಯ ಪ್ರಮುಖ ಲಾಭವೆಂದರೆ ಅದು ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡುವುದು. ಪ್ರೋಂಥೋಸಯಾನಿಡಿನ್ಸ್ ಎನ್ನುವ ಫ್ಲಾವೊನೊಲ್ ಅಂಶವು ಗಡ್ಡೆಗಳ ಅಂಗಾಂಶವು ಬೆಳೆಯುವುದನ್ನು ತಡೆಯುವುದು. ಗೋಡಂಬಿಯಲ್ಲಿ ತಾಮ್ರ ಮತ್ತು ಪ್ರೋಂಥೋಸಯಾನಿಡಿನ್ಸ್ ಅಂಶವಿದ್ದು, ಇದು ಕ್ಯಾನ್ಸರ್ ತಡೆಯುವುದು.
ಸೈಲೆಂಟ್ ಆಗಿ ಕಾಡುವ ಸ್ತನ ಕ್ಯಾನ್ಸರ್ ಬಗ್ಗೆ ಇರಲಿ ಎಚ್ಚರ!
ತೂಕ ಇಳಿಕೆಗೆ ಸಹಕಾರಿ
- ಗೋಡಂಬಿಯಲ್ಲಿ ಉತ್ತಮ ಪ್ರಮಾಣದ ಕೊಬ್ಬು ಇದೆ ಮತ್ತು ಇದು ಆರೋಗ್ಯಕಾರಿ ದೇಹಕ್ಕೆ ಒಳ್ಳೆಯದು. ಗೋಡಂಬಿಯಲ್ಲಿ ಇರುವಂತಹ ಕೊಬ್ಬಿನಾಂಶವು ಒಳ್ಳೆಯ ಕೊಲೆಸ್ಟ್ರಾಲ್ ಹೆಚ್ಚಿಸುವುದು ಮತ್ತು ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡುವುದು.
- ಗೋಡಂಬಿಯು ದೇಹಕ್ಕೆ ಶಕ್ತಿ ನೀಡುವುದು ಮತ್ತು ದೀರ್ಘಕಾಲ ಹೊಟ್ಟೆ ತುಂಬಿದಂತೆ ಮಾಡುವುದು. ಇದರಿಂದ ಪ್ರತಿನಿತ್ಯವೂ 3-4 ಗೋಡಂಬಿ ತಿಂದರೆ ತೂಕವನ್ನು ಸಮತೋಲನದಲ್ಲಿ ಇಡಬಹುದು.
ಗೋಡಂಬಿ ತಿನ್ನುವುದರಿಂದ ಸಿಗುವ ಪ್ರಯೋಜನಗಳೇನು ಗೊತ್ತೇ?
ಕಾಂತಿಯುತ ತ್ವಚೆಗೆ
- ಗೋಡಂಬಿಯಲ್ಲಿ ಉತ್ತಮ ಪ್ರಮಾಣದ ತಾಮ್ರ ಮತ್ತು ಆಂಟಿಆಕ್ಸಿಡೆಂಟ್ ಗುಣಗಳು ಇವೆ. ಇದು ಚರ್ಮವು ಕಾಂತಿಯುತವಾಗಿ ಹೊಳೆಯಲು ನೆರವಾಗುವುದು.
- ಆಂಟಿಆಕ್ಸಿಡೆಂಟ್ ಚರ್ಮಕ್ಕೆ ವಯಸ್ಸಾಗುವುದನ್ನು ತಪ್ಪಿಸುವುದು ಮತ್ತು ತಾಮ್ರವು ಇತರ ಕೆಲವು ಕಿಣ್ವಗಳೊಂದಿಗೆ ಕಾಲಜನ್ ಉತ್ಪತ್ತಿ ಮಾಡಿ ಚರ್ಮದಲ್ಲಿ ಸ್ಥಿತಿಸ್ಥಾಪಕತ್ವ ಉಂಟು ಮಾಡುವುದು.
ಹೊಟ್ಟೆಯ ಆರೋಗ್ಯಕ್ಕೆ
ಗೋಡಂಬಿ ಪ್ರತಿನಿತ್ಯವೂ ಸೇವನೆ ಮಾಡಿದರೆ ಅದರಿಂದ ಹೊಟ್ಟೆಯು ಸರಿಯಾಗಿ ಇರುವುದು ಮತ್ತು ಜೀರ್ಣಕ್ರಿಯೆಗೆ ಇದು ಸಹಕಾರಿ. ಪ್ರತಿನಿತ್ಯ 2-3 ಗೋಡಂಬಿ ಸೇವನೆ ಮಾಡಿದರೆ ಹೊಟ್ಟೆಯು ಉತ್ತಮವಾಗಿರುವುದು.
ಕಣ್ಣುಗಳಿಗೆ ಒಳ್ಳೆಯದು
ಇದರಲ್ಲಿ ಲುಟೇನ್ ಅಂಶವಿದೆ ಮತ್ತು ಇತರ ಕೆಲವೊಂದು ಪ್ರಮುಖ ಆಂಟಿಆಕ್ಸಿಡೆಂಟ್ ಗಳು ಕಣ್ಣುಗಳಿಗೆ ಆಗುವ ಹಾನಿ ತಪ್ಪಿಸುವುದು. ಇದರಿಂದ ಕಣ್ಣಿನ ದೃಷ್ಟಿಯು ಆರೋಗ್ಯಕಾರಿ ಆಗಿರುವುದು.
ಕೊನೆವರೆಗೂ ಕಣ್ಣುಗಳ ದೃಷ್ಟಿ ಚೆನ್ನಾಗಿರಬೇಕೆಂದರೆ ಇವುಗಳನ್ನು ತಿನ್ನಿ
ನರಗಳ ಆರೋಗ್ಯ ಕಾಪಾಡುವುದು
ಮೆಗ್ನಿಶಿಯಂನಿಂದಾಗಿ ಹಲವಾರು ಬಗೆಯ ಆರೋಗ್ಯ ಸಮಸ್ಯೆಗಳು ಬರುವುದು. ಇದರಿಂದ ನರಗಳು ಮತ್ತು ಮೂಳೆಯ ಕಾರ್ಯದ ಮೇಲೆ ಪರಿಣಾಮ ಬೀರುವುದು ಹಾಗೂ ರಕ್ತದೊತ್ತಡ ಹೆಚ್ಚಾಗುವುದು.
ಪ್ರತಿನಿತ್ಯವೂ ಗೋಡಂಬಿಸ ವನೆ ಮಾಡಿದರೆ ಅದರಿಂದ ದೇಹದಲ್ಲಿ ಮೆಗ್ನಿಶಿಯಂ ಸಮತೋಲನ ಕಾಪಾಡಬಹುದು ಮತ್ತು ಮೈಗ್ರೇನ್ ಮತ್ತು ದೇಹದಲ್ಲಿನ ನೋವು ಕಡಿಮೆ ಮಾಡಬಹುದು.
ಶಕ್ತಿಯ ಮಟ್ಟ ಹೆಚ್ಚುವುದು
ಗೋಡಂಬಿಯಲ್ಲಿ ಹಲವಾರು ಬಗೆಯ ಖನಿಜಾಂಶಗಳು ಹಾಗೂ ವಿಟಮಿನ್ ಗಳಿದ್ದು, ಇದನ್ನು ಸೇವನೆ ಮಾಡಿದರೆ ಅದರಿಂದ ಚಯಾಪಚಯವು ಬಲ ಪಡೆಯುತ್ತದೆ. ಇದರಲ್ಲಿನ ಆಂಟಿಆಕ್ಸಿಡೆಂಟ್ ಗಳು ಮತ್ತು ವಿವಿಧ ಬಗೆಯ ಕಿಣ್ವಗಳು ಪ್ರತಿರೋಧಕ ಶಕ್ತಿ ವೃದ್ಧಿಸಲು ಪ್ರಮುಖ ಪಾತ್ರ ವಹಿಸುವುದು.