ಇದನ್ನು ಕೆಲವೊಂದು ತಿಂಡಿಗಳಿಗೆ ರುಚಿ ಹೆಚ್ಚಿಸಲು ಬಳಸುವುದು ಮಾತ್ರವಲ್ಲದೆ, ಹೊಟ್ಟೆ ನೋವಿನಿಂದಲೂ ಇದು ಪರಿಹಾರ ನೀಡುವುದು. ಗಸಗಸೆಯನ್ನು ಕಡ್ಡಾಯವಾಗಿ ಮನೆಯಲ್ಲಿ ಯಾಕೆ ಇಟ್ಟುಕೊಳ್ಳಬೇಕು ಎಂದು ನಾವು ನಿಮಗೆ ಈ ಲೇಖನದಲ್ಲಿ ತಿಳಿಸಿಕೊಡಲಿದ್ದೇವೆ.
ನರಗಳಿಗೆ ಶಮನ ನೀಡುವ ಜತೆಗೆ ಒಳ್ಳೆಯ ನಿದ್ರೆಗೆ ಸಹಕಾರಿ
ನಿದ್ರಾಹೀನತೆ ಸಮಸ್ಯೆಯಿಂದ ಬಳಲುತ್ತಿದ್ದರೆ ಆಗ ನೀವು ಚಾಗೆ ಗಸಗಸೆಯನ್ನು ಹಾಕಿಕೊಂಡು ಕುಡಿದರೆ ಅದರಿಂದ ಒಳ್ಳೆಯ ನಿದ್ರೆ ಬರುವುದು ಮತ್ತು ನಿದ್ರಾಹೀನತೆ ಸಮಸ್ಯೆಯು ದೂರವಾಘುವುದು. ಮಲಗುವ ಅರ್ಧಗಂಟೆಗೆ ಮೊದಲು ಇದನ್ನು ಸೇವನೆ ಮಾಡಿದರೆ ಆಗ ನಿದ್ರೆಗೆ ಸಹಕಾರಿ.
ಹೊಟ್ಟೆ ನೋವಿಗೆ ಪರಿಹಾರ
ಗಸಗಸೆ ಹುಡಿಯನ್ನು ಸ್ವಲ್ಪ ತುಪ್ಪದ ಜತೆಗೆ ಸೇವನೆ ಮಾಡಿದರೆ ಆಗ ಖಂಡಿತವಾಗಿಯೂ ಹೊಟ್ಟೆ ನೋವಿನ ಸಮಸ್ಯೆಯು ದೂರವಾಗುವುದು. ಇದರಲ್ಲಿ ಇರುವಂತಹ ಪಾಪಾವೆರಿನ್ ಎನ್ನುವ ಅಂಶವನ್ನು ಕೆಲವೊಂದು ಔಷಧಿಗಳಲ್ಲಿ ಕೂಡ ಬಳಕೆ ಮಾಡಿಕೊಳ್ಳಲಾಗುತ್ತದೆ.
ಒಣ ಚರ್ಮಕ್ಕೆ ಪರಿಹಾರ
ಆಯುರ್ವೇದದಲ್ಲಿ ತ್ವಚೆಗೆ ಮೊಶ್ಚಿರೈಸ್ ಮಾಡಲು ಗಸಗಸೆಯನ್ನು ಬಳಕೆ ಮಾಡಿಕೊಂಡು ಬರಲಾಗಿದೆ. ಇದರಲ್ಲಿ ಉನ್ನತ ಮಟ್ಟದ ಕೊಬ್ಬಿನಾಮ್ಲಗಳಿದ್ದು, ಇದು ಚರ್ಮಕ್ಕೆ ರಕ್ಷಣೆಯ ಪದರವಾಗಿ ಕೆಲಸ ಮಾಡುವುದು ಮತ್ತು ಮೊಶ್ಚಿರೈಸ್ ಹಾಳಾಗದಂತೆ ತಡೆಯುವುದು.
ಒಣ ಕೆಮ್ಮಿಗೆ ಪರಿಹಾರ
ಕೆಮ್ಮು ಮತ್ತು ಶೀತದ ಸಮಸ್ಯೆಯು ಚಳಿಗಾಲದಲ್ಲಿ ಸಾಮಾನ್ಯವಾಗಿ ಕಂಡುಬರುವುದು. ಇದಕ್ಕಾಗಿ ಗಸಗಸೆಯನ್ನು ಬಳಸಿದರೆ ಒಳ್ಳೆಯದು.
ಒಂದು ಚಮಚ ಜೇನುತುಪ್ಪದ ಜತೆಗೆ ಒಂದು ಚಮಚ ಗಸಗಸೆಯನ್ನು ಹಾಕಿಕೊಂಡು ಅದಕ್ಕೆ ಎಂಟು ಚಮಚ ತೆಂಗಿನ ಹಾಲು ಹಾಕಿಕೊಂಡು ಮಲಗುವ ಮೊದಲು ಕುಡಿದರೆ ಒಳ್ಳೆಯದು.
ಒಣ ಕೆಮ್ಮಿಗೆ ಮನೆಯಲ್ಲೇ ಮಾಡಿಕೊಳ್ಳಿ ಸರಳ ಮನೆಮದ್ದುಗಳು
ಮಹಿಳೆಯರಲ್ಲಿ ಫಲವತ್ತತೆ ವೃದ್ಧಿಸುವುದು
- ಗಸಗಸೆ ಬೀಜದ ಎಣ್ಣೆಯಿಂದ ಫಾಲೋಪಿಯನ್ ಟ್ಯೂಬ್ ನ್ನು ಶುಚಿ ಮಾಡಿದರೆ ಆಗ ಫಲವತ್ತತೆಯು ಹೆಚ್ಚಾಗುವುದು ಎಂದು ಅಧ್ಯಯನಗಳು ಹೇಳಿವೆ. ಇದು ಯಾವುದೇ ರೀತಿಯ ಪೊರೆ ಅಥವಾ ಕಲ್ಮಶವನ್ನು ತೆಗೆದುಹಾಕುವುದು ಮತ್ತು ಫಲವತ್ತತೆ ಸಾಧ್ಯತೆ ಹೆಚ್ಚಿಸುವುದು.
- ಇದರಲ್ಲಿ ಇರುವಂತಹ ಲಿಗ್ನನಸ್ ಎನ್ನುವ ಅಂಶವು ಕಾಮಾಸಕ್ತಿ ವೃದ್ಧಿಸುವುದು ಮತ್ತು ಲೈಂಗಿಕ ಆಕಾಂಕ್ಷೆಯನ್ನು ವೃದ್ಧಿಸಲು ಇದು ಸಹಕಾರಿ ಆಗಿರುವುದು.