ಕಾರಣ ಗಾಳಿಯಲ್ಲಿರುವ ಬ್ಯಾಕ್ಟೀರಿಯಾಗಳು ಮತ್ತು ಸೋಂಕುಕಾರಕ ಕ್ರಿಮಿಗಳು ಆಹಾರಗಳ ಮೇಲೆ ಕುಳಿತು ಆಹಾರದ ನೈಜ ಸ್ವರೂಪವನ್ನು ಅದಲು ಬದಲು ಮಾಡಿ ಆಹಾರ ಕೆಟ್ಟು ಹೋಗುವಂತೆ ಮಾಡುತ್ತವೆ.
ಇಂತಹ ಆಹಾರವನ್ನು ಸೇವನೆ ಮಾಡಿದರೆ ನಮ್ಮ ಆರೋಗ್ಯ ನಮಗೆ ಗೊತ್ತಿಲ್ಲದೆ ನಿಧಾನವಾಗಿ ಹಾಳಾಗುತ್ತದೆ. ಅದರಲ್ಲೂ ಈಗಿನ ಚಳಿಗಾಲದ ಸಂದರ್ಭದಲ್ಲಿ ಸಾಕಷ್ಟು ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವುದು ಸೂಕ್ತ.
ಆಹಾರ ಕಲುಷಿತವಾಗಿರಬಹುದು
ಒಂದು ವೇಳೆ ನೀವು ಹಸಿ ಮಾಂಸವನ್ನು ರೆಫ್ರಿಜರೇಟರ್ ನ ಮೇಲ್ಭಾಗದ ಸೆಲ್ಫ್ ನಲ್ಲಿ ಇಟ್ಟಂತಹ ಸಂದರ್ಭದಲ್ಲಿ ಮಾಂಸಾಹಾರದಲ್ಲಿರುವ ದ್ರವಾಂಶ ಕ್ರಮೇಣವಾಗಿ ಕೆಳ ಭಾಗಕ್ಕೆ ಹರಿದು ಬರಬಹುದು.
ಇದರಿಂದ ಕೆಳ ಭಾಗದ ಶೆಲ್ಫ್ ನಲ್ಲಿರುವ ಆಹಾರ ಪದಾರ್ಥಗಳು ಹದಗೆಟ್ಟು ಹೋಗಬಹುದು. ಇಂತಹ ಆಹಾರಗಳನ್ನು ಸೇವನೆ ಮಾಡಿದ ಸಂದರ್ಭದಲ್ಲಿ ವಿಪರೀತವಾಗಿ ಹೊಟ್ಟೆಗೆ ಸಂಬಂಧ ಪಟ್ಟ ಸೋಂಕುಗಳು ಮತ್ತು ಸಮಸ್ಯೆಗಳು ಕಾಡಬಹುದು. ಏಕೆಂದರೆ ಮಾಂಸಾಹಾರದ ರಸಗಳು ಆರೋಗ್ಯಕ್ಕೆ ಸಾಕಷ್ಟು ಹಾನಿಕರ ನೆನಪಿರಲಿ.
ಫ್ರಿಡ್ಜ್ನಲ್ಲಿರುವ ಆಹಾರಗಳನ್ನು ಹೆಚ್ಚು ತಿನ್ನುತ್ತೀರಾ? ಹಾಗಾದರೆ ಇಲ್ಲಿ ಕೇಳಿ
ಭೇದಿಯಾಗಬಹುದು!
ರೆಫ್ರಿಜರೇಟರ್ ನಲ್ಲಿ ಎಷ್ಟು ಪ್ರಮಾಣದ ಆಹಾರಗಳನ್ನು ಇಡಬೇಕು ಎಂದು ನಿಯಮವಿರುತ್ತದೆ. ಆಹಾರ ಪದಾರ್ಥಗಳನ್ನು ಇಟ್ಟ ನಂತರ ಒಂದಕ್ಕೊಂದು ವಸ್ತುವಿನ ಅಕ್ಕ ಪಕ್ಕದಲ್ಲಿ ಗಾಳಿಯಾಡಲು ಸ್ವಲ್ಪ ಸ್ಥಳಾವಕಾಶ ಇರಬೇಕು.
ಇಲ್ಲದಿದ್ದರೆ ರೆಫ್ರಿಜರೇಟರ್ ನಲ್ಲಿ ಒಂದಕ್ಕೊಂದು ಅಂಟಿಕೊಂಡು ಇಟ್ಟಿರುವ ಆಹಾರಗಳಲ್ಲಿ ಹೆಚ್ಚು ಗಾಳಿಯಾಡಲು ಸಾಧ್ಯವಾಗದೆ ಬ್ಯಾಕ್ಟೀರಿಯಾಗಳ ಬೆಳವಣಿಗೆ ಉಂಟಾಗಬಹುದು.
ಇದರಿಂದ ನೀವು ಅರ್ಥ ಮಾಡಿಕೊಳ್ಳಬೇಕಾದ ಒಂದು ವಿಚಾರ ಏನೆಂದರೆ ರೆಫ್ರಿಜರೇಟರ್ ನಲ್ಲಿ ಇರುವ ನಿಮ್ಮ ಆಹಾರ ಕೂಡ ಸೇವನೆಗೆ ಸುರಕ್ಷಿತವಲ್ಲ ಎಂದು. ಹಾಗಾಗಿ ಕಡಿಮೆ ಆಹಾರ ಪದಾರ್ಥಗಳನ್ನು ಮಾತ್ರ ರೆಫ್ರಿಜರೇಟರ್ ನಲ್ಲಿ ಇಡಿ.
ಭೇದಿ, ಅತಿಸಾರದಂತಹ ಸಮಸ್ಯೆಗಳಿಗೆ ಆಯುರ್ವೇದ ಔಷಧಿಗಳು
ರೆಫ್ರಿಜರೇಟರ್ ತಾಪಮಾನ ಏರುಪೇರಾಗಿರಬಹುದು
ರೆಫ್ರಿಜರೇಟರ್ ತಾಪಮಾನದ ಬಗ್ಗೆ ಪ್ರತಿಯೊಬ್ಬರು ಗಮನ ಹರಿಸಲೇಬೇಕು. ಏಕೆಂದರೆ ನಮಗೆಲ್ಲ ಒಂದು ಹವ್ಯಾಸ ಇರುತ್ತದೆ.
ರೆಫ್ರಿಜರೇಟರ್ ಬಾಗಿಲನ್ನು ತೆಗೆದು ತುಂಬಾ ಹೊತ್ತಿನ ತನಕ ಅದರಲ್ಲಿರುವ ಆಹಾರ ಪದಾರ್ಥಗಳನ್ನು ನೋಡಿಕೊಂಡು ನಿಂತುಕೊಂಡಿರುತ್ತೇವೆ. ಈ ಸಂದರ್ಭದಲ್ಲಿ ರೆಫ್ರಿಜರೇಟರ್ ನ ತಾಪಮಾನ ಏರಿಕೆಯಾಗುತ್ತದೆ.
ಏಕೆಂದರೆ ಒಳಗಿರುವ ತಂಪಾದ ಗಾಳಿ ಹೊರ ಬರುತ್ತದೆ ಮತ್ತು ಹೊರಗಿನ ಬಿಸಿ ಗಾಳಿ ರೆಫ್ರಿಜರೇಟರ್ ಒಳಗೆ ಹೋಗುತ್ತದೆ. ಹೊರಗಿನ ಗಾಳಿಯಲ್ಲಿರುವ ಬ್ಯಾಕ್ಟೀರಿಯಾಗಳು ಮತ್ತು ಸಣ್ಣ - ಪುಟ್ಟ ರೋಗಕಾರಕ ಕ್ರಿಮಿಗಳ ಕೂಡ ರೆಫ್ರಿಜರೇಟರ್ ಪ್ರವೇಶ ಮಾಡುತ್ತವೆ.
ಹಾಗಾಗಿ ಹೆಚ್ಚಿನ ಪ್ರಮಾಣದ ಬ್ಯಾಕ್ಟೀರಿಯಾಗಳು ನೀವು ರೆಫ್ರಿಜರೇಟರ್ ನಲ್ಲಿ ಇಟ್ಟಂತಹ ಆಹಾರ ಪದಾರ್ಥಗಳ ಮೇಲೆ ಹೋಗಿ ಶೇಖರಣೆ ಆಗುತ್ತವೆ. ಇಂತಹ ಆಹಾರವನ್ನು ನೀವು ಸೇವನೆ ಮಾಡಿದಾಗ ನಿಮ್ಮ ಆರೋಗ್ಯ ಹದಗೆಡುವುದು ಖಂಡಿತ.
ಕೊಳಕು ರೆಫ್ರಿಜರೇಟರ್
ನಮ್ಮ ಮನೆಯಲ್ಲಿರುವ ರೆಫ್ರಿಜರೇಟರ್ ಅನ್ನು ನಾವು ಸಾಧ್ಯವಾದರೆ ವಾರಕ್ಕೊಮ್ಮೆ ಸ್ವಚ್ಛ ಮಾಡುವ ಅಭ್ಯಾಸ ಇಟ್ಟುಕೊಳ್ಳಬೇಕು. ಆದರೆ ಜನರಿಗೆ ಈಗಿನ ನಿರಂತರವಾದ ಕೆಲಸ ಕಾರ್ಯಗಳಿಂದ ಸಮಯ ಸಿಗದೇ ತಿಂಗಳಿಗೊಮ್ಮೆ ಅಥವಾ ಎರಡು ತಿಂಗಳಿಗೊಮ್ಮೆ ರೆಫ್ರಿಜರೇಟರ್ ಅನ್ನು ಸ್ವಚ್ಛ ಮಾಡಲು ಮುಂದಾಗುತ್ತಾರೆ.
ಇದರಿಂದ ರೆಫ್ರಿಜರೇಟರ್ ಒಳಗೆ ಚೆಲ್ಲಿದಂತಹ ಹಾಲು, ಮೊಸರು, ಮಜ್ಜಿಗೆ, ಜ್ಯೂಸ್, ಚಟ್ನಿ, ಸಾಗು ಇತ್ಯಾದಿಗಳು ಇತರ ಆಹಾರ ಪದಾರ್ಥಗಳ ಜೊತೆ ಬೆರೆತು ಹಾನಿ ಮಾಡುತ್ತವೆ. ಕೊಳಕು ರೆಫ್ರಿಜರೇಟರ್ ನಲ್ಲಿ ಜಿರಳೆಗಳು, ಸೊಳ್ಳೆಗಳು, ನೊಣಗಳು ಇರುವೆಗಳು ಸೇರಿಕೊಳ್ಳಲು ಇದು ಅನುಕೂಲ ಮಾಡಿಕೊಡುತ್ತದೆ.
ರೆಫ್ರಿಜರೇಟರ್ ಬಾಗಿಲು ಹಾಕಿದ ಮೇಲೆ ರೆಫ್ರಿಜರೇಟರ್ ಒಳಗೆ ಏನಾಗುತ್ತದೆ ಎಂದು ಯಾರಿಗೆ ಗೊತ್ತು ಅಲ್ಲವೇ ? ಹಾಗಾಗಿ ಇಂತಹ ಆಹಾರಗಳನ್ನು ಸೇವನೆ ಮಾಡಿದ ಬಳಿಕ ನಿಮಗೆ ಹೊಟ್ಟೆಯಲ್ಲಿ ನೋವು, ಸೋಂಕು, ಅಜೀರ್ಣತೆ, ಭೇದಿ, ಗ್ಯಾಸ್ಟ್ರಿಕ್ ಮತ್ತು ಫುಡ್ ಪಾಯ್ಸನಿಂಗ್ ಉಂಟಾಗುವ ಸಾಧ್ಯತೆ ಇದೆ .
ವಿದ್ಯುತ್ ಶಕ್ತಿ ಕೈ ಕೊಡುವುದು
ನಮ್ಮ ಭಾರತದಲ್ಲಿ ಹಳ್ಳಿಗಳಲ್ಲಿ ಸೇರಿದಂತೆ ತುಂಬಾ ದೊಡ್ಡ ದೊಡ್ಡ ನಗರಗಳಲ್ಲಿ ಪಟ್ಟಣಗಳಲ್ಲಿ ಕೂಡ ಆಗಾಗ ವಿದ್ಯುತ್ ಹೋಗುತ್ತಾ ಬರುತ್ತಾ ಇರುತ್ತದೆ. ಕರೆಂಟ್ ಹೋದ ಸಂದರ್ಭದಲ್ಲಿ ರೆಫ್ರಿಜರೇಟರ್ ನ ತಾಪಮಾನ ನಿಧಾನವಾಗಿ ಬದಲಾಗುತ್ತದೆ.
ಹಾಗಾಗಿ ಒಳಗಿರುವ ಕೆಲವು ಆಹಾರ ಪದಾರ್ಥಗಳು ಕೆಲವೊಮ್ಮೆ ಕೊಳೆತು ಹೋಗುವ ಸಾಧ್ಯತೆ ಕೂಡ ಉಂಟು. ಆದರೆ ಅದು ನಮ್ಮ ಗಮನಕ್ಕೆ ಬರುವುದಿಲ್ಲ. ಈ ರೀತಿಯ ಆಹಾರಗಳು ನಮ್ಮ ದೇಹ ಸೇವನೆಯಾದರೆ ವಿಪರೀತವಾಗಿ ಹೊಟ್ಟೆ ನೋವು ಮತ್ತು ಸೋಂಕುಗಳು ಕಂಡು ಬರುವ ಸಾಧ್ಯತೆ ಇರುತ್ತದೆ.