ನೆನಪಿರಲಿ ಈ ಆಹಾರಗಳನ್ನು ಹಾಲಿನ ಜೊತೆ ಸೇವಿಸಲೇಬಾರದು

ನಮ್ಮ ಭಾರತೀಯ ಆರೋಗ್ಯ ಪದ್ದತಿಯಲ್ಲಿ ಪುರಾತನ ಕಾಲದಿಂದಲೂ ಇಂದಿಗೂ ಚಾಲ್ತಿಯಲ್ಲಿರುವ ಪದ್ಧತಿ ಎಂದರೆ ಅದು ಆಯುರ್ವೇದ. ಈಗಿನ ಆಂಗ್ಲ ಔಷಧಿಗಳು ಲಗ್ಗೆ ಇಡುವ ಮೊದಲಿಂದಲೂ ನಮ್ಮ ಪಂಡಿತರು ಉಪಯೋಗಿಸುತ್ತಿದ್ದ ಮತ್ತು ಅನೇಕ ರೋಗ ರುಜಿನಗಳಿಗೆ ಯಶಸ್ವಿಯಾಗಿ ಔಷಧಿ ಕೊಡುತ್ತಿದ್ದ ಉದಾಹರಣೆಗಳು ಈಗಲೂ ನಮ್ಮ ಇತಿಹಾಸದಲ್ಲಿದೆ. ಪ್ರಸ್ತುತ ಕೆಲವೊಬ್ಬರು ಈ ವಿಧಾನವನ್ನು ಅನುಸರಿಸುತ್ತಾ ಬಂದಿದ್ದಾರೆ ಕೂಡ. ಅಂದ ಮೇಲೆ ಅವರು ಹೇಳುವ ಒಂದೊಂದು ವಿಚಾರಕ್ಕೂ ನಾವು ಬೆಲೆ ಕೊಡಲೇಬೇಕು.

ಅವರೇ ಸೂಚಿಸಿರುವ ಹಾಗೆ ಹಾಲಿನ ಜೊತೆಗೆ ಕೆಲವೊಂದು ಆಹಾರಗಳ ಸೇವನೆ ನಿಷಿದ್ಧ. ಏಕೆಂದರೆ ಹಾಲಿನ ಜೊತೆ ಅವುಗಳ ಮಿಶ್ರಣ ಮನುಷ್ಯನ ದೇಹದ ಮೇಲೆ ವಿರುದ್ಧ ರೀತಿಯ ಪರಿಣಾಮ ಬೀರುತ್ತವೆ. ಜೀರ್ಣ ಶಕ್ತಿ ಕುಂದಿಸುತ್ತವೆ. ಜಠರದ ಸಮಸ್ಯೆಗೆ ಕಾರಣ ಆಗುತ್ತವೆ. ಅಂತಹ ಕೆಲವೊಂದು ಆಹಾರಗಳನ್ನು ಇಲ್ಲಿ ತಿಳಿಸಿ ಕೊಡಲಾಗಿದೆ.

ಹೊಟ್ಟೆಯ ಹೊಕ್ಕಳಿಗೆ ಎಣ್ಣೆ ಹಾಕಿ ಹೀಗೆ ಮಾಡಿದ್ರೆ, ಸಾಕಷ್ಟು ಆರೋಗ್ಯ ಲಾಭಗಳಿವೆ

ಆಯುರ್ವೇದ ಪ್ರಕಾರ
ಆಯುರ್ವೇದ ತಜ್ಞರು ಹೇಳುವ ಪ್ರಕಾರ ಹಲವು ಮಂದಿ ಹಾಲಿನ ಜೊತೆ ಬಾಳೆ ಹಣ್ಣಿನ ಸೇವನೆಯ ಅಭ್ಯಾಸವನ್ನು ತಮ್ಮ ಆಹಾರ ಪದ್ಧತಿಯಲ್ಲಿ ಅಳವಡಿಸಿಕೊಂಡಿರುತ್ತಾರೆ. ಆದರೆ ಇದು ನಿಷಿದ್ಧ. ಏಕೆಂದರೆ ಹಾಲು ಮತ್ತು ಬಾಳೆ ಹಣ್ಣು ಎರಡೂ ವಿರುದ್ಧ ರೀತಿಯ ಸ್ವಭಾವವನ್ನು ಹೊಂದಿರುತ್ತವೆ. ನಮ್ಮ ದೇಹದಲ್ಲಿ ನಾವು ಸೇವಿಸಿದ ಯಾವುದೇ ಆಹಾರ ಜೀರ್ಣವಾಗಬೇಕಾದರೆ ಹೊಟ್ಟೆಯಲ್ಲಿನ ಅಗ್ನಿ ತತ್ವ ಸಹಾಯಕ್ಕೆ ಬರುತ್ತದೆ. ಇದನ್ನು ಆಂಗ್ಲ ಭಾಷೆಯಲ್ಲಿ ಡೈಜೆಸ್ಟಿವ್ ಫೈಯರ್ ಎಂದು ಕರೆಯುತ್ತಾರೆ.


ನಮ್ಮ ಸುತ್ತಮುತ್ತಲಿನ ಹೊರಗಿನ ವಾತಾವರಣದಲ್ಲಿ ಬೆಂಕಿ ಹೊತ್ತಿಕೊಂಡ ಸಂದರ್ಭದಲ್ಲಿ ನಾವು ಅದನ್ನು ಆರಿಸಲು ಜಲ ತತ್ವದಂತಹ ಅಂಶಗಳನ್ನು ಹೇಗೆ ಬಳಕೆ ಮಾಡುತ್ತೇವೆಯೋ ಹಾಗೆ ನಮ್ಮ ದೇಹದಲ್ಲಿ ನಮ್ಮ ಜೀರ್ಣಾಂಗ ಅದೇ ರೀತಿ ಕೆಲಸ ಮಾಡುತ್ತದೆ. ಅದೇ ರೀತಿ ಹೊರಗಿನ ಬೆಂಕಿಗೆ ನಾವು ಎಣ್ಣೆ ಅಥವಾ ತುಪ್ಪ ಸುರಿದರೆ, ಅದು ಹೇಗೆ ಮತ್ತಷ್ಟು ಹೊತ್ತಿ ಉರಿಯುವುದೋ ಅದೇ ರೀತಿ ನಮ್ಮ ದೇಹದಲ್ಲಿ ಜೀರ್ಣ ಪ್ರಕ್ರಿಯೆ ಚುರುಕಾಗಿ ನಡೆಯಬೇಕೆಂದರೆ ಅದಕ್ಕೆ ಸಮರ್ಪಕವಾದ ಆಹಾರಗಳು ದೇಹ ಸೇರಬೇಕು ಇಲ್ಲದಿದ್ದರೆ ಜೀರ್ಣ ಪ್ರಕ್ರಿಯೆ ಮಂದ ರೀತಿಯಲ್ಲಿ ನಿಧಾನವಾಗುತ್ತದೆ. ಇದು ದೇಹದಲ್ಲಿ ವಿಷಕಾರಿ ಅಂಶಗಳು ಉತ್ಪತ್ತಿಗೊಂಡು ನಮಗೆ ಇನ್ನಿತರ ಸಮಸ್ಯೆಗಳಿಗೆ ಕಾರಣವಾಗುತ್ತದೆ.

ಹಾಗಾಗಿ ವಿರುದ್ಧ ರೀತಿಯ ಆಹಾರ ಪದಾರ್ಥಗಳನ್ನು ಒಮ್ಮೆಲೇ ಸೇವಿಸಿದರೆ ಜೀರ್ಣ ಪ್ರಕ್ರಿಯೆಗೆ ತೊಂದರೆಯಾಗುತ್ತದೆ. ಹಾಲು ಬಹಳಷ್ಟು ಪೌಷ್ಟಿಕಾಂಶಗಳನ್ನು ಹೊಂದಿದ ಆಹಾರ ಪದಾರ್ಥ. ಆದರೆ ಈ ಪೌಷ್ಟಿಕ ಸತ್ವಗಳು ಇತರ ಆಹಾರ ಪದಾರ್ಥಗಳ ಜೊತೆ ಹಾಲನ್ನು ಮಿಶ್ರಣ ಮಾಡದೆ ಇದ್ದರೆ ಮಾತ್ರ ಮನುಷ್ಯನ ದೇಹದಲ್ಲಿ ಕೆಲಸ ಮಾಡುತ್ತವೆ. ಅಂತಹ ಜೀರ್ಣ ಪ್ರಕ್ರಿಯೆಗೆ ತೊಂದರೆ ಉಂಟು ಮಾಡುವಂತಹ ಹಾಲಿನ ಜೊತೆ ಮಿಶ್ರಣ ಮಾಡಿ ಸೇವಿಸಬಾರದಂತಹ ಆಹಾರಗಳ ಪಟ್ಟಿ ಇಲ್ಲಿದೆ.

*ಬಾಳೆ ಹಣ್ಣುಗಳು
*ಚೆರ್ರಿ ಹಣ್ಣುಗಳು
*ಯಾವುದೇ ಹುಳಿ ಭರಿತ ಹಣ್ಣುಗಳು ( ಕಿತ್ತಳೆ, ನಿಂಬೆ, ದ್ರಾಕ್ಷಿ, ಹುಣಸೆಹಣ್ಣು, ನೆಲ್ಲಿಕಾಯಿ, *ಹಸಿರು ಆಪಲ್, ಪ್ಲಮ್ ಹಣ್ಣುಗಳು, ಸ್ಟಾರ್ ಫ್ರೂಟ್, ಪೈನಾಪಲ್ ಇತ್ಯಾದಿ )
*ಮೊಸರಿನ ಆಹಾರ ಪದಾರ್ಥಗಳು
*ಮೊಟ್ಟೆ, ಮೀನು, ಮಾಂಸ
*ಮೊಸರು
*ಬೀನ್ಸ್
*ಮೂಲಂಗಿ

ರಾತ್ರಿ ಮಲಗುವ ಮುನ್ನ ಬಾಳೆಹಣ್ಣು ತಿಂದ್ರೆ ಏನಾದರೂ ಸಮಸ್ಯೆ ಇದೆಯೇ?

ಆಯುರ್ವೇದದ ಪ್ರಕಾರ ಹಾಲಿನ ಸೇವನೆ ಹೇಗೆ ಮಾಡಬೇಕು ?ನಮ್ಮ ಆರೋಗ್ಯಕರ ಜೀವನಕ್ಕೆ ನಾವು ಯಾವುದೇ ಆಹಾರವನ್ನು ಸದಾ ಅದು ಹೇಗಿರುವುದೋ ಹಾಗೆ ಸೇವಿಸಿದರೆ ಉತ್ತಮ. ಹಾಲಿನ ವಿಷಯದಲ್ಲೂ ಅಷ್ಟೇ. ತಾಜಾ ಹಸುವಿನ ಹಾಲನ್ನು ಮೇಲೆ ಹೇಳಿದ ಯಾವುದೇ ಪದಾರ್ಥಗಳ ಜೊತೆ ಮಿಶ್ರಣ ಮಾಡದೇ ಹಾಗೆ ಕುಡಿಯಬೇಕು. ರುಚಿಯ ವಿಷಯದಲ್ಲಿ ಬೇಕಾದರೆ ಸ್ವಲ್ಪ ಹಸಿ ಜೇನುತುಪ್ಪ, ಬೆಲ್ಲ ಅಥವಾ ಸಕ್ಕರೆಯನ್ನು ಸೇರಿಸಿ ಸವಿಯಬಹುದು. ಇವುಗಳಲ್ಲಿ ಯಾವುದಾದರೂ ಒಂದು ಮಾತ್ರ ಹಾಲಿನ ಜೊತೆ ಮಿಶ್ರಣ ಮಾಡಿದರೆ ಒಳ್ಳೆಯದು. ಎಲ್ಲಾ ಪದಾರ್ಥಗಳನ್ನು ಒಟ್ಟಿಗೆ ಸೇರಿಸಬೇಡಿ.