ಚಳಿಗಾಲದಲ್ಲಿ ಕಾಡುವ ಶೀತ ಕೆಮ್ಮು, ಜ್ವರದ ಸಮಸ್ಯೆಗೆ ಆಯುರ್ವೇದಿಕ್ ಔಷಧಿಗಳು

• ಶ್ವಾಸಕೋಶದ ಮೇಲ್ಭಾಗದ ಸೋಂಕನ್ನು ನಿವಾರಣೆ ಮಾಡಲು ನೀವು ಉಪ್ಪು ನೀರಿನಿಂದ ಬಾಯಿ ಮುಕ್ಕಳಿಸಿಕೊಳ್ಳಿ. ಇದು ಶೀತದ ತೀವ್ರತೆ ಕಡಿಮೆ ಮಾಡುವುದು.
• ಉದಾಹರಣೆಗೆ ಗಂಟಲು ನೋವು ಅಥವಾ ಮೂಗು ಕಟ್ಟಿದ ಸಮಸ್ಯೆ ಇದ್ದರೆ ಇದರಿಂದ ಪರಿಹಾರ ಪಡೆಯಬಹುದು.
• ಉಪ್ಪು ನೀರಿನಿಂದ ದಿನಕ್ಕೆ ಮೂರು ಅಥವಾ ನಾಲ್ಕು ಸಲ ಬಾಯಿ ಮುಕ್ಕಳಿಸಿ ಕೊಂಡರೆ ಆಗ ಬ್ಯಾಕ್ಟೀರಿಯಾ ಮತ್ತು ಸೋಂಕುಕಾರಕ ಹೊಂದಿರುವ ಕಫ ಕಡಿಮೆ ಅಥವಾ ಸಡಿಲವಾಗುವುದು. ಒಂದು ಲೋಟ ಬಿಸಿ ನೀರಿಗೆ ಒಂದು ಚಮಚ ಉಪ್ಪು ಹಾಕಿಕೊಂಡು ಬಾಯಿ ಮುಕ್ಕಳಿಸಿ.

• ಒಣ ಶುಂಠಿ, ಕರಿಮೆಣಸು ಮತ್ತು ಜೇನುತುಪ್ಪದ ಕಷಾಯವು ಕೆಮ್ಮು ನಿವಾರಣೆಗೆ ತುಂಬಾ ಪರಿಣಾಮಕಾರಿ ಎಂದು ಆಯುರ್ವೇದಿಕ್ ತಜ್ಞರು ಹೇಳುವರು.
• ಶುಂಠಿ ಮತ್ತು ಕರಿಮೆಣಸು ಸ್ವಲ್ಪ ಘಾಟು ಆಗಿದ್ದರೂ ಇದು ಶ್ವಾಸಕೋಶ ಹಾಗೂ ವಾಯುನಾಳದ ಆರೋಗ್ಯ ಕಾಪಾಡುವ ಜತೆಗೆ ಜೀರ್ಣಕ್ರಿಯೆ ಸುಧಾರಣೆ ಮಾಡುವುದು.
• ಇದು ದೇಹದಲ್ಲಿ ಉಷ್ಣತೆ ಹೆಚ್ಚಿಸುವುದು. ನೀರಿಗೆ ಒಣ ಶುಂಠಿ ಮತ್ತು ಕರಿಮೆಣಸು ಹಾಕಿ ಸರಿಯಾಗಿ ಕುದಿಸಿ, ನೀರು ಅರ್ಧದಷ್ಟು ಆಗಲಿ. ಇದು ಸ್ವಲ್ಪ ತಣ್ಣಗಾದ ಬಳಿಕ ಜೇನುತುಪ್ಪ ಹಾಕಿಕೊಂಡು ಕುಡಿಯಿರಿ. ಇದನ್ನು ನೀವು ದಿನದಲ್ಲಿ 3-4 ಸಲ ಕುಡಿದರೆ ಚಳಿಗಾಲದಲ್ಲಿ ಕಾಡುವಂತಹ ಕೆಮ್ಮು ನಿವಾರಣೆ ಆಗುವುದು.

ಚಳಿಗಾಲದಲ್ಲಿ ಕೆಮ್ಮು ನಿವಾರಣೆಗೆ ಕರಿಮೆಣಸು-ಜೇನುತುಪ್ಪದ ಚಹಾ!

• ಚಳಿಗಾಲದಲ್ಲಿ ಜ್ವರ ಸಾಮಾನ್ಯ ವಿಚಾರ. ಈ ಕಷಾಯವು ಜ್ವರ ನಿವಾರಣೆ ಮಾಡಲು ನೆರವಾಗುವುದು. ಇದನ್ನು ಕುಡಿದರೆ ಅದರಿಂದ ದೇಹವು ಬೆವರುವುದು ಮತ್ತು ಜ್ವರ ಕಡಿಮೆ ಆಗುವುದು.
• 7 ತುಳಸಿ ಮತ್ತು ಐದು ಲವಂಗ ತೆಗೆದುಕೊಂಡು ಅದನ್ನು ಜಜ್ಜಿಕೊಳ್ಳಿ. ಇದನ್ನು ಒಂದು ಲೋಟ ಕುದಿಯುವ ನೀರಿಗೆ ಹಾಕಿ. ಇದು ಸರಿಯಾಗಿ ಕುದಿಯಲಿ. ಇದರ ಬಳಿಕ ಅರ್ಧಕ್ಕೆ ಬರಲಿ ಮತ್ತು ಕಲ್ಲುಪ್ಪು ಹಾಕಿಕೊಂಡು ದಿನದಲ್ಲಿ 2-3 ಸಲ ಕುಡಿಯಿರಿ.

ಖಾಲಿ ಹೊಟ್ಟೆಗೆ 'ತುಳಸಿ ಎಲೆ'ಗಳನ್ನು ತಿಂದರೆ ಜನ್ಮದಲ್ಲಿ ಇಂತಹ ಕಾಯಿಲೆಗಳು ಬರಲ್ಲ