ಸಾರ್ವಜನಿಕ ಶೌಚಾಲಯ ಎನ್ನುವುದು ಹಲವಾರು ರೀತಿಯ ಸೋಂಕುಗಳನ್ನು ಹರಡುವಂತಹ ತಾಣ. ಹೀಗಾಗಿ ಅಲ್ಲಿಗೆ ಹೋಗುವ ವೇಳೆ ತುಂಬಾ ಎಚ್ಚರಿಕೆ ವಹಿಸಬೇಕು. ಅದರಲ್ಲೂ ಮಹಿಳೆಯರು ಸಾರ್ವಜನಿಕ ಶೌಚಾಲಯಗಳನ್ನು ಬಳಕೆ ಮಾಡಿದ ಬಳಿಕ ಸರಿಯಾದ ಸ್ವಚ್ಛತಾ ಕ್ರಮಗಳನ್ನು ಅನುಸರಿಸಬೇಕು.
ಎಲ್ಲವೂ ನಮ್ಮ ಮನಸ್ಸಿನ ಭಾವನೆ
ಕೆಲವೊಂದು ಸಲ ಸಾರ್ವಜನಿಕ ಶೌಚಾಲಯಗಳನ್ನು ಬಳಸಬೇಕಾದರೆ ಆಗ ನೀವು ಇದನ್ನು ಬಳಸಬಹುದು. ಅದಕ್ಕಾಗಿ ಹಿಂಜರಿಯಬೇಡಿ. ಯಾಕೆಂದರೆ ಮೂತ್ರಕೋಶದ ಸೋಂಕಿನ ಸಮಸ್ಯೆಯು ಸಾರ್ವಜನಿಕ ಶೌಚಾಲಯವನ್ನು ಬಳಕೆ ಮಾಡುವುದರಿಂದ ಬಂದಿರುವುದು ತುಂಬಾ ಕಡಿಮೆ.
ಮೂತ್ರಕೋಶದ ಸೋಂಕಿಗೆ ಕಾರಣವಾಗುವಂತಹ ಪ್ರೋಟಿಯಸ್ ಮತ್ತು ಸ್ಟ್ಯಾಫಿಲೋಕೊಕಸ್ ಸಪ್ರೊಫಿಟಿಕಸ್ ಬ್ಯಾಕ್ಟೀರಿಯಾಗಳೂ ನೇರವಾಗಿ ಮೂತ್ರನಾಳದ ಸಂಪರ್ಕಕ್ಕೆ ಬರುವುದು ತುಂಬಾ ಅಪರೂಪ. ಹೀಗಾಗಿ ಶೌಚಾಲಯ ಬಳಕೆ ಮಾಡಿದ ಬಳಿಕ ಸರಿಯಾದ ರೀತಿಯ ಸ್ವಚ್ಛತೆ ಮಾಡಿದರೆ ಅದರಿಂದ ಸಮಸ್ಯೆಯಾಗದು.
ಲೈಂಗಿಕವಾಗಿ ಹರಡುವ ರೋಗಗಳು
ಹರ್ಪಿಸ್, ಕ್ಲೈಮೆಡಿಯಾವನ್ನು ಸೂಕ್ಷ್ಮಾಣುಜೀವಿಗಳು ಉಂಟು ಮಾಡುವುದು. ಇಂತಹ ಸೂಕ್ಷ್ಮಾಣುಗಳು ಗಾಳಿಯಲ್ಲಿ ಹೆಚ್ಚು ಸಮಯ ಬದುಕುವುದಿಲ್ಲ. ಸಾರ್ವಜನಿಕ ಶೌಚಾಲಯಗಳಿಂದ ಯಾವುದೇ ರೀತಿಯ ಲೈಂಗಿಕ ರೋಗಗಳು ಮತ್ತು ಮೂತ್ರ ಕೋಶದ ಸೋಂಕು ಬರದು.
ಲೈಂಗಿಕವಾಗಿ ಹರಡುವ ರೋಗಗಳು: ಕೈಗೊಳ್ಳಬೇಕಾದ ಅಭ್ಯಾಸಗಳು ಯಾವವು?
ಸ್ವಚ್ಛತೆ ಬಗ್ಗೆ ಏನು?
ಲೈಂಗಿಕ ರೋಗಗಳು ಮತ್ತು ಮೂತ್ರಕೋಶದ ಸೋಂಕು ಹರಡದೆ ಇದ್ದರೂ ಸಾರ್ವಜನಿಕ ಶೌಚಾಲಯಗಳು ಹೆಚ್ಚು ಸ್ವಚ್ಛವಾಗಿ ಇರಲ್ಲ. ಸಾರ್ವಜನಿಕ ಶೌಚಾಲಯವನ್ನು ಬಳಸಿಕೊಂಡು ಬಳಿಕ ಸರಿಯಾಗಿ ಸೋಪ್ ಹಾಕಿಕೊಂಡು ಕೈಗಳನ್ನು ತೊಳೆಯಿರಿ ಮತ್ತು ಸೋಪ್ ಇಲ್ಲದೆ ಇದ್ದರೆ ಆಗ ಹ್ಯಾಂಡ್ ಸ್ಯಾನಿಟೈಸರ್ ಹಾಕಿಕೊಳ್ಳಿ.
ಟಾಯ್ಲೆಟ್ ಪೇಪರ್ ಬಳಸಿ
ಬಾಗಿಲಿನ ಒಳಗಿನ ಹಿಡಿಯಲ್ಲಿ ಕೂಡ ಹೆಚ್ಚಿನ ಕೀಟಾಣುಗಳು ಹಾಗೂ ಬ್ಯಾಕ್ಟೀರಿಯಾಗಳು ಇವೆ. ಇದರಿಂದ ದೂರವಿರಬೇಕಾದರೆ ಆಗ ನೀವು ಟಾಯ್ಲೆಟ್ ಪೇಪರ್ ಬಳಸಿಕೊಂಡು ಹಿಡಿಯನ್ನು ಮುಟ್ಟಿ. ಬಾಗಿಲು ತೆರೆಯಲು ಒಂದು ತುಂಡು ಟಾಯ್ಲೆಟ್ ಪೇಪರ್ ಬಳಸಿ ಬಳಿಕ ಕಸದ ಡಬ್ಬಿಗೆ ಎಸೆಯಿರಿ.
ಟಾಯ್ಲೆಟ್‌ನಲ್ಲಿ ಹೆಚ್ಚು ಹೊತ್ತು ಸಮಯ ಕಳೆದರೆ, ಪೈಲ್ಸ್ ಬರುವುದು ಗ್ಯಾರಂಟಿ!!
ಕೈಗಳನ್ನು ಸರಿಯಾಗಿ ತೊಳೆಯಿರಿ
ಸರಿಯಾಗಿ ಕೈಗಳನ್ನು ತೊಳೆಯದೆ ಇದ್ದರೆ ಆಗ ಹಲವಾರು ರೀತಿಯ ಕೀಟಾಣುಗಳು ಹಾಗೂ ಬ್ಯಾಕ್ಟೀರಿಯಾಗಳು ಬರುವುದು. ನಿಮ್ಮ ಕೆಲಸವಾದ ಬಳಿಕ ಕೈಗಳನ್ನು ಸರಿಯಾಗಿ ತೊಳೆಯಿರಿ.
ಹ್ಯಾಂಡ್ ವಾಶ್
ಸೋಪ್ ಗಿಂತಲೂ ಹ್ಯಾಂಡ್ ವಾಶ್ ಬಲಸಿಕೊಂಡರೆ ಒಳ್ಳೆಯದು. ನೀವು ಒಂದು ಸಣ್ಣ ಹ್ಯಾಂಡ್ ವಾಶ್ ನ್ನು ತೆಗೆದುಕೊಂಡು ಹೋದರೆ ಉತ್ತಮ.ಕೈ ಒರೆಸಲು ಟಿಶ್ಯೂ ಪೇಪರ್ ಬಳಸಿಹ್ಯಾಂಡ್ ಡ್ರೈಯರ್ ಪ್ರತಿಯೊಂದು ಕಡೆಗಳಲ್ಲೂ ಇದೆ.
ಆದರೆ ಇದರಿಂದ ಕೀಟಾಣುಗಳು ಹರಡುವುದು ಎಂದು ಹೇಳಲಾಗುತ್ತದೆ. ಇದಕ್ಕಾಗಿ ಕೈ ಒರೆಸಿಕೊಳ್ಳಲು ಟಿಶ್ಯೂ ಬಳಸಿ.ಡ್ರೈಯರ್ ಬಳಸಿದರೆ ಅದರಿಂದ ಕೈಗಳು ಸರಿಯಾಗಿ ಶುಚಿಯಾಗದು. ಡ್ರೈಯರ್ ನ ಗಾಳಿಯಿಂದ ಬ್ಯಾಕ್ಟೀರಿಯಾಗಳು ಅಲ್ಲೇ ವಾಸವಾಗಬಹುದು.