ನಮ್ಮ ಊಟದಲ್ಲಿ ಮಸಾಲೆ ಪದಾರ್ಥ ಮತ್ತು ಸಿಹಿ ಎರಡು ಇರಬೇಕಂತೆ

• ಎಲ್ಲದರ ಸಮ್ಮಿಶ್ರಣದಿಂದ ಕೂಡಿದ ಆಹಾರ ಸೇವನೆ ಮಾಡುವುದರಿಂದ ನಮ್ಮ ದೇಹದ ಜೀರ್ಣಾಂಗ ವ್ಯವಸ್ಥೆ ಅತ್ಯುತ್ತಮವಾಗಿ ಕೆಲಸ ಮಾಡಲಿದೆ.
• ನಾವು ಸೇವನೆ ಮಾಡಿದ ಆಹಾರವನ್ನು ಚೆನ್ನಾಗಿ ಜೀರ್ಣ ಮಾಡಲು ಅಗತ್ಯವಾಗಿ ಬೇಕಾದ ಪ್ರಮಾಣದಲ್ಲಿ ಜೀರ್ಣ ರಸಗಳನ್ನು ಉತ್ಪತ್ತಿ ಮಾಡಬೇಕಾಗುತ್ತದೆ. ಹಾಗಾಗಿ ಇಂತಹ ಒಂದು ಆಹಾರದ ಸೇವನೆ ಅಗತ್ಯ ಎಂದು ಹೇಳಬಹುದು.

ಜೀರ್ಣಕಾರಿ ಸಮಸ್ಯೆಗಳನ್ನು ನಿವಾರಿಸಲು ನಿಮ್ಮ ಅಡುಗೆ ಮನೆಯ ಈ ಗಿಡಮೂಲಿಕೆಗಳು ಸಹಕಾರಿ

• ಮಸಾಲೆ ಪದಾರ್ಥಗಳನ್ನು ಸೇವನೆ ಮಾಡುವುದರಿಂದ ಜೀರ್ಣ ಶಕ್ತಿ ಹೆಚ್ಚಾಗುತ್ತದೆ. ಆಹಾರದಲ್ಲಿ ಸಿಹಿ ಪದಾರ್ಥಗಳನ್ನು ಕೂಡ ಸೇರಿಸಿ ತಿನ್ನುವುದರಿಂದ ಕಾರ್ಬೋಹೈಡ್ರೇಟ್ ಅಂಶಗಳ ಪ್ರಮಾಣ ಹೆಚ್ಚು ಸಿಗುತ್ತದೆ ಮತ್ತು ಜಡ ಜೀರ್ಣ ಕ್ರಿಯೆ ದೂರವಾಗುತ್ತದೆ.
• ಇಷ್ಟೇ ಅಲ್ಲದೆ ಸಕ್ಕರೆ ಅಂಶ ಸೇವನೆ ಮಾಡುವುದರಿಂದ ಅಮೈನೋ ಆಮ್ಲ ಮತ್ತು ಟ್ರಿಪ್ಟೊಫಾನ್ ಅಂಶಗಳನ್ನು ನಮ್ಮ ದೇಹ ಹೆಚ್ಚಾಗಿ ಹೀರಿಕೊಳ್ಳುತ್ತದೆ. ಮುಖ್ಯವಾಗಿ ಇದು ನಮ್ಮ ಮೆದುಳಿನ ಭಾಗದಿಂದ ಸೇರೋಟೋನಿನ್ ಎಂಬ ಹಾರ್ಮೋನ್ ಉತ್ಪತ್ತಿಯಲ್ಲಿ ನೆರವಾಗುತ್ತದೆ.

ಮಸಾಲೆ ಪದಾರ್ಥ ಎಂದು ಮೂಗು ಮುರಿಯಬೇಡಿ! ಅದರಿಂದಲೂ ಉಪಯೋಗವಿದೆ...

ನಮ್ಮ ಮನಸ್ಸಿನ ಒಳ್ಳೆಯ ಭಾವನೆಗಳನ್ನು ನಿಯಂತ್ರಣ ಮಾಡುವ ಹಾರ್ಮೋನ್ ಇದಾಗಿದೆ. ಹಾಗಾಗಿ ಯಾವುದೇ ವೈಜ್ಞಾನಿಕ ಹಿನ್ನೆಲೆ ಇಲ್ಲದೆ ಇದ್ದರೂ ಕೂಡ ನಮ್ಮ ಹಿರಿಯರು ಸಂಪ್ರದಾಯಬದ್ಧವಾಗಿ ರೂಪಿಸಿದ ಮಸಾಲೆ ಪದಾರ್ಥಗಳು ಮತ್ತು ಸಿಹಿಯ ಮಿಶ್ರಣದ ಆಹಾರ ದೇಹಕ್ಕೆ ಬಹಳ ಆರೋಗ್ಯಕರ ಎಂದು ಹೇಳಬಹುದು.

• ನಾವು ಸಾಧಾರಣವಾಗಿ ಮನೆಯಲ್ಲಿ ಪ್ರತಿ ದಿನ ಬಳಕೆಮಾಡುವ ಸಕ್ಕರೆ ಉಪಯೋಗಿಸಿ ತಯಾರು ಮಾಡಿದ ಸಿಹಿ ಪದಾರ್ಥಗಳು ನಮ್ಮ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ಹೇಳಲು ಬರುವುದಿಲ್ಲ.
• ಇದು ನಿಮ್ಮ ದೇಹದಲ್ಲಿ ಸಕ್ಕರೆ ಪ್ರಮಾಣವನ್ನು ಹೆಚ್ಚು ಮಾಡುತ್ತಾ ಹೋಗುವುದು ಮಾತ್ರವಲ್ಲದೆ ದೀರ್ಘಕಾಲದಲ್ಲಿ ನಿಮ್ಮ ಮಾನಸಿಕ ಸ್ಥಿತಿಯನ್ನು ನಿಯಂತ್ರಣ ಮಾಡುವ ಮಟ್ಟಿಗೆ ಬದಲಾಗುತ್ತದೆ ಜೊತೆಗೆ ದೇಹದಲ್ಲಿ ಬೊಜ್ಜಿನ ಅಂಶದ ಪ್ರಮಾಣವನ್ನು ಹೆಚ್ಚು ಮಾಡಿ ದೇಹದ ತೂಕವನ್ನು ಹೆಚ್ಚಿಸುತ್ತದೆ.
• ಹಾಗಾಗಿ ಆರೋಗ್ಯದ ವಿಚಾರ ಬಂದಾಗ ಕಂದು ಬಣ್ಣದ ಸಕ್ಕರೆ ಅಥವಾ ಬೆಲ್ಲವನ್ನು ಬಳಕೆ ಮಾಡಿ. ಸಾವಯುವ ಬೆಲ್ಲ ನಿಮ್ಮ ಆಯ್ಕೆಯಲ್ಲಿ ಇದ್ದರೆ ತುಂಬಾ ಒಳ್ಳೆಯದು.

ಟೀ-ಕಾಫಿಗೆಲ್ಲಾ ಸಕ್ಕರೆ ಬಳಸುವುದನ್ನು ನಿಲ್ಲಿಸಿ! ಆಮೇಲೆ ಆರೋಗ್ಯ ಹೇಗಿರುತ್ತೆ ನೋಡಿ...