ಆಡಿನ ಹಾಲಿನಲ್ಲಿದೆ ಈ ಆರೋಗ್ಯ ಸಮಸ್ಯೆಗೆ ಪರಿಹಾರ

ಆರೋಗ್ಯ ವೃದ್ಧಿಸುವಲ್ಲಿ ಹಸುವಿನ ಹಾಲಿನ ಪಾತ್ರ ಪ್ರಮುಖವಾದದ್ದು. ಆದರೆ ಲ್ಯಾಕ್ಟೋಸ್‌ ಅಸಮತೋಲನ ಇರುವವರು, ಗ್ಯಾಸ್ಟ್ರಿಕ್‌ ಸಮಸ್ಯೆ ಇರುವವರು ಹಸುವಿನ ಹಾಲು ಕುಡಿಯುವುದರಿಂದ ಸಮಸ್ಯೆ ಮತ್ತಷ್ಟು ಹೆಚ್ಚಾಗುವುದಿರಿಂದ ಹಸುವಿನ ಹಾಲನ್ನು ಕುಡಿಯಬೇಡಿ ಎಂದು ವೈದ್ಯರು ಸಲಹೆ ನೀಡುತ್ತಾರೆ.

ಆಗ ಹಸುವಿನ ಹಾಲಿಗೆ ಪರ್ಯಾಯವಾಗಿ ಆಡಿನ ಹಾಲು ಕುಡಿಯಬಹುದು. ಹಾಲಿನ ಹಾಲು ಕುಡಿಯುವುದರಿಂದ ಅಸಿಡಿಟಿ ಸಮಸ್ಯೆ ಹೆಚ್ಚಾಗುವುದಿಲ್ಲ ಹಾಗೂ ಜೀರ್ಣಕ್ರಿಯೆ ಸುಲಭವಾಗಿ ಆಗುವುದು.

ಆಡಿನ ಹಾಲಿನಲ್ಲಿ ಔಷಧೀಯ ಗುಣವಿದ್ದು ಯಾವ ಸಮಸ್ಯೆಗಳಿಗೆ ಈ ಹಾಲು ಬೆಸ್ಟ್ ಎಂದು ನೋಡೋಣ ಬನ್ನಿ:

ಆಡಿನ ಹಸಿ ಹಾಲು ಕುಡಿಯುವುದರಿಂದ ಈ ರೋಗಗಳನ್ನು ತಡೆಗಟ್ಟಬಹುದು:
* ಡೆಂಗೆ ಮುಂತಾದ ಸಮಸ್ಯೆ ಬಣದಾಗ ಪ್ಲೇಟ್‌ಲೆಟ್‌ ಸಂಖ್ಯೆ ಕಡಿಮೆಯಾದಾಗ ಆಡಿನ ಹಸಿ ಹಾಲನ್ನು ಕುಡಿಯುವುದರಿಂದ ಪ್ಲೇಟ್‌ಲೆಟ್‌ ಸಂಖ್ಯೆ ಹೆಚ್ಚಾಗುವುದು.
* ಅಲ್ಲದೆ ಕಾಮಲೆಯಂಥ ಕಾಯಿಲೆಯನ್ನು ಗುಣಪಡಿಸುವ ಶಕ್ತಿ ಆಡಿನ ಹಾಲಿಗಿದೆ.

ಹಸುವಿನ ಹಾಲಿಗೆ ಪರ್ಯಾಯವಾದ ಹಾಲು
ದೇಹಕ್ಕೆ ಪೋಷಕಾಂಶವನ್ನು ನೀಡಿ ಆರೋಗ್ಯ ವೃದ್ಧಿಸುವಲ್ಲಿ ಹಸುವಿನ ಹಾಲಿನಷ್ಟೇ ಪರಿಣಾಮಕಾರಿ. ಆಡಿನ ಹಾಲು ದೇಹವು ಪೋಷಕಾಂಶವನ್ನು ಹೀರಿಕೊಳ್ಳು ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ.

ಹೊಟ್ಟೆ ಉರಿ, ಅಸಿಡಿಟಿ, ಗ್ಯಾಸ್ಟ್ರಿಕ್‌ ಸಮಸ್ಯೆಗೆ ಉತ್ತಮ ಮನೆಮದ್ದು
ಈ ಸಮಸ್ಯೆ ಇರುವವರು ಆಡಿನ ಹಾಲು ಕುಡಿಯುವ ಮೂಲಕ ಹೊಟ್ಟೆ ಉರಿ, ಅಸಿಡಿಟಿ, ಗ್ಯಾಸ್ಟ್ರಿಕ್‌ ಸಮಸ್ಯೆ ಕಡಿಮೆ ಮಾಡಿಕೊಳ್ಳಬಹುದು.
ಇನ್ನು ಮಲಬದ್ಧತೆ ಇರುವವರು ಆಡಿನ ಹಾಲು ಕುಡಿಯುವುದು ಒಳ್ಳೆಯದು.

ಮಕ್ಕಳ ಬೆಳವಣಿಗೆಗೆ ಒಳ್ಳೆಯದು
ಪ್ರೊಟೀನ್‌, ಆರೋಗ್ಯಕರ ಕೊಬ್ಬಿನಂಶ, ವಿಟಮಿನ್ಸ್. ಕಬ್ಬಿಣದಂಶ ಈ ಪೋಷಕಾಂಶಗಳಿರುವುದರಿಂದ ಮಕ್ಕಳ ಮೂಳೆಯನ್ನು ಬಲವಾಗಿಸುತ್ತದೆ, ಹಲ್ಲುಗಳು ಬಲವಾಗುವುದು ಅಲ್ಲದೆ ಮಗುವಿನ ಬೆಳವಣಿಗೆಗೆ ಸಹಕಾರಿ.