ಸೂರ್ಯನ ಕಿರಣದಿಂದ ಉಂಟಾಗುವ ಸಮಸ್ಯೆ
ಬೇಸಿಗೆಯ ಸಮಯದಲ್ಲಿ ಚರ್ಮದ ಬಗ್ಗೆ ಹೆಚ್ಚಿನ ಕಾಳಜಿ ಅಗತ್ಯ. ಸೂರ್ಯನ ಕಿರಣದಿಂದಾಗಿ ಚರ್ಮವು ಬಹುಬೇಗ ಸುಡುವುದು, ಸುಕ್ಕಾಗುವುದು, ಒರಟಾಗುವುದು ಸೇರಿದಂತೆ ಇನ್ನಿತರ ಸಮಸ್ಯೆಗಳು ಕಾಡುವುದು. ಇಂತಹ ಸಮಸ್ಯೆಯನ್ನು ದಾಳಿಂಬೆ ಹಣ್ಣು ಸುಲಭವಾಗಿ ನಿವಾರಿಸುವುದು. ಚರ್ಮದ ಮೇಲೆ ಉಂಟಾಗುವ ಹಾನಿಯನ್ನು ಸುಲಭವಾಗಿ ತೆಗೆಯುವುದು. ಜೊತೆಗೆ ಸ್ವತಂತ್ರ ರಾಡಿಕಲ್ಸ್‍ಗಳ ವಿರುದ್ಧ ಹೋರಾಡಿ, ಚರ್ಮವನ್ನು ಮೃದು ಹಾಗೂ ಆರೋಗ್ಯದಿಂದ ಕೂಡಿರುವಂತೆ ಮಾಡುವುದು.
ನೈಸರ್ಗಿಕ ಹೊಳಪು ನೀಡುವುದು
ದಾಳಿಂಬೆಯಲ್ಲಿ ಅಗತ್ಯವಿರುವ ಖನಿಜಗಳು ಸಮೃದ್ಧವಾಗಿರುತ್ತವೆ. ಸೂರ್ಯನ ಕಿರಣಗಳಿಂದ ಹಾಳಾದ ವರ್ಣದ್ರವ್ಯವನ್ನು ಸರಿಪಡಿಸುತ್ತದೆ. ದಾಳಿಂಬೆ ಹಣ್ಣಿನಲ್ಲಿ ಇರುವ ವಿಟಮಿನ್ ಸಿ ಅಂಶವು ನಿಮಗೆ ಕಾಂತಿಯುತ ಮತ್ತು ಹೊಳೆಯುವ ಚರ್ಮದಂತೆ ಮಾಡುವುದು. ದಾಳಿಂಬೆಯಲ್ಲಿ ಇರುವ ಉತ್ಕರ್ಷಣ ನಿರೋಧಕ ಮತ್ತು ಉರಿಯೂತದ ಲಕ್ಷಣ ನಿಯಂತ್ರಣದ ಲಕ್ಷಣಗಳು ಸ್ವತಂತ್ರ ರಾಡಿಕಲ್ಸ್‍ಅನ್ನು ತಟಸ್ಥಗೊಳಿಸುತ್ತದೆ. ಚರ್ಮದ ಟೋನ್ ಅನ್ನು ಸುಧಾರಿಸಲು ಸಹಾಯ ಮಾಡುವುದು.
ನಿರ್ವಿಷಗೊಳಿಸುವುದು
ದಾಳಿಂಬೆ ರಸವು ನಿರ್ವಿಶೀಕರಣ ಏಕೆಂಟ್ ಆಗಿ ಕಾರ್ಯ ನಿರ್ವಹಿಸುತ್ತದೆ. ಚರ್ಮದ ಮೇಲಿರುವ ವಿಷವನ್ನು ದೂರ ಇಡಲು ಸಹಾಯ ಮಾಡುತ್ತದೆ. ಕೊಬ್ಬಿದ ಚರ್ಮವನ್ನು ಸರಿಪಡಿಸಲು ಸಹಾಯ ಮಾಡುವುದು. ಚರ್ಮದ ಎಪಿಡರ್ಮಿಸ್ ಅನ್ನು ರಕ್ಷಿಸಲು ಸಹಾಯ ಮಾಡುವುದು. ಇದು ಚರ್ಮದ ಜೀವನಕೋಶಗಳನ್ನು ಪುನರುತ್ಪಾದನೆ ಮಾಡಲು ಸಹಾಯ ಮಾಡುವುದು.
ಪ್ಯಾಷನ್ ಫ್ರೂಟ್‌ನ ಆರೋಗ್ಯಕರ ಪ್ರಯೋಜನಗಳು
ಮೊಡವೆಯನ್ನು ತಡೆಯುತ್ತದೆ
ಜಿಡ್ಡು ಮತ್ತು ಧೂಳಿನ ಕಾರಣದಿಂದ ಚರ್ಮವು ಬಹುಬೇಗ ಮೊಡವೆ ಕಾಣಿಸಿಕೊಳ್ಳುವಂತೆ ಮಾಡುತ್ತದೆ. ಮೊಡವೆಗಳು ತುರಿಕೆಯ ಚರ್ಮ, ಕೆಂಪು ಮತ್ತು ಫ್ಲಾಕಿ ಚರ್ಮಕ್ಕೆ ಕಾರಣವಾಗುವುದು. ಉತ್ಕರ್ಷಣ ನಿರೋಧಕ ಶಕ್ತಿಯನ್ನು ಹೊಂದಿರುವ ದಾಳಿಂಬೆ ರಸವನ್ನು ಬಳಸುವುದರಿಂದ ಮೊಡವೆಯನ್ನು ಸುಲಭವಾಗಿ ನಿವಾರಿಸುವುದು. ಚರ್ಮದಲ್ಲಿ ಸಂಗ್ರಹವಾಗುವ ಧೂಳು ಮತ್ತು ಜಿಡ್ಡನ್ನು ನಿವಾರಿಸಲು ಸಹಾಯ ಮಾಡುತ್ತದೆ.
ದಾಳಿಂಬೆ ರಸ ಮತ್ತು ನಿಂಬು ರಸ
- ಬೆರಳೆಣಿಕೆಯಷ್ಟು ದಾಳಿಂಬೆ ಬೀಜವನ್ನು ತೆಗೆದುಕೊಂಡು ರಸವನ್ನು ಬೇರ್ಪಡಿಸಿಕೊಳ್ಳಿ.
- ದಾಳಿಂಬೆ ರಸಕ್ಕೆ ಅರ್ಧ ನಿಂಬೆ ಹಣ್ಣಿನ ರಸವನ್ನು ಸೇರಿಸಿ, ಮಿಶ್ರಗೊಳಿಸಿ.
- ಮಿಶ್ರಣವನ್ನು ಮುಖ ಹಾಗೂ ಕತ್ತಿನ ಭಾಗಕ್ಕೆ ಅನ್ವಯಿಸಿ.
- 15-20 ನಿಮಿಷಗಳ ಕಾಲ ಆರಲು ಬಿಟ್ಟು ನಂತರ ತೊಳೆಯಿರಿ.
- ಉತ್ತಮ ಫಲಿತಾಂಶ ಪಡೆದುಕೊಳ್ಳಲು ವಾರಕ್ಕೆ ಎರಡು ಬಾರಿ ಅನ್ವಯಿಸಿ.
ತಾಳೆ ಹಣ್ಣಿನ ಸೇವನೆ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು
ದಾಳಿಂಬೆ ರಸ ಮತ್ತು ಆಪಲ್ ಸೈಡರ್ ವಿನೆಗರ್
- ಒಂದು ಬೌಲ್ ಅಲ್ಲಿ ಸ್ವಲ್ಪ ದಾಳಿಂಬೆ ರಸ ಮತ್ತು ಸ್ವಲ್ಪ ಆಪಲ್ ಸೈಡರ್ ವಿನೆಗರ್ ಸೇರಿಸಿ.
- ಹತ್ತಿಯ ಚಂಡನ್ನು ಬಳಸಿ ಮಿಶ್ರಣವನ್ನು ಮುಖ ಹಾಗೂ ಪೀಡಿತ ಪ್ರದೇಶದ ಮೇಲೆ ಅನ್ವಯಿಸಿ.
- ಇದು ಟೋನರ್ ರೀತಿಯಲ್ಲಿ ಚರ್ಮದ ಆರೈಕೆ ಮಾಡುತ್ತದೆ.
- ಸ್ವಲ್ಪ ಸಮಯದ ನಂತರ ಮೃದುವಾದ ನೀರಿನಿಂದ ಸ್ವಚ್ಛಗೊಳಿಸಿ.
- ಗಣನೀಯವಾಗಿ ಈ ಕ್ರಮವನ್ನು ಅನುಸರಿಸಿದರೆ ಚರ್ಮವು ಕಾಂತಿ ಹಾಗೂ ಆರೋಗ್ಯದಿಂದ ಕಂಗೊಳಿಸುವುದು.
ದಾಳಿಂಬೆ ರಸ ಮತ್ತು ಗುಲಾಬಿ ನೀರು
- ದಾಳಿಂಬೆ ಸಿಪ್ಪೆಯನ್ನು ಸಣ್ಣದಾಗಿ ಹೆಚ್ಚಿಕೊಂಡು, ಬಿಸಿಲಿನಲ್ಲಿ ಒಣಗಿಸಿ.
- ಸಿಪ್ಪೆಯನ್ನು ಬ್ಲೆಂಡರ್‍ಗೆ ಸೇರಿಸಿ, ಸಣ್ಣ ಪುಡಿಯನ್ನಾಗಿ ಮಾಡಿಕೊಳ್ಳಿ.
- ನಂತರ ಒಂದು ಬೌಲ್ ಅಲ್ಲಿ 2 ಟೀ ಚಮಚ ದಾಳಿಂಬೆ ಸಿಪ್ಪಿನ ಪುಡಿ ಹಾಗೂ ಸ್ವಲ್ಪ ಗುಲಾಬಿ ನೀರನ್ನು ಸೇರಿಸಿ, ಮಿಶ್ರಗೊಳಿಸಿ.
- ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ, ಮೃದುವಾಗಿ ಮಸಾಜ್ ಮಾಡಿ.
- 10 ನಿಮಿಷಗಳ ಕಾಲ ಮುಖದ ಮೇಲೆ ಆರಲು ಬಿಟ್ಟು, ಬೆಚ್ಚಗಿನ ನೀರಿನಲ್ಲಿ ತೊಳೆಯಿರಿ.
- ಗಣನೀಯವಾಗಿ ಈ ಕ್ರಮವನ್ನು ಅನುಸರಿಸುವುದರಿಂದ ಚರ್ಮದ ಆರೋಗ್ಯವು ಉತ್ತಮವಾಗಿರುತ್ತದೆ.