ನಿಮ್ಮ ಆಹಾರಕ್ರಮದಲ್ಲಿ ಅಳವಡಿಸಿಕೊಳ್ಳಲೇಬೇಕಾದ ಐದು ಕಪ್ಪು ಆಹಾರಗಳು

ಕಪ್ಪು ಅಂಜೂರಗಳು ಸಿಹಿಯಾದ, ಒಳಭಾಗದಲ್ಲಿ ಲಕ್ಷಾಂತರ ಅತಿ ಚಿಕ್ಕ ಬೀಜಗಳನ್ನು ಹೊಂದಿರುವ ಫಲವಾಗಿದೆ ಹಾಗೂ ಅಮೇರಿಕಾ ಸಂಯುಕ್ತ ಸಂಸ್ಥಾನದ ಪ್ರಮುಖ ಬೆಳೆಯಾಗಿದೆ. ಅಂಜೂರಗಳಲ್ಲಿ ಉತ್ತಮ ಪ್ರಮಾಣದ ಪೊಟ್ಯಾಶಿಯಂ ಇದೆ ಹಾಗೂ ಕರಗುವ ಮತ್ತು ಕರಗದ ನಾರುಗಳು ಉತ್ತಮ ಪ್ರಮಾಣದಲ್ಲಿವೆ.

ಇದೇ ಕಾರಣಕ್ಕೆ ಜೀರ್ಣಕ್ರಿಯೆಗೆ ಅಂಜೂರ ಅತಿ ಉತ್ತಮ ಆಹಾರವಾಗಿದೆ ಹಾಗೂ ತೂಕ ಇಳಿಕೆಯ ಪ್ರಯತ್ನದಲ್ಲಿರುವ ವ್ಯಕ್ತಿಗಳಿಗೂ ಸೂಕ್ತವಾದ ಆಹಾರವಾಗಿದೆ. ಕಪ್ಪು ಅಂಜೂರದಲ್ಲಿರುವ ಪೋಷಕಾಂಶಗಳಿಗೆ ಕ್ಯಾನ್ಸರ್ ನಿರೋಧಕ ಗುಣ ಇದೆ ಎಂದು ನಂಬಲಾಗಿದೆ. ಅಲ್ಲದೇ ಅಧಿಕ ರಕ್ತದೊತ್ತಡ ಇರುವ ವ್ಯಕ್ತಿಗಳಿಗೆ ಹೆಚ್ಚಿನ ನೆರವು ನೀಡುವ ಮೂಲಕ ರಕ್ತದ ಒತ್ತಡ ಸಮತೋಲನಕ್ಕೆ ಬರಲು ನೆರವಾಗುತ್ತವೆ.

ಖರ್ಬೂಜದ ಬೀಜಗಳನ್ನು ತಿನ್ನುವುದರಿಂದ ದೊರೆಯುವ ಆರೋಗ್ಯ ಪ್ರಯೋಜನಗಳು

ಇವು ಸ್ಟ್ರಾಬೆರಿ ಹಣ್ಣಿನ ಜಾತಿಗೆ ಸೇರಿದ ಹಣ್ಣುಗಳಾಗಿದ್ದರೂ ಬಣ್ಣ ಮಾತ್ರ ಕಡುಕಪ್ಪು. ಪೋಷಕಾಂಶಗಳ ವಿಷಯದಲ್ಲಿ ಮಾತ್ರ ಇವು ಯಾವುದೇ ರೀತಿಯಿಂದಲೂ ಉಳಿದ ಬೆರ್‍ರಿ ಹಣ್ಣುಗಳಿಗೆ ಕಡಿಮೆಯಲ್ಲ. ಈ ಹಣ್ಣುಗಳ ಸೇವನೆಯಿಂದ ಉರಿಯೂತ ನಿವಾರಣೆಯಾಗುತ್ತದೆ ಹಾಗೂ ರೋಗ ನಿರೋಧಕ ಶಕ್ತಿಯೂ ಹೆಚ್ಚುತ್ತದೆ.

ವಿಶೇಷವಾಗಿ ಮಾಸಿಕ ದಿನಗಳು ಕ್ರಮಬದ್ದವಾಗಿಲ್ಲದ ಮಹಿಳೆಯರು ಹಾಗೂ ಮಾಸಿಕ ದಿನಗಳಲ್ಲಿ ಅತಿ ಹೆಚ್ಚು ಸ್ರಾವದ ತೊಂದರೆಯನ್ನು ಎದುರಿಸುವ ಮಹಿಳೆಯರಿಗೆ ಈ ಹಣ್ಣುಗಳು ಅತ್ಯುತ್ತಮ ಪೋಷಣೆ ನೀಡುತ್ತವೆ. ಅಲ್ಲದೇ ಆಂಟಿ ಆಕ್ಸಿಡೆಂಟುಗಳು ಹೆಚ್ಚಿನ ಸಾಂದ್ರತೆಯಲ್ಲಿರುವ ಆಹಾರಗಳಲ್ಲಿಯೂ ಇವು ಪ್ರಮುಖ ಸ್ಥಾನ ಪಡೆಯುತ್ತವೆ. ಇವನ್ನು ಹಾಗೇ ತಿನ್ನಬಹುದು ಹಾಗೂ ನಿಮ್ಮ ನೆಚ್ಚಿನ ಸ್ಮೂಥಿ, ಫ್ರೂಟ್ ಸಾಲಡ್, ದೋಸೆ ಮೊದಲಾದವುಗಳಲ್ಲಿ ಬೆರೆಸಿಯೂ ತಿನ್ನಬಹುದು.

ಇದೇನೂ ಅಪರಿಚಿತವಲ್ಲ, ನಮ್ಮ ಅಡುಗೆ ಮನೆಯಲ್ಲಿ ಎಳ್ಳು ಇದ್ದೇ ಇರುತ್ತದೆ. ಆದರೆ ನೋಡಲಿಕ್ಕೆ ಚೆನ್ನ ಎಂದು ನಾವು ಬಿಳಿ ಎಳ್ಳನ್ನೇ ಕೊಂಡು ತರುತ್ತೇವೆ. ವಾಸ್ತವದಲ್ಲಿ ಬಿಳಿ ಎಳ್ಳು ಎಂಬುದು ಕಪ್ಪು ಎಳ್ಳಿನ ಕಪ್ಪು ಕವಚವನ್ನು ನಿವಾರಿಸಿದ ಭಾಗವೇ ಹೊರತು ನೈಸರ್ಗಿಕವಾಗಿ ಬಿಳಿ ಎಳ್ಳು ಎಂಬುದು ಇಲ್ಲವೇ ಇಲ್ಲ. ಹೀಗೆ ನಿವಾರಿಸಿದ ಕಪ್ಪು ಕವಚದಲ್ಲಿ ಸೂಕ್ಷ್ಮ ಪೋಷಕಾಂಶಗಳು ಇಲ್ಲವಾಗುತ್ತವೆ. ವಿಶೇಷವಾಗಿ ಕ್ಯಾಲ್ಸಿಯಂ ಮತ್ತು ಮೆಗ್ನೀಶಿಯಂ ಎಳ್ಳಿನ ಕವಚದಲ್ಲಿರುತ್ತವೆ ಹಾಗೂ ಹೃದಯ ಸಂಬಂಧಿ ತೊಂದರೆಗಳಿಂದ ಹಾಗೂ ಅಧಿಕ ರಕ್ತದೊತ್ತಡದಿಂದ ರಕ್ಷಣೆ ಒದಗಿಸುತ್ತವೆ.

ಅಲ್ಲದೇ ಎಳ್ಳಿನಲ್ಲಿರುವ ಕಬ್ಬಿಣ, ತಾಮ್ರ, ಮ್ಯಾಂಗನೀಸ್ ಮೊದಲಾದ ಖನಿಜಗಳು ರಕ್ತದಲ್ಲಿ ಆಮ್ಲಜನಕದದ ಪೂರೈಕೆಗೆ ನೆರವಾಗುತ್ತವೆ ಹಾಗೂ ಹೃದಯದ ಬಡಿತದ ಗತಿಯನ್ನು ಉತ್ತಮವಾಗಿ ಇರಿಸುತ್ತವೆ. ಎಳ್ಳಿನಲ್ಲಿ ಸಂತೃಪ್ತ ಕೊಬ್ಬುಗಳು ಉತ್ತಮವಾಗಿವೆ ಹಾಗೂ ಏಕ ಅಸಂತೃಪ್ತ ಕೊಬ್ಬುಗಳೂ ಹೆಚ್ಚಿನ ಪ್ರಮಾಣದಲ್ಲಿದ್ದು ಈ ಎಣ್ಣೆಯಂಶ ಆರೋಗ್ಯವನ್ನು ವೃದ್ದಿಸುತ್ತವೆ. ಆದ್ದರಿಂದ ಎಳ್ಳನ್ನು ಕೊಳ್ಳುವಾಗ ಕರಿ ಎಳ್ಳನ್ನೇ ಕೊಳ್ಳುವುದು ಜಾಣತನದ ಆಯ್ಕೆಯಾಗಿದೆ.

ಮಾವಿನ ಹಣ್ಣು ತಿಂದರೆ ಶುಗರ್ ಬರುತ್ತೆ ಅಂತ ಭಯಾನಾ? ಹಾಗಾದರೆ ಈ ರೀತಿ ತಿನ್ನಿ

ವಾಸ್ತವದಲ್ಲಿ, ಬಿಳಿ ಬೆಳ್ಳುಳ್ಳಿಯನ್ನು ಅಧಿಕ ತಾಪಮಾನದಲ್ಲಿ ಹುದುಗು ಬರಿಸಿದಾಗ ಇದರ ಬಣ್ಣ ಕಪ್ಪಗಾಗುತ್ತದೆ. ಇದೇ ಕಪ್ಪು ಬೆಳ್ಳುಳ್ಳಿಯೇ ಹೊರತು ನೈಸರ್ಗಿಕವಾಗಿ ಕಪ್ಪು ಬೆಳ್ಳುಳ್ಳಿ ಲಭಿಸದು. ಕಪ್ಪು ಬೆಳ್ಳುಳ್ಳಿ ಉರಿಯೂತದಿಂದ ರಕ್ಷಿಸುತ್ತದೆ ಹಾಗೂ ಸ್ಮರಣಶಕ್ತಿಯನ್ನು ಹೆಚ್ಚಿಸಲು ನೆರವಾಗುತ್ತದೆ.

ಅಲ್ಲದೇ ಅಲ್ಝೀಮರ್ಸ್ ಕಾಯಿಲೆ ಇರುವ ವ್ಯಕ್ತಿಗಳಿಗೆ ಅಲ್ಪ ಕಾಲದ ಮರೆವಿನ ತೊಂದರೆಯಿಂದ ಹೊರಬರಲು ನೆರವಾಗುತ್ತದೆ. ಸಾಮಾನ್ಯ ಹಸಿ ಬೆಳ್ಳುಳ್ಳಿಯ ಬದಲು ಕಪ್ಪು ಬೆಳ್ಳುಳ್ಳಿಗಳನ್ನು ಉಪಯೋಗಿಸಿದಾಗ ಆಂಟಿ ಆಕ್ಸಿಡೆಂಟು ಮತ್ತು ಕ್ಯಾನ್ಸರ್ ನಿರೋಧಕ ಗುಣಗಳು ಅಪಾರವಾಗಿ ವೃದ್ದಿಯಾಗಿರುವುದನ್ನು ಅಧ್ಯಯನಗಳು ಸಾಬೀತುಪಡಿಸಿವೆ.

ಇದು ನಮಗೆ ಹೊಸದಾಗಿ ಪರಿಚಯಿಸಲ್ಪಡುತ್ತಿರುವ ಅಕ್ಕಿಯಾಗಿದ್ದರೂ ಚೀನಾ ದೇಶದಲ್ಲಿ ಸಾವಿರಾರು ವರ್ಷಗಳಿಂದ ಈ ಅಕ್ಕಿಯನ್ನು ಸೇವಿಸುತ್ತಾ ಬರಲಾಗಿದೆ. ಈ ಅಕ್ಕಿಗೆ ಕಪ್ಪು ಬಣ್ಣ ಬರಲಿಕ್ಕೆ ಇದರಲ್ಲಿರುವ ಆಂಥೋಸೈಯಾನಿನ್ ಎಂಬ ಪೋಷಕಾಂಶವೇ ಕಾರಣವಾಗಿದೆ. ಆಂಥೋಸೈಯಾನಿನ್ ಹಾಗೂ ಇತರ ಆಂಟಿ ಆಕ್ಸಿಡೆಂಟುಗಳು ಆರೋಗ್ಯವನ್ನು ಕಾಪಾಡುವ ಜೊತೆಗೇ ಕಣ್ಣಿನ ಆರೋಗ್ಯವನ್ನು ಉತ್ತಮಗೊಳಿಸುತ್ತವೆ.

ಅಲ್ಲದೇ ಲ್ಯೂಟೀನ್ ಹಾಗೂ ಜ಼ಿಯಾಕ್ಸಾಂಥಿನ್ ಎಂಬ ಪೋಷಕಾಂಶಗಳು ಕಣ್ಣಿನ ಪಾಪೆಯನ್ನು ಪ್ರಖರ ಬೆಳಕಿನಿಂದ ರಕ್ಷಿಸುತ್ತವೆ. ಅಲ್ಲದೇ ಗ್ಲುಟೆನ್ ಅಸಹಿಷ್ಣುತೆ ಹೊಂದಿರುವ ವ್ಯಕ್ತಿಗಳು ಅಥವಾ ಗ್ಲುಟೆನ್ ರಹಿತ ಆಹಾರಗಳನ್ನು ಸೇವಿಸುವಂತೆ ಶಿಫಾರಸ್ಸು ಮಾಡಿರುವ ವ್ಯಕ್ತಿಗಳು ಈ ಅಕ್ಕಿಯನ್ನು ಸೇವಿಸುವುದು ಉತ್ತಮ ಏಕೆಂದರೆ ಈ ಅಕ್ಕಿ ಗ್ಲುಟೆನ್ ರಹಿತವಾಗಿದ್ದು ಯಾವುದೇ ಬಗೆಯ ಅಲರ್ಜಿಯ ಲಕ್ಷಣವನ್ನು ಪ್ರಕಟಿಸುವುದಿಲ್ಲ.

To Read in English Click: 5 black foods you must incorporate in your diet