ಹಲ್ಲುಜ್ಜುವ ಸರಿಯಾದ ಕ್ರಮವನ್ನು ತಿಳಿದುಕೊಳ್ಳಿ

ಸುಂದರ ಹಲ್ಲುಗಳು ಮುಖದ ಸೌಂದರ್ಯವನ್ನು ಹೆಚ್ಚಿಸುತ್ತವೆ. ನಮ್ಮ ಹಲ್ಲಿನ ಆರೈಕೆ ಸರಿಯಾಗಿ ಮಾಡಿಕೊಳ್ಳುವುದು ನಮ್ಮದೇ ಜವಾಬ್ದಾರಿ. ಪ್ರತಿ ಬಾರಿಯೂ ಹಲ್ಲುಗಳ ಆರೋಗ್ಯ ಕಡೆಗಣಿಸಿದಾಗ ಸಮಸ್ಯೆ ಸೃಷ್ಟಿಯಾಗುತ್ತದೆ. ಕೆಲವೊಮ್ಮೆ ನಿಮ್ಮ ಗಮನಕ್ಕೆ ಬಾರದಂತೆ ವಸಡಿಗೆ ಗಾಯವಾಗಬಹುದು. ಆದರೆ ಅದಕ್ಕೆ ಪ್ರಮುಖ ಕಾರಣ ಸರಿಯಾದ ವಿಧಾನದ ಮೂಲಕ ಹಲ್ಲುಜ್ಜದೇ ಇರುವುದು.

ಬಹಳಷ್ಟು ಜನರು ಹಲ್ಲುಜ್ಜಲು ಸರಿಯಾದ ವಿಧಾನಗಳನ್ನು ಅನುಸರಿಸುವುದಿಲ್ಲ. ಆದರೆ ಅದಕ್ಕೊಂದು ಸಮರ್ಪಕ ವಿಧಾನವಿದೆ. ಅದನ್ನು ಅನುಸರಿಸದಿದ್ದರೆ ಹಲ್ಲು, ಹಲ್ಲಿನ ಬೇರು, ವಸಡುಗಳಿಗೆ ಅಪಾಯ ನಿಶ್ಚಿತ ಎನ್ನುತ್ತಾರೆ ದಂತ ವೈದ್ಯರು.

ಹಲ್ಲುಜ್ಜುವ ಸರಿಯಾದ ಕ್ರಮ

ಮೇಲಿನ ಮುಂದಿನ ಹಲ್ಲುಗಳಾದ ಬಾಚಿ ಹಲ್ಲುಗಳು, ಕೋರೆ ಹಲ್ಲುಗಳನ್ನು ಮೇಲಿನಿಂದ ಕೆಳಗೆ ಬರುವಂತೆ ಉಜ್ಜಬೇಕು.

ಕೆಳಗಿನ ಬಾಚಿ, ಕೋರೆ ಹಲ್ಲುಗಳನ್ನು ಬ್ರಶ್‌ ಕೆಳಗಿನಿಂದ ಮೇಲಕ್ಕೆ ಬರುವಂತೆ ಉಜ್ಜಬೇಕು.

ಮೇಲಿನ ಬಾಚಿ ಹಲ್ಲು, ಕೋರೆ ಹಲ್ಲುಗಳ ಒಳಗಿನ ಭಾಗವನ್ನು ಬ್ರಶ್‌ ತುದಿಯಿಂದ ಹಲ್ಲುಗಳನ್ನು ಉಜ್ಜಬೇಕು.

ಕೆಳಗಿನ ಬಾಚಿ ಹಲ್ಲು, ಕೋರೆ ಹಲ್ಲುಗಳ ಒಳಗಿನ ಭಾಗವನ್ನು ಬ್ರಶ್‌ ತುದಿಯಿಂದ ಉಜ್ಜಬೇಕು.

ಮೇಲಿನ ದವಡೆ ಹಲ್ಲುಗಳ ಹೊರ ಮತ್ತು ಒಳಭಾಗವನ್ನು 450 ಕೋನದಲ್ಲಿ ಬ್ರಶ್‌ನ್ನು ಇಟ್ಟು ಮೇಲಿನಿಂದ ಕೆಳಗೆ ಬರುವಂತೆ ಉಜ್ಜಬೇಕು.

ಕೆಳಗಿನ ದವಡೆ ಹಲ್ಲುಗಳ ಹೊರ ಮತ್ತು ಒಳಭಾಗವನ್ನು ಕೆಳಗಿನಿಂದ ಮೇಲಕ್ಕೆ ಬ್ರಶ್‌ ಮಾಡಬೇಕು.

ಗಮನಹರಿಸಿ

* ಹಲ್ಲಿನ ಸ್ವಚ್ಛತೆಗೆ ವಿಶೇಷ ಗಮನ ಹರಿಸಬೇಕು.

* ಹಲ್ಲುಜ್ಜುವ ಬ್ರಷ್ ಒರಟಿರಬಾರದು.

* ಆಮ್ಲೀಯ ವಸ್ತುವುಳ್ಳ ಆಹಾರ ಸೇವನೆ ಬೇಡ.

* ಕನಿಷ್ಠ ಆರು ತಿಂಗಳಿಗೊಮ್ಮೆ ಕ್ಲಿನಿಂಗ್ ಮಾಡಿಸಿದರೆ ಒಳ್ಳೆಯದು.