ಗರ್ಭಾವಸ್ಥೆಯಲ್ಲಿ ಪಾದಗಳಲ್ಲಿ ಉರಿ ಕಂಡು ಬರುವುದೇಕೆ?

ಗರ್ಭಾವಸ್ಥೆಯಲ್ಲಿ ಕೆಲವರಿಗೆ ಕಾಲಿನ ಪಾದಗಳಲ್ಲಿ ಉರಿ ಕಂಡು ಬರುತ್ತದೆ. ಈ ರೀತಿಯ ಸಮಸ್ಯೆ ಹಲವಾರು ಕಾರಣಗಳಿಂದ ಉಂಟಾಗುತ್ತವೆ. ಒಂದು ವೇಳೆ ನಿಮ್ಮ ಪಾದಗಳು ಬಳಲಿದ ಕಾರಣ ಈ ರೀತಿಯ ಉರಿ ಕಂಡು ಬರುತ್ತವೆ, ಇಲ್ಲದಿದ್ದರೆ ಗಂಭೀರವಾದ ಆರೋಗ್ಯ ಸಮಸ್ಯೆಯಿಂದಾಗಿ ಆ ರೀತಿ ಉಂಟಾಗುತ್ತಿರಬಹುದು.

ಗರ್ಭಾವಸ್ಥೆಯಲ್ಲಿ ಇದ್ದಕ್ಕಿದ್ದಂತೆ ತೂಕ ಹೆಚ್ಚಾಗುವುದರಿಂದ, ಹಾರ್ಮೋನ್‌ಗಳ ಬದಲಾವಣೆಯಿಂದ ಈ ರೀತಿ ಉಂಟಾಗುವುದು.
ಪಾದಗಳಲ್ಲಿ ಒಂದು ವಾರಕ್ಕಿಂತ ಮೇಲ್ಪಟ್ಟು ಈ ರೀತಿಯ ಉರಿ ಕಂಡು ಬರುತ್ತಿದ್ದರೆ ವೈದ್ಯರನ್ನು ಸಂಪರ್ಕಿಸುವುದು ಒಳ್ಳೆಯದು.

ಪಾದಗಳಲ್ಲಿ ಉರಿ ಕಂಡು ಬಂದರೆ ಈ ವಿಧಾನ ಪಾಲಿಸಿದರೆ ಉರಿ ಕಡಿಮೆಯಾಗುವುದು:

ಡಯಟ್: ಆರೋಗ್ಯಕರ ಕೊಬ್ಬಿನಂಶವಿರುವ ಆಹಾರ ತಿನ್ನಬೇಕು. ಮೀನು, ನಟ್ಸ್, ಅಗಸೆ ಬೀಜ, ಬೆಣ್ಣೆ ಹಣ್ಣು ಇವುಗಳನ್ನು ತಿನ್ನಿ. ಸಾಕಷ್ಟು ನೀರು ಕುಡಿಯಿರಿ. ಹಾಲಿನ ಉತ್ಪನ್ನಗಳನ್ನು ಸೇವಿಸಿ, ಸಕ್ಕರೆ ಹೆಚ್ಚಾಗಿ ತಿನ್ನಬೇಡಿ. ಸಾಕಷ್ಟು ನೀರು ಕುಡಿಯಬೇಕು, ದೇಹವನ್ನು ತಂಪಾಗಿ ಇಡುವ ಆಹಾವನ್ನು ಸೇವಿಸಿ.

ಕಂಫರ್ಟ್‌ ಶೂ: ಕಂಫರ್ಟ್ ಆದ ಶೂ ಧರಿಸಿ, ಇದರಿಂದ ರಕ್ತ ಸಂಚಾರ ಸರಿಯಾಗಿ ಆಗುವುದು.

ಆರೋಗ್ಯ ಸಮಸ್ಯೆಗಳು: ಲಿವರ್‌ ಹಾಗೂ ಕಿಡ್ನಿ ಸಮಸ್ಯೆ ಉಂಟಾದಾಗ ಈ ರೀತಿಯ ಲಕ್ಷಣಗಳು ಕಂಡು ಬರುವುದು. ದೇಹದಲ್ಲಿ ಸಕ್ಕರೆ ಪ್ರಮಾಣ, ಥೈರಾಯ್ಡ್ ಪ್ರಮಾಣ ಸರಿಯಾಗಿದೆಯೇ ಎಂದು ಪರೀಕ್ಷೆ ಮಾಡಿಸಿ.

ಹೈಡ್ರೋಥೆರಪಿ: ನಿಮ್ಮ ಪಾದಗಳನ್ನು ಒಂದು ಬಕೆಟ್ ತಣ್ಣೀರಿನಲ್ಲಿ 15 ನಿಮಿಷ ಇಡಿ. ಇದು ಪಾದಗಳಲ್ಲಿನ ಊತ ಕಮ್ಮಿ ಮಾಡುವುದು.

ರಕ್ತ ಸಂಚಾರ ಸರಿಯಾಗಿರಲು ಈ ರೀತಿ ಮಾಡಿ
ನೆಲದಲ್ಲಿ ಮಲಗಿ ಕಾಲುಗಳನ್ನು ಸ್ವಲ್ಪ ಮೇಲಕ್ಕೆ ಎತ್ತಿ ಸಣ್ಣ ಚೇರ್‌ ಅಥವಾ ದಿಂಬಿನ ಮೇಲೆ ಇಟ್ಟು 15 ನಿಮಿಷ ರಿಲ್ಯಾಕ್ಸ್ ಆಗಿ. ಇದರಿಂದ ರಕ್ತ ಸಂಚಾರ ಸರಿಯಾಗಿ ಆಗುವುದು.

ಲೈಫ್‌ಸ್ಟೈಲ್‌ನಲ್ಲಿ ಬದಲಾವಣೆ: ಡಯಟ್‌ ಪಾಲಿಸುವುದರ ಜತೆಗೆ ಧೂಮಪಾನ ಮತ್ತು ಮದ್ಯಪಾನ ಮಾಡಬಾರದು. ಸಣ್ಣ-ಪುಟ್ಟ ವ್ಯಾಯಾಮ ಆರೋಗ್ಯಕ್ಕೆ ಒಳ್ಳೆಯದು.

ವಿಟಮಿನ್‌ ಬಿ: ವಿಟಮಿನ್‌ ಬಿ ಇರುವ ಆಹಾರ ಸೇವಿಸಿ. ಇದರಿಂದ ರಕ್ತ ಸಂಚಾರ ಸರಿಯಾಗಿ ಆಗಿ ಪಾದಗಳಲ್ಲಿ ಉರಿ ಕಡಿಮೆಯಾಗುವುದು.