ಚಳಿಗಾಲ ನಿಮ್ಮನ್ನು ಮಾತ್ರವಲ್ಲ, ನಿಮ್ಮ ಹೃದಯವನ್ನು ಕೂಡ ನಡುಗಿಸುತ್ತದೆ!

• ಬಾಹ್ಯ ಅಂಶಗಳು
• ಚಳಿಗಾಲದಲ್ಲಿ ಅತಿಯಾದ ಚಳಿಯ ವಾತಾವರಣದಲ್ಲಿ ಇರುವುದು ರಕ್ತನಾಳಗಳನ್ನು ಸಂಕುಚಿತಗೊಳಿಸುವುದು.
• ಚಳಿಯಿಂದಾಗಿ ದೈಹಿಕ ಚಟುವಟಿಕೆಗಳ ಕೊರತೆ
• ಚಳಿಗಾಲದಲ್ಲಿ ವಾಯುಮಾಲಿನ್ಯ ಹೆಚ್ಚಾಗಿರುವುದು
• ಜ್ವರ ಅಥವಾ ಜ್ವರದಂತಹ ಸಮಸ್ಯೆಗಳಿಂದಾಗಿ ಹೃದಯದ ಸ್ಥಿತಿಯನ್ನು ಹದಗೆಡಿಸಬಹುದು.
• ಚಳಿಗಾಲದಲ್ಲಿ ಹೆಚ್ಚಾಗಿ ಒಳಗೆ ಇರುವ ಕಾರಣದಿಂದಾಗಿ ವಿಟಮಿನ್ ಡಿ ಕೊರೆಯು ಕಾಡುವುದು. ವಿಟಮಿನ್ ಡಿ ಕೊರತೆ ಯಿಂದಾಗಿ ಹೃದಯದ ಕಾಯಿಲೆಗಳ ಅಪಾಯವು ಹೆಚ್ಚು ಎಂದು ಅಧ್ಯಯನಗಳು ಹೇಳಿವೆ.
• ಆಂತರಿಕ ಅಂಶಗಳು
• ಚಳಿಯ ವಾತಾವರಣದಿಂದಾಗಿ ರಕ್ತವು ಹೆಪ್ಪುಗಟ್ಟುವ ಸಾಧ್ಯತೆಯು ಹೆಚ್ಚು
• ಕ್ಯಾಟೆಕೊಲಮೈನ್ ಅಥವಾ ಹಾರ್ಮೋನ್ ಅಧಿಕವಾಗಿ ಹೃದಯಕ್ಕೆ ಹಾನಿ ಉಂಟು ಮಾಡಬಹುದು.
• ಅಧಿಕ ರಕ್ತದೊತ್ತಡ ಅಥವಾ ಕೊಲೆಸ್ಟ್ರಾಲ್ ಮಟ್ಟವು ಚಳಿಗಾಲದಲ್ಲಿ ಹೆಚ್ಚಾಗುವ ಕಾರಣದಿಂದಾಗಿ ಹೃದಯ ಸಂಬಂಧಿ ಸಮಸ್ಯೆಗಳು ಬರುವುದು.

ಹೃದಯದ ಸಮಸ್ಯೆ ಇರುವಂತಹ ಜನರು ತಮ್ಮ ಆಹಾರ ಕ್ರಮ, ವ್ಯಾಯಾಮ, ಔಷಧಿ ಕಡೆಗೆ ಗಮನಹರಿಸಬೇಕು. ಅದೇ ರೀತಿ ನಿಯಮಿತವಾಗಿ ಪರೀಕ್ಷೆ ಮಾಡಿಸಿಕೊಳ್ಳಬೇಕು ಎಂದು ತಜ್ಞ ವೈದ್ಯರು ಹೇಳಿರುವರು.

ಆರೋಗ್ಯಕಾರಿ ಆಹಾರ

• ಹೃದಯಕ್ಕೆ ಆರೋಗ್ಯಕಾರಿ ಆಗಿರುವಂತಹ ಹಣ್ಣುಗಳು, ಸಲಾಡ್, ನಾರಿನಾಂಶ ಅಧಿಕವಾಗಿರುವ ಆಹಾರಗಳು, ಇಡೀ ಧಾನ್ಯಗಳು, ಬೀಜಗಳು, ಮೀನು ಮತ್ತು ತರಕಾರಿಗಳು ಅಪಧಮನಿ ಕಾಯಿಲೆಗಳು ಬರುವ ಅಪಾಯವನ್ನು ಕಡಿಮೆ ಮಾಡುವುದು.
• ಪರ್ಯಾಪ್ತ ಕೊಬ್ಬು, ಟ್ರಾನ್ಸ್ ಫ್ಯಾಟ್, ಕೊಲೆಸ್ಟ್ರಾಲ್ ಮತ್ತು ಸಿಹಿ ಇವುಗಳಿಂದ ದೂರವಿದ್ದರೆ ಹೃದಯಕ್ಕೆ ಒಳ್ಳೆಯದು. ಯಾವಾಗಲೂ ಬಿಸಿಯಾಗಿರುವ ಆಹಾರ ಮತ್ತು ಪಾನೀಯಗಳನ್ನು ಸೇವನೆ ಮಾಡಿದರೆ ಅದರಿಂದ ದೇಹಕ್ಕೆ ಶಕ್ತಿ ಸಿಗುವುದು. ತರಕಾರಿ ಸೂಪ್ ಸೇವನೆ ಮಾಡಿದರೆ ಆರೋಗ್ಯ ಕಾಪಾಡಬಹುದು.

• ಹೃದಯ ಮತ್ತು ದೇಹದ ಆರೋಗ್ಯ ಕಾಪಾಡಲು ವ್ಯಾಯಾಮ ಮಾಡಿ. ಚಳಿಗಾಲದಲ್ಲಿ ಆಲಸ್ಯವು ಹೆಚ್ಚು. ಇಂತಹ ಸಂದರ್ಭದಲ್ಲಿ ನಿಯಮಿತವಾಗಿ ವ್ಯಾಯಾಮ ಮಾಡಿ ಮತ್ತು ಹೊರಾಂಗಣ ಆಟಗಳನ್ನು ಆಡಿ.
• ಮನೆಯ ಒಳಗಡೆ ನೀವು ವ್ಯಾಯಾಮ ಮಾಡಬಹುದು. ಚಳಿಗಾಲದಲ್ಲಿ ಬೇಗ ಎದ್ದು ಜಾಗಿಂಗ್ ಗೆ ಹೋಗುವುದು ಒಳ್ಳೆಯ ಕ್ರಮವಲ್ಲ. ಇದರ ಬದಲಿಗೆ ಮನೆಯಲ್ಲೇ ವ್ಯಾಯಾಮ ಮಾಡಿ.

ದಪ್ಪಗಿನ ಒಂದು ಬಟ್ಟೆಯನ್ನು ಧರಿಸುವ ಬದಲು ನೀವು ಹಲವು ಬಟ್ಟೆಗಳನ್ನು ಧರಿಸಿ. ಇದರಿಂದ ಗಾಳಿಯು ಇದರ ನಡುವೆ ಇರುವುದು ಹಾಗೂ ಚಳಿಯು ಮೈಗೆ ಸೋಕದು. ಯಾವಾಗಲೂ ಕ್ಯಾಪ್ ಮತ್ತು ಸ್ಕಾರ್ಪ್, ಗ್ಲೌಸ್ ಮತ್ತು ಸಾಕ್ಸ್ ಧರಿಸಿ.

ಚಳಿಗಾಲದಲ್ಲಿ ನೀವು ಪದೇ ಪದೇ ಹೊರಗಡೆ ಹೋಗುವ ಬದಲು ಔಷಧಿ ಹಾಗೂ ಇತರ ಸಾಮಗ್ರಿಗಳನ್ನು ಮನೆಯಲ್ಲೇ ಶೇಖರಣೆ ಮಾಡಿಕೊಳ್ಳಿ. ಇದರಿಂದ ಮೆಡಿಕಲ್ ಗೆ ಹೊರಗಡೆ ಹೋಗಬೇಕಾಗಿಲ್ಲ. ನೀವು ವೈದ್ಯರಲ್ಲಿಗೆ ಭೇಟಿ ನೀಡಿ ಅವರಿಂದ ಸರಿಯಾಗಿ ಪರೀಕ್ಷೆ ಮಾಡಿಸಿಕೊಂಡು ಔಷಧಿ ಸೇವನೆ ಮಾಡಿ.