ಕರುಳಿನಲ್ಲಿ ಹುಳುಗಳು ಉಂಟಾಗಲು ಕಾರಣಗಳು
ಸಾಮಾನ್ಯವಾಗಿ ಮನುಷ್ಯನ ಕರುಳಿನಲ್ಲಿ ಕಂಡು ಬರುವ ಹುಳುಗಳು ಪರಾವಲಂಬಿ ಜೀವಿ ಎಂಬ ಹೆಸರು ಪಡೆದಿವೆ. ಇವುಗಳು 2 ಬಗೆಗಳಲ್ಲಿ ಕಂಡು ಬರುತ್ತವೆ. ರೌಂಡ್ ವರ್ಮ್ ( ಹುಕ್ ವರ್ಮ್ ಮತ್ತು ಪಿನ್ ವರ್ಮ್ ) ಮತ್ತು ಫ್ಲಾಟ್ ವರ್ಮ್ ( ಫ್ಲ್ಯೂಕ್ಸ್ ಮತ್ತು ಟೇಪ್ ವರ್ಮ್ ).
ನಮ್ಮ ದೇಹದಲ್ಲಿ ಈ ಕಣ್ಣಿಗೆ ಕಾಣುವ ಪರಾವಲಂಬಿ ಕ್ರಿಮಿಗಳು ಉಂಟಾಗಲು ಕಾರಣಗಳು ಹೀಗಿವೆ : -
ಕೊಳಕು ಆಹಾರ ಅಥವಾ ನೀರಿನ ಸೇವನೆ
ಸರಿಯಾಗಿ ಬೇಯಿಸದೆ ಮಾಂಸಾಹಾರ ಸೇವನೆ ಮಾಡುವುದು
ಕಲುಷಿತ ಮಣ್ಣು ಅಥವಾ ಮಲದ ಸಂಪರ್ಕ ಮಾಡುವುದು
ಸ್ವಚ್ಛತೆ ಕಾಪಾಡಿಕೊಳ್ಳದಿರುವುದು
ಸ್ಯಾನಿಟೇಷನ್ ಪ್ರಕ್ರಿಯೆ ಸರಿಯಾಗಿ ಆಗದಿರುವುದು
ಇಂತಹ ಕಲುಷಿತ ಆಹಾರ ಸೇವನೆ ಮಾಡಿದಾಗ ಅದರಲ್ಲಿರುವ ಸಣ್ಣ ಸಣ್ಣ ಹುಳುಗಳು ದೇಹ ಸೇರಿ ಅಲ್ಲಿ ತಮ್ಮ ಸಂತತಿಯನ್ನು ವೃದ್ಧಿಸಿಕೊಂಡು ಮನುಷ್ಯನ ಆರೋಗ್ಯವನ್ನು ಮುಖ್ಯವಾಗಿ ಕರುಳಿನ ಆರೋಗ್ಯವನ್ನು ಹಾನಿ ಮಾಡುತ್ತದೆ.
ಕರುಳಿನಲ್ಲಿ ಹುಳುಗಳಿದ್ದರೆ, ನಮಗೇನು ತೊಂದರೆ ?
ನಮ್ಮ ದೇಹದಲ್ಲಿ ಈ ಕೆಳಗಿನ ರೋಗ ಲಕ್ಷಣಗಳು ಕಂಡು ಬಂದರೆ ಕರುಳಿನಲ್ಲಿ ಹುಳುಗಳು ಇರಬಹುದೆಂದು ಶಂಕಿಸಬಹುದು.
ವಾಂತಿ
ಮಲಬದ್ಧತೆ
ತೀವ್ರ ಹೊಟ್ಟೆ ನೋವು
ಹೊಟ್ಟೆ ಉಬ್ಬರ
ಬೇಧಿ
ಇದ್ದಕ್ಕಿದ್ದಂತೆ ದೈಹಿಕ ತೂಕ ಕಡಿಮೆ ಆಗುವುದು.
ಕೆಲವು ಪ್ರಕರಣಗಳಲ್ಲಿ ಮಾತ್ರ ಅತಿಯಾದ ಆಮಶಂಕೆ ಉಂಟಾಗಿ ಮಲದಲ್ಲಿ ವಿಪರೀತ ರಕ್ತ ಮತ್ತು ಕಫ ಕಂಡು ಬರುತ್ತದೆ. ಕೆಲವು ಪ್ರಕರಣದಲ್ಲಿ ವ್ಯಕ್ತಿಯೊಳಗೆ ವರ್ಷಗಟ್ಟಲೆ ಈ ಹುಳುಗಳು ವಾಸವಿದ್ದರೂ ಯಾವುದೇ ರೋಗ ಲಕ್ಷಣಗಳು ಕಂಡು ಬರುವುದಿಲ್ಲ. ಆದರೆ ಆ ವ್ಯಕ್ತಿಯಲ್ಲಿ ಆ ನಂತರ ಕಂಡು ಬರುವ ರೋಗ ಲಕ್ಷಣಗಳು ಬೇರೆ ರೀತಿಯೇ ಇರುತ್ತವೆ.
ಯಾರಿಗೆಲ್ಲಾ ಕರುಳಿನ ಹುಳುಗಳಿಂದ ತೊಂದರೆ ಇರಬಹುದೆಂದು ಊಹಿಸಬಹುದು ?
ಮುಖ್ಯವಾಗಿ ಚಿಕ್ಕ ಮಕ್ಕಳು : - ಏಕೆಂದರೆ ಅವರು ಹೆಚ್ಚು ಮಣ್ಣಿನಲ್ಲಿ ಆಡುತ್ತಿರುತ್ತಾರೆ ಮತ್ತು ತಮ್ಮ ಕೊಳಕು ಕೈಗಳನ್ನು ಬಾಯಿಯಲ್ಲಿ ನೇರವಾಗಿ ಹಾಕಿಕೊಳ್ಳುತ್ತಾರೆ. ಮಣ್ಣ್ಣಿನಲ್ಲಿ ಹೆಚ್ಚು ಕಲುಷಿತ ವಾತಾವರಣ ಇರುವುದರಿಂದ ಹುಳುಗಳು ಸಲೀಸಾಗಿ ಮಕ್ಕಳ ಬಾಯಿಯೊಳಗೆ ಹೋಗಿ ಆರೋಗ್ಯಕ್ಕೆ ತುಂಬಾ ತೊಂದರೆ ಉಂಟು ಮಾಡುತ್ತವೆ.
ವಯಸ್ಸಾದ ವೃದ್ದರು : - ಮುಖ್ಯವಾಗಿ ವಯಸ್ಸಾದವರು ತುಂಬಾ ಎಚ್ಚರಿಕೆಯಿಂದ ಇರಬೇಕು. ಮೊದಲೇ ಅವರ ದೇಹದ ರೋಗ ನಿರೋಧಕ ಶಕ್ತಿ ಕಡಿಮೆ ಆಗಿರುತ್ತದೆ. ಹಾಗಾಗಿ ಸ್ವಲ್ಪ ರಿಸ್ಕ್ ಜಾಸ್ತಿ.
ಸ್ವಚ್ಛತೆ ಇಲ್ಲದ ಕಡೆಗಳಲ್ಲಿ ವಾಸ ಮಾಡಿಯುವ ಜನರು ಸದಾ ಕಲುಷಿತ ನೀರನ್ನು ಮತ್ತು ಕಲುಷಿತ ಆಹಾರ ಸೇವನೆಯಿಂದ ಈ ಹುಳುಗಳನ್ನು ತಂಮ್ಮ ದೇಹದದಲ್ಲಿ ಹೊಂದುವ ಸಾಧ್ಯತೆ ಇರುತ್ತದೆ.
ಮೇಲಿನ ಯಾವುದೇ ರೋಗ ಲಕ್ಷಣಗಳು ಕಂಡು ಬಂದಲ್ಲಿ ದಯವಿಟ್ಟು ನಿರ್ಲಕ್ಷ್ಯ ಮಾಡದೇ ವೈದ್ಯರ ಬಳಿ ಹೋಗಿ ಆರೋಗ್ಯ ಪರೀಕ್ಷಿಸಿ. ವೈದ್ಯರು ನಿಮ್ಮ ರೋಗ ಲಕ್ಷಣಗಳ ಆಧಾರದ ಮೇಲೆ ನಿಮಗೆ ಬಾಯಿಯ ಮೂಲಕ ತೆಗೆದುಕೊಳ್ಳುವ ಔಷಧಿಗಳನ್ನು ಕೊಡಬಹುದು. ಇಲ್ಲವೆಂದರೆ ಸಮಸ್ಯೆಗಳು ವಿಪರೀತವಾಗಿದ್ದಲ್ಲಿ ನಿಮ್ಮ ಮಲ ಪರೀಕ್ಷೆಗೆ ಸೂಚಿಸಬಹುದು.
ಕೆಲವು ಔಷಧಿಗಳನ್ನು ಖಾಲಿ ಹೊಟ್ಟೆಯಲ್ಲಿ ತೆಗೆದುಕೊಳ್ಳಬೇಕು, ಏಕೆ ಗೊತ್ತಾ?
ಚಿಕಿತ್ಸೆ ಹೇಗೆ ?
ಹಲವು ಬಾರಿ ನಮ್ಮ ದೇಹದಿಂದ ಈ ಹುಳುಗಳು ಕೆಲವು ದಿನಗಳು ಕಳೆದ ನಂತರ ತಾವಾಗಿಯೇ ನಿಷ್ಕ್ರಿಯಗೊಳ್ಳುತ್ತವೆ. ಮುಖ್ಯವಾಗಿ ಯಾರಿಗೆ ರೋಗ ನಿರೋಧಕ ಶಕ್ತಿ ಹೆಚ್ಚು ಬಲವಾಗಿರುತ್ತದೋ ಮತ್ತು ಹೆಚ್ಚು ಸ್ವಚ್ಛತೆಗೆ ಆದ್ಯತೆ ಕೊಡುತ್ತಾರೋ ಅವರಿಗೆ ಈ ಸಮಸ್ಯೆಗಳು ಕೆಲವು ದಿನಗಳ ನಂತರ ಇರುವುದಿಲ್ಲ. ಮಲದ ಮೂಲಕ ದೇಹದಿಂದ ಹೊರ ಹೋಗುತ್ತವೆ.
ಕೆಲವು ಬಾರಿ ವೈದ್ಯರು ಅಂತಿ ಪ್ಯಾರಾಸಿಟಿಕ್ ಔಷಧಿಗಳನ್ನು ತೆಗೆದುಕೊಳ್ಳಲು ಹೇಳುತ್ತಾರೆ. ಈ ಕೆಳಗಿನ ಲಕ್ಷಣಗಲ್ನ್ನು ನೀವು ಅನುಭವಿಸಿದರೆ ನಿಮಗೆ ವೈದ್ಯರ ಸಲಹೆ ಮತ್ತು ಔಷಧಿ ಅಗತ್ಯ ಎಂದು ಹೇಳಬಹುದು.
ಪ್ರತಿದಿನ ವಾಂತಿ ಆಗುವುದು
ಜ್ವರದ ಜೊತೆಗೆ ದೇಹದಲ್ಲಿ ನಿರ್ಜಲೀಕರಣ ಮತ್ತು ಆಯಾಸ
ಮಲದಲ್ಲಿ ರಕ್ತ ಮತ್ತು ಕಫದ ರೀತಿಯ ವಸ್ತು ಹೊರಬೀಳುವುದು
ವೈದ್ಯರು ನಿಮ್ಮ ದೇಹದಲ್ಲಿ ಕಂಡು ಬರುವ ಪರಾವಲಂಬಿ ಜೀವಿಯ ವಿಧವನ್ನು ಗುರುತಿಸಿ ನಂತರ ಅದಕ್ಕೆ ಸೂಕ್ತವಾದ ಚಿಕಿತ್ಸೆಯನ್ನು ಸೂಚಿಸಬಹುದು. ಆರಂಭದಲ್ಲೇ ಈ ಸಮಸ್ಯೆಯನ್ನು ಬಗೆಹರಿಸದಿದ್ದರೆ, ನಂತರ ಕರುಳಿನ ಹಿಡಿತ, ಅನೀಮಿಯಾ ಮತ್ತು ಇನ್ನಿತರ ಸೋಂಕುಗಳು ಎದುರಾಗುತ್ತವೆ. ವಿಶೇಷವಾಗಿ ಗರ್ಭಿಣಿ ಮಹಳೆಯರಿಗೆ ಮತ್ತು ಪುಟ್ಟ ಕಂದಮ್ಮಗಳಿಗೆ ಇದು ತುಂಬಾ ಅಪಾಯಕಾರಿ ಎಂದು ಹೇಳಲಾಗುತ್ತದೆ.
ನಿಮ್ಮ ಕಂಪ್ಯೂಟರ್ ಮತ್ತು ಮೊಬೈಲಿನ ನೀಲಿ ಬೆಳಕು ನಿಮ್ಮ ತ್ವಚೆಗೆಷ್ಟು ಹಾನಿಕರ ಎಂದು ಗೊತ್ತೇ?
ಕರುಳಿನ ಹುಳುಗಳಿಂದ ದೂರವಿರಲು ಕೆಲವು ಆರೋಗ್ಯಕರ ಟಿಪ್ಸ್ : -
ಸ್ವಚ್ಛತೆಯ ಕಡೆಗೆ ಹೆಚ್ಚು ಆದ್ಯತೆ ಕೊಡುವುದು
ಶುದ್ಧವಾದ ನೀರು ಮತ್ತು ಸ್ವಚ್ಛ ಆಹಾರ ಸೇವನೆ
ಬೇಯಿಸದ ಅಥವಾ ಅರ್ಧಂಬರ್ಧ ಬೇಯಿಸಿದ ಆಹಾರ ಸೇವನೆ ಬೇಡ
ಎಲ್ಲಾ ತರಕಾರಿ ಹಾಗು ಹಣ್ಣುಗಳನ್ನು ಚೆನ್ನಾಗಿ ತೊಳೆದು ನಂತರ ಸೇವನೆ ಮಾಡಿ
ಕಲುಷಿತ ವಾತಾವರಣದಿಂದ ದೂರವಿರಿ ವಿಶೇಷವಾಗಿ ಮಣ್ಣಿನ ವಾತಾವರಣದಿಂದ.