ಕೊರೊನಾ ಆಯ್ತು ಈಗ ಹ್ಯಾಂಟಾ ವೈರಸ್ ಬಂದುಬಿಟ್ಟಿದೆ! ಇರಲಿ ಎಚ್ಚರ

ಕೊರೊನಾ ವೈರಸ್ ನಿಂದ ಪ್ರಪಂಚವೆಲ್ಲಾ ಮರಗುತ್ತಿರುವಾಗ ಹ್ಯಾಂಟ ಎನ್ನುವ ಹೊಸ ವೈರಸ್ ಒಂದು ಕಾಣಿಸಿಕೊಂಡಿದೆ. ಚೀನಾದ ಹುವಾನ್ ಅಲ್ಲಿ ಈಗಾಗಲೇ ಹ್ಯಾಂಟ ವೈರಸ್‍ನಿಂದ ಓರ್ವ ವ್ಯಕ್ತಿ ಸಾವನ್ನಪ್ಪಿದ್ದಾನೆ. ಈ ಸಂಗತಿಯು ಇದೀಗ ಇನ್ನಷ್ಟು ಆತಂಕ ಹಾಗೂ ಚಿಂತೆಯನ್ನು ಸೃಷ್ಟಿಸಿದೆ. ಕೆಲವು ತಿಂಗಳ ಹಿಂದೆ ಕಾಣಿಸಿಕೊಂಡ ಕೊರೊನಾ ವೈರಸ್‍ನ ದಾಳಿಯಿಂದ ಇನ್ನೂ ಚೇತರಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಅಂತಹ ಆತಂಕದ ನಡುವೆ ಇದೀಗ ಇನ್ನೊಂದು ವೈರಸ್‍ನ ಆಗಮನವು ಮನುಕುಲದ ಉಳಿವಿಗೆ ಒಂದು ಸವಾಲನ್ನು ಒಡ್ಡಿದೆ..

'ಕೊರೊನಾ ವೈರಸ್‌' ನಿಂದ ಸುರಕ್ಷಿತವಾಗಿರಲು ಆಹಾರಕ್ರಮಗಳು ಹೀಗಿರಲಿ

ಜೀವ ಸಂಕುಲಕ್ಕೆ ಕಾಡುವ ಸಾವಿರಾರು ವೈರಸ್‍ಗಳಲ್ಲಿ ಹ್ಯಾಂಟ ವೈರಸ್ ಸಹ ಒಂದು. ಇದು ಇಲಿ ಮತ್ತು ದಂಶಕ ಪ್ರಾಣಿಗಳಿಂದ ಬರುವ ವೈರಸ್ ಎನ್ನಲಾಗುವುದು. ಈ ವೈರಸ್‍ನ ದಾಳಿಗೆ ಒಳಗಾದ ವ್ಯಕ್ತಿಯ ಮಲ, ಮೂತ್ರ ಮತ್ತು ಲಾಲಾ ರಸದಿಂದ ಹರಡುವುದು. ಸೋಂಕಿತ ಪ್ರಾಣಿ ಅಥವಾ ಮನುಷ್ಯನು ಇತರ ವ್ಯಕ್ತಿಗೆ ಕಚ್ಚುವುದರಿಂದಲೂ ಹರಡುವುದು. ಈ ಸೋಂಕು ಇದೀಗ ಚೀನಾದ ಹುವಾನ್ ವ್ಯಕ್ತಿ ಒಬ್ಬ ಈ ಸೊಂಕಿಗೆ ಒಳಗಾಗಿ ಸಾವನ್ನಪ್ಪಿದ್ದಾನೆ. ಇವನ ಸಾವಿಗೆ ಕಾರಣವನ್ನು ಪರೀಕ್ಷಿಸಿದಾಗ ಹ್ಯಾಂಟ ವೈರಸ್‍ಗೆ ಬಲಿಯಾಗಿರುವುದು ಪತ್ತೆಯಾಗಿದೆ. ಈಗ ಆ ವ್ಯಕ್ತಿಯ ಸಂಪರ್ಕದಲ್ಲಿ ಇದ್ದವರು ಸಹ ಸೋಂಕಿನ ತಪಾಸಣೆಗೆ ಒಳಗಾಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಭಾರತದಲ್ಲಿ ಈ ವೈರಸ್ 2008ರ ವೇಳೆಯಲ್ಲಿ ಇಲಿ ಮತ್ತು ಹಾವನ್ನು ಹಿಡಿಯುವ ಜನರ ಗುಂಪಿನಲ್ಲಿ ಕಂಡುಬಂದಿತ್ತು. 2016ರಲ್ಲಿ ಮುಂಬೈನ 12 ವರ್ಷದ ಮಗುವೊಂದು ಈ ಸೋಂಕಿನಿಂದ ಸಾವನ್ನಪ್ಪಿತ್ತು ಎನ್ನಲಾಗಿದೆ.

ಸೋಂಕು ಹರಡುವ ಕಾರಣಗಳು
ಕೆನಡಾ ಸರ್ಕಾರದ ಸಾರ್ವಜನಿಕ ಆರೋಗ್ಯ ಸೇವೆ ಸಂಸ್ಥೆಯ ಪ್ರಕಾರ, ದಂಶಕ ಪ್ರಾಣಿಗಳು ಮತ್ತು ಇಲಿಗಳ ಮೂತ್ರ, ಮಲ ಹಾಗೂ ಲಾಲಾರಸದಿಂದ ಈ ರೋಗಾಣು ಹರಡುವುದು. ಸೋಂಕಿತ ಪ್ರಾಣಿಗಳ ಮಲ ಮೂತ್ರಗಳನ್ನು ಸ್ವಚ್ಛಗೊಳಿಸುವಾಗ ಈ ಸೋಂಕು ಮನುಷ್ಯನಿಗೆ ಹರಡುವುದು. ವೈರಸ್ ಇರುವ ಪ್ರಾಣಿಗಳ ಉಸಿರು, ಎಂಜಲು ಅಥವಾ ಲಾಲಾರಸ ತಗುಲಿರುವ ಆಹಾರ ಪದಾರ್ಥ ಸೇವಿಸುವುದರಿಂದಲೂ ರೋಗ ಹರಡುವುದು. ಇಲಿ ಕಡಿಯುವುದರಿಂದಲೂ ಈ ರೋಗ ಕಾಣಿಸಿಕೊಳ್ಳುತ್ತದೆ. ಆದರೆ ಇದು ಅತ್ಯಂತ ಅಪರೂಪ ಎಂದು ಹೇಳಲಾಗುತ್ತದೆ. ಮನೆ ಮತ್ತು ಸುತ್ತಲಿನ ಪರಿಸರದಲ್ಲಿ ದಂಶಕಗಳು ಹೆಚ್ಚಾಗಿದ್ದರೆ ಪ್ರಾಥಮಿಕವಾಗಿ ಅಪಾಯವನ್ನು ಉಂಟುಮಾಡುವುದು. ಆರೋಗ್ಯವಂತ ವ್ಯಕ್ತಿ ಸಹ ಈ ವೈರಸ್‍ಗೆ ಒಳಗಾಗುವ ಸಾಧ್ಯತೆಗಳಿರುತ್ತವೆ.

ಕೊರೊನಾ ಭೀತಿ: ಕೈ ತೊಳೆಯುವಾಗ ಇವೆಲ್ಲಾ ಸಂಗತಿಗಳು ನೆನಪಿರಲಿ

ರೋಗ ಲಕ್ಷಣಗಳು
ಹ್ಯಾಂಟ ವೈರಸ್ ಕಡಿಮೆ ಅವಧಿಯ ತನಕ ಕಾಡುವುದು ಎಂದು ಹೇಳಲಾಗುವುದು. ಅಂದರೆ 1 ರಿಂದ 8 ವಾರಗಳ ಅವಧಿಯಲ್ಲಿ ಕಾಣಿಸಿಕೊಳ್ಳುವುದು. ಈ ಸೋಂಕು ತಗುಲಿದಾಗ ವ್ಯಕ್ತಿಯಲ್ಲಿ ಜ್ವರ, ಆಯಾಸ, ಸ್ನಾಯು ನೋವು ಕಂಡುಬರುತ್ತದೆ. ವಿಶೇಷವಾಗಿ ತೊಡೆ, ಸೊಂಟ, ಬೆನ್ನು ಮತ್ತು ಭುಜಗಳಲ್ಲಿ ಈ ನೋವು ಹೆಚ್ಚಾಗಿ ಕಾಣಿಸಿಕೊಳ್ಳುವುದು. ಕೆಲವು ವ್ಯಕ್ತಿಗಳಲ್ಲಿ ತಲೆನೋವು, ತಲೆ ಸುತ್ತು, ಶೀತ, ಹೊಟ್ಟೆ ನೋವು, ವಾಕರಿಕೆ ಮತ್ತು ವಾಂತಿ, ಅತಿಸಾರದಂತಹ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಸೋಂಕು ಹೆಚ್ಚಿದಂತೆ ಶ್ವಾಸಕೋಶದಲ್ಲಿ ದ್ರವ ತುಂಬಿಕೊಳ್ಳುವುದು. ಅದು ಉಬ್ಬಸವನ್ನು ಉಂಟುಮಾಡುವುದು. ಮುಖದಲ್ಲಿ ಉಬ್ಬು ಕಾಣಿಸಿಕೊಳ್ಳುವುದು.

ರೋಗ ನಿರ್ಣಯ ಮತ್ತು ಚಿಕಿತ್ಸೆ
ಹ್ಯಾಂಟ ವೈರಸ್‍ನ ರೋಗ ಲಕ್ಷಣಗಳು ಕೊರೊನಾ ರೋಗದಂತೆಯೇ ಇರುತ್ತದೆ. ರೋಗ ಲಕ್ಷಣಗಳು ಕೆಲವು ಜ್ವರ ಹಾಗೂ ಆಯಾಸದಿಂದ ಮೊದಲು ಕಾಣಿಸಿಕೊಳ್ಳುವುದು. ಇಲಿ ಹಾಗೂ ಹಾವುಗಳ ಸೋಂಕಿನಿಂದ ಈ ರೋಗಾಣು ಹರಡುವುದು. ಈ ಪ್ರಾಣಿಗಳನ್ನು ಹಿಡಿಯುವುದು ಅವುಗಳ ವಾಸದೊಂದಿಗೆ ಇರುವುವರಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುವುದು.

ಸೋಂಕಿಗೆ ಚಿಕಿತ್ಸೆ
ಹ್ಯಾಂಟ ಸೋಂಕಿಗೆ ಯಾವುದೇ ನಿರ್ದಿಷ್ಟ ಚಿಕಿತ್ಸೆ ಅಥವಾ ಔಷಧವಿಲ್ಲ. ಸೋಂಕು ಕಾಣಿಸಿಕೊಂಡಾಗ ಪ್ರಾಥಮಿಕ ಚಿಕಿತ್ಸೆ ನೀಡಲಾಗುವುದು. ರೋಗ ತೀವ್ರವಾದಾಗ ಆಕ್ಸಿಜನ್ ಚಿಕಿತ್ಸೆ ನೀಡಲಾಗುವುದು. ನಂತರ ಐಸಿಯು ಸೇವೆಯನ್ನು ಒದಗಿಸುವುದರ ಮೂಲಕ ವೈರಸ್ ನಿಂದ ಚಿಕಿತ್ಸೆ ನೀಡಲಾಗುವುದು. ಸೋಂಕು ಹಿಡಿತಕ್ಕೆ ಬಾರದೆ ತೀವ್ರತೆಯನ್ನು ಪಡೆದುಕೊಂಡಾಗ ವ್ಯಕ್ತಿ ಸಾವನ್ನಪ್ಪುವ ಸಾಧ್ಯತೆಗಳು ಇರುತ್ತವೆ ಎಂದು ಹೇಳಲಾಗುವುದು.

ಆರೋಗ್ಯ ಟಿಪ್ಸ್: ಇನ್‌ಫೆಕ್ಷನ್ ತಡೆಯಲೂ ಉಂಟು ಪರಿಹಾರ

ತಡೆಗಟ್ಟುವ ಕ್ರಮ
ಮನೆಯಲ್ಲಿ ಕೀಟಾಣು ಹಾಗೂ ಇಲಿಯಂತಹ ದಂಶಕಗಳ ಸಂಪರ್ಕದಿಂದ ದೂರ ಉಳಿಯಬೇಕು. ಮನೆ ಹಾಗೂ ಮನೆಯ ಸುತ್ತಲ ಪ್ರದೇಶವನ್ನು ಕೀಟನಾಶಕಗಳಿಂದ ಸ್ವಚ್ಛಗೊಳಿಸಬೇಕು. ಸ್ವಚ್ಛತೆಯನ್ನು ಕಾಯ್ದುಕೊಂಡಾಗ ವ್ಯಕ್ತಿ ಸಾಕಷ್ಟು ರೋಗಗಳಿಂದ ದೂರ ಉಳಿಯಬಹುದು.