ತೀವ್ರತರ ಒತ್ತಡದಿಂದ ಸ್ತನ ಕ್ಯಾನ್ಸರ್ ಉಲ್ಬಣ

ಬೀಜಿಂಗ್: ತೀವ್ರತರವಾದ ಒತ್ತಡವು ಸ್ತನ ಕ್ಯಾನ್ಸರ್ ಬೆಳವಣಿಗೆಯನ್ನು ಹೆಚ್ಚಿಸುತ್ತದೆ ಎಂದು ಇತ್ತೀಚಿಗೆ ಚೀನಾದಲ್ಲಿ ನಡೆದ ಸಂಶೋಧನೆಯಿಂದ ಬಹಿರಂಗವಾಗಿದೆ.

ಕ್ಯಾನ್ಸರ್ ರೋಗಿಗಳು ಸಾಮಾನ್ಯವಾಗಿ ಆತಂಕ, ಹತಾಶೆ ಮತ್ತು ಭಯದಂತಹ ನಕಾರಾತ್ಮಕ ಭಾವನೆಗಳಿಂದ ಬಳಲುತ್ತಿರುತ್ತಾರೆ. ಇವುಗಳು ಕ್ಯಾನ್ಸರ್ ಗಡ್ಡೆಯ ಬೆಳವಣಿಗೆಗೆ ಅನುಕೂಲವಾಗುವ ಅಪಾಯಕಾರಿ ಅಂಶಗಳು ಮತ್ತು ಕ್ಯಾನ್ಸರ್ ಹರಡುವಿಕೆಯನ್ನು ಉತ್ತೇಜಿಸುತ್ತವೆ ಎಂದು ಸಂಶೋಧಕರು ಅಭಿಪ್ರಾಯ ಪಟ್ಟಿದ್ದಾರೆ. ಆದಾಗ್ಯೂ, ತೀವ್ರತರವಾದ ಒತ್ತಡ ಕ್ಯಾನ್ಸರ್ ಬೆಳವಣಿಗೆಯನ್ನು ಹೇಗೆ ಪ್ರಭಾವಿಸುತ್ತದೆ ಎಂಬುದಕ್ಕೆ ನಿರ್ದಿಷ್ಟ ಕಾರಣಗಳು ತಿಳಿದು ಬಂದಿಲ್ಲ.

ಚೀನಾದ ಡೇಲಿಯನ್ ಮೆಡಿಕಲ್ ಯುನಿವರ್ಸಿಟಿಯ ಸಂಶೋಧಕರು ದೀರ್ಘಕಾಲದ ಒತ್ತಡ ಎಪಿನ್ಫ್ರಿನ್ ಮಟ್ಟವನ್ನು ಹೆಚ್ಚಿಸಬಹುದೆಂದು ಕಂಡುಕೊಂಡಿದ್ದಾರೆ. ಇದು ಲ್ಯಾಕ್ಟೇಟ್ ಡಿಹೈಡ್ರೋಜಿನೇಸ್ ಎ (ಎಲ್ಡಿಎಚ್ಎ) ಅನ್ನು ಹೆಚ್ಚಿಸುತ್ತದೆ ಮತ್ತು ಸೆಲ್‌ನಂತಹ ಸ್ತನ ಕ್ಯಾನ್ಸರ್ ಸ್ಟೆಮ್‌ಗಳನ್ನು ಉತ್ತೇಜಿಸುತ್ತದೆ ಎಂದು ಕ್ಸಿನ್ಹುಆ ವರದಿ ಮಾಡಿದೆ.

ಸ್ತನ ಕ್ಯಾನ್ಸರ್ ಕೋಶಗಳಲ್ಲಿ ಸ್ಟೆಮ್‌ನಂತಹವುಗಳನ್ನು ಉತ್ತೇಜಿಸುವಲ್ಲಿ ಮಾನಸಿಕ ಅಂಶಗಳು ನಿರ್ಣಾಯಕ ಮಹತ್ವವನ್ನು ತೋರಿಸಿರುವ ಈ ಸಂಶೋಧನೆ, ಸ್ತನ ಕ್ಯಾನ್ಸರ್‌ಗೆ ಭರವಸೆಯ ಚಿಕಿತ್ಸಕ ವಿಧಾನವನ್ನು ಒದಗಿಸಲಿದೆ, ಎಂದು ವಿಶ್ವವಿದ್ಯಾನಿಲಯದ ಪ್ರಮುಖ ಸಂಶೋಧಕ ಲಿಯು ಕ್ವಿಯಾಂಗ್ ಹೇಳಿದ್ದಾರೆ.

LDHA- ಕಡಿಮೆಗೊಳಿಸುವ ಏಜೆಂಟ್ ವಿಟಮಿನ್ C ಒತ್ತಡ-ಸಂಬಂಧಿತ ಸ್ತನ ಕ್ಯಾನ್ಸರ್ ಅನ್ನು ಎದುರಿಸುವಲ್ಲಿ ಸಹಾಯಕವಾಗಬಹುದು ಎಂದು ಅವರು ಭರವಸೆ ವ್ಯಕ್ತ ಪಡಿಸಿದ್ದಾರೆ. ಈ ಸಂಶೋಧನಾ ವರದಿ ಜರ್ನಲ್ ಆಫ್ ಕ್ಲಿನಿಕಲ್ ಇನ್ವೆಸ್ಟಿಗೇಶನ್‌ನಲ್ಲಿ ಪ್ರಕಟವಾಗಿತ್ತು.

ಸ್ತನ ಕ್ಯಾನ್ಸರ್, ಅಂಡಾಶಯದ ಕ್ಯಾನ್ಸರ್ ಮತ್ತು ಹೊಟ್ಟೆ ಕ್ಯಾನ್ಸರ್‌ನಿಂದ ಬಳಲುತ್ತಿರುವ ರೋಗಿಗಳು ಸಾಮಾನ್ಯವಾಗಿ ನಕಾರಾತ್ಮಕ ಭಾವನೆಗಳನ್ನು ಹೊಂದಿರುವುದನ್ನು , ಮತ್ತಿದು ಕ್ಯಾನ್ಸರ್ ಗಡ್ಡೆಗಳ ಬೆಳವಣಿಗೆಯನ್ನು ಹೆಚ್ಚಿಸುತ್ತದೆ ಎಂಬುದನ್ನು ಕ್ವಿಯಾಂಗ್ .

ಮನೋವೈಜ್ಞಾನಿಕ ಚಿಕಿತ್ಸೆ ತೆಗೆದುಕೊಳ್ಳುವ ಮೂಲಕ ಮತ್ತು ಎಪಿನ್ಫ್ರಿನ್ ಮಟ್ಟವನ್ನು ಒಳಗೊಂಡಿರುವ ರಕ್ತ ಪರೀಕ್ಷೆಗಳನ್ನು ನಡೆಸುವ ಮೂಲಕ ತಮ್ಮ ದೀರ್ಘಕಾಲದ ಒತ್ತಡವನ್ನು ತಹಬಂಧಿಗೆ ತರುವುದು ಅಗತ್ಯವಾಗಿದೆ ಎಂದವರು ಸಲಹೆ ನೀಡುತ್ತಾರೆ.