ಸೊಂಟದ ಸುತ್ತಳತೆ ಕಡಿಮೆ ಮಾಡುವ ಕೊತ್ತಂಬರಿ ಪಾನೀಯ

ಮೈ ತೂಕ ಕರಗಿ ಬಳಕುವ ಬಳ್ಳಿಯಂತಾಗಬೇಕು ಎಂದು ಬಯಸಿದ ತಕ್ಷಣ ಬಾಡಿ ಪರ್ಫೆಕ್ಟ್ ಶೇಪ್‌ಗೆ ಬರುವುದಿಲ್ಲ, ಅದಕ್ಕಾಗಿ ಶ್ರಮ ಪಡಬೇಕು, ತಾಳ್ಮೆಬೇಕು.

ವ್ಯಾಯಾಮದ ಜತೆಗೆ ಸರಿಯಾದ ಡಯಟ್‌ ಪಾಲಿಸಿದರೆ ಬಳಕುವ ಮೈ ಪಡೆಯುವುದು ಸಾಧ್ಯವಾಗದೇ ಇರುವ ಕಾರ್ಯವೇನಲ್ಲ. ಕೆಲವೊಂದು ಆಹಾರಗಳು ಮೈ ತೂಕ ಕಡಿಮೆ ಮಾಡುವಲ್ಲಿ ತುಂಬಾ ಸಹಕಾರಿಯಾಗಿವೆ.

ಇಲ್ಲಿ ತೂಕ ಇಳಿಕೆಗೆ ಸಹಕಾರಿಯಾದ ಕೊತ್ತಂಬರಿ ಪಾನೀಯ ಬಗ್ಗೆ ಹೇಳಲಾಗಿದೆ ನೋಡಿ.

ಕೊತ್ತಂಬರಿ ಸೊಪ್ಪು ಜೀರ್ಣಕ್ರಿಯೆಗೆ ತುಂಬಾ ಸಹಕಾರಿ ಹಾಗೂ ಹಸಿವು ಹೆಚ್ಚುವಂತೆ ಮಾಡುವುದು ಎಂದು ಅನೇಕ ಅಧ್ಯಯನಗಳು ಹೇಳಿವೆ. ಜೀರ್ಣಕ್ರಿಯೆ ಚೆನ್ನಾಗಿ ನಡೆದರೆ ಸಮತೂಕ ಮೈಕಟ್ಟು ನಿಮ್ಮದಾಗುವುದು.
ಜೀರ್ಣಕ್ರಿಯೆ ಚೆನ್ನಾಗಿ ನಡೆಯದಿದ್ದರೆ ಚಯಪಚಯ ಕ್ರಿಯೆ ನಿಧಾನವಾಗಿ ಮೈ ತೂಕವನ್ನು ಹೆಚ್ಚಿಸುತ್ತದೆ.

ಕೊತ್ತಂಬರಿ ಪಾನೀಯ ಮಾಡುವುದು ಹೇಗೆ?
ಈ ಪಾನೀಯವನ್ನು 2 ವಿಧದಲ್ಲಿ ಮಾಡಿ ಕುಡಿಯಬಹುದು.

1. 10-20 ಕೊತ್ತಂಬರಿ ಸೊಪ್ಪನ್ನು ರಾತ್ರಿ ನೆನೆ ಹಾಕಬೇಕು, ನಂತರ ಆ ನೀರನ್ನು ಸೋಸಿ ಮಾರನೇಯ ದಿನ ಬೆಳಗ್ಗೆ ಕುಡಿಯಬೇಕು, ಇದಕ್ಕೆ ಒಂದು ಚಮಚ ನಿಂಬೆರಸ ಹಾಕಿ ಕುಡಿದರೆ ಮತ್ತಷ್ಟು ಒಳ್ಳೆಯದು.
2. ಸೊಪ್ಪನ್ನು ಚೆನ್ನಾಗಿ ತೊಳೆದು ಗ್ರೈಂಡ್ ಮಾಡಿ. ಅದಕ್ಕೆ ಅರ್ಧ ಕಪ್ ಬಿಸಿ ನೀರು ಹಾಕಿ, ನಂತರ ಜೇನು, ನಿಂಬೆರಸ ಹಾಕಿ ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ.

ನೆನಪಿಡಿ
ಗರ್ಭಿಣಿಯಾಗಿದ್ದರೆ, ಗರ್ಭಿಣಿಯಾಗಲು ಬಯಸಿದ್ದರೆ ಈ ಪಾನೀಯ ಕುಡಿಯಬೇಡಿ. ಇನ್ನು ಏನಾದರೂ ಆರೋಗ್ಯ ಸಮಸ್ಯೆ ಇರುವವರು ಈ ಪಾನೀಯ ಕುಡಿಯುವ ಮುನ್ನ ವೈದ್ಯರ ಸಲಹೆ ಪಡೆಯಿರಿ.