ಆದರೆ ಅಲ್ಜೈಮರ್‌ಕಾಯಿಲೆಯ ರೋಗಲಕ್ಷಣಗಳನ್ನು ಕಂಡು ಹಿಡಿದುಕೊಳ್ಳಲು ನೀವು ಹೀಗೊಂದು ಪ್ರಯತ್ನ ಮಾಡಬಹುದು. ಮೂತ್ರ ವಿಸರ್ಜನೆಯ ಸಂದರ್ಭದಲ್ಲಿ ಕಂಡು ಬರುವ ಮೂತ್ರದ ವಾಸನೆಯ ಪ್ರಕಾರ ಮೆದುಳಿನ ಆರೋಗ್ಯ ಸಮಸ್ಯೆಯನ್ನು ಸುಲಭವಾಗಿ ಪತ್ತೆ ಹಚ್ಚಬಹುದು.
ಏಕೆಂದರೆ ಅಲ್ಜೈಮರ್‌ಕಾಯಿಲೆ ಮನುಷ್ಯನ ಹಲವಾರು ಕಾಯಿಲೆಗಳಲ್ಲಿ ಅಪರೂಪದ್ದು. ವಿಜ್ಞಾನಿಗಳು ಹೇಳುವ ಹಾಗೆ ಇದರ ಮೊದಲ ಪ್ರಯೋಗ ಇಲಿಗಳ ಮೇಲೆ ನಡೆದಿದೆ. ಮೆದುಳಿನಲ್ಲಿ ಅಮೈಲಾಯ್ಡ್ ಅಂಶಗಳು ಶೇಖರಣೆಯಾಗಿ ಅಲ್ಜೈಮರ್‌ಕಾಯಿಲೆಗೆ ಕಾರಣವಾಗುತ್ತದೆ ಎಂಬ ಸತ್ಯ ಬಯಲಾಗಿದೆ.
ಅಧ್ಯಯನಗಳ ವರದಿ ಪ್ರಕಾರ
ಅಧ್ಯಯನಗಳು ಹೇಳುವಂತೆ, ರಾಸಾಯನಿಕ ಅವಲೋಕನಗಳು ಮತ್ತು ವರ್ತನೆಯ ಆಧಾರದ ಮೇಲೆ ಇಲಿಗಳು ಉತ್ಪತ್ತಿ ಮಾಡಿದ ಮೂತ್ರದ ವಾಸನೆಯ ಮೂಲಕ ಅಲ್ಜೀಮರ್ ಕಾಯಿಲೆಯನ್ನು ಪತ್ತೆ ಹಚ್ಚುವ ಕಾರ್ಯವಿಧಾನವನ್ನು ರೂಪಿಸಲಾಯಿತು.
ಇದರ ಆಧಾರದ ಮೇಲೆ ಇಲಿಗಳ ಮೆದುಳಿನ ಪರೀಕ್ಷೆ ನಡೆಸಿದ ನಂತರದಲ್ಲಿ ಅಮೈಲಾಯ್ಡ್ ಅಂಶಗಳು ಹೆಚ್ಚಾಗಿ ಶೇಖರಣೆಯಾಗಿರುವ ವಿಚಾರ ತಿಳಿದು ಬಂದಿತ್ತು. ಇದರಿಂದ ಅಲ್ಜೈಮರ್‌ಕಾಯಿಲೆ ಬಹುತೇಕ ಇರುವುದು ಖಚಿತವಾಯಿತು.
ಇಲಿಗಳ ಮೇಲೆ ಪ್ರಯೋಗ ಮಾಡಿ ನೋಡಲಾಯಿತಂತೆ!
ನಿಮಗೆಲ್ಲ ಗೊತ್ತಿರುವ ಹಾಗೆ ಸಂಶೋಧಕರು ಮನುಷ್ಯರ ಮೇಲೆ ಯಾವುದೇ ಪ್ರಯೋಗಗಳನ್ನು ಮಾಡುವ ಮುಂಚೆ ಇಲಿಗಳ ಮೇಲೆ ಪ್ರಯೋಗಾಲಯದಲ್ಲಿ ಪರೀಕ್ಷೆಗೆ ಮುಂದಾಗುತ್ತಾರೆ.
ಅದೇ ರೀತಿ ಆನಂತರದಲ್ಲಿ ಮನುಷ್ಯರ ಮೇಲೆ ಪ್ರಯೋಗ ನಡೆಸಿ ಆರೋಗ್ಯ ಸಮಸ್ಯೆಗಳನ್ನು ಪತ್ತೆ ಹಚ್ಚುತ್ತಾರೆ.
ಮೂತ್ರದ ವಾಸನೆ ಬದಲಾಗುವುದು ಏಕೆ?
ಈ ಹಿಂದೆ ನಡೆದ ಸಂಶೋಧನೆಯ ಅಧ್ಯಯನದ ವರದಿಯ ಪ್ರಕಾರ ಯಾವುದೇ ವ್ಯಕ್ತಿಯಲ್ಲಿ ಔಷಧಿ ತೆಗೆದುಕೊಂಡಾಗ ಅಥವಾ ವೈರಸ್ ಸಂತತಿ ಹೆಚ್ಚಾದಾಗ ಆತನ ಮೈ ಬೆವರು ಮತ್ತು ಮೂತ್ರದ ವಾಸನೆ ಸಂಪೂರ್ಣವಾಗಿ ಬದಲಾವಣೆ ಕಾಣುತ್ತದೆ.
ಆದರೆ ಕೇವಲ ಇಷ್ಟಕ್ಕೆ ವ್ಯಕ್ತಿಯಲ್ಲಿ ಅಲ್ಜೈಮರ್‌ಕಾಯಿಲೆ ಇದೆ ಎಂದು ಹೇಳಲು ಬರುವುದಿಲ್ಲ. ಡಿಎನ್ಎ ಅಂಶದ ಪ್ರಕಾರದಲ್ಲಿ ಬದಲಾವಣೆ ಕಂಡು ಬಂದ ಸಮಯದಲ್ಲಿ ಈ ಒಂದು ನಿರ್ಧಾರಕ್ಕೆ ಬರಬಹುದು.
ಈ ಆಹಾರಗಳನ್ನು ಹೆಚ್ಚಾಗಿ ತಿಂದ್ರೆ, ಮೂತ್ರ ಕೆಟ್ಟ ವಾಸನೆ ಬರುತ್ತದೆಯಂತೆ!
ಇಲಿಗಳ ಅನುವಂಶೀಯ ಪ್ರಕಾರಗಳಿಂದ ಮನುಷ್ಯರ ಕಾಯಿಲೆಗಳು ಪತ್ತೆಯಾಗುತ್ತವೆ
- ಸಂಶೋಧಕರು ಹೇಳುವಂತೆ ಅಲ್ಜೈಮರ್‌ಕಾಯಿಲೆ ಮನುಷ್ಯರ ಮೆದುಳಿಗೆ ಸಂಬಂಧ ಪಟ್ಟ ಕಾಯಿಲೆಯಾಗಿದೆ.
- ಆದರೆ ಸಂಶೋಧಕರು ಇಲಿಗಳ ಮೇಲೆ ಪ್ರಯೋಗ ನಡೆಸುವ ಸಲುವಾಗಿ ಬೀಟಾ - ಪ್ರೋಟಿನ್ ಎನ್ನುವ ಅಂಶವನ್ನು ಇಲಿಗಳ ದೇಹದ ಅನುವಂಶೀಯ ಪ್ರಕಾರಗಳಿಗೆ ಸೇರಿಸಿ ನಂತರ ಬರುವ ಫಲಿತಾಂಶವನ್ನು ತಮ್ಮ ಸಂಶೋಧನೆಯ ವರದಿಯ ಅನ್ವೇಷಣೆಗಾಗಿ ಬಳಸಿಕೊಂಡಿದ್ದಾರೆ.
- ಅತಿಯಾದ ಅಮೈಲಾಯ್ಡ್ ಬೀಟಾ ಪ್ರೋಟಿನ್ ಅಂಶಗಳು ಇಲಿಗಳ ಮೆದುಳಿನಲ್ಲಿ ಪ್ಲೇಕ್ ಅಂಶವನ್ನು ರೂಪುಗೊಳ್ಳುವಂತೆ ಮಾಡಿ ಅಲ್ಜೈಮರ್‌ಕಾಯಿಲೆಯ ಇರುವಿಕೆಯನ್ನು ಸೂಚಿಸಿವೆ.
- ಇದಾದ ನಂತರದಲ್ಲಿ ಇಲಿಗಳ ವರ್ತನೆ ಕೂಡ ಬದಲಾಗಿದೆ. ಇದಕ್ಕೆ ಮುಖ್ಯ ಕಾರಣ ಅವುಗಳ ದೇಹದ ಡಿಎನ್ಎ ಅಂಶದ ಬದಲಾವಣೆ. ಇಲಿಗಳ ಮೂತ್ರದ ವಾಸನೆ ರಾಸಾಯನಿಕ ಅಂಶಗಳಿಂದ ತುಂಬಿದ್ದ ಕಾರಣ ತುಂಬಾ ಗಾಢವಾದ ಮತ್ತು ಹೊಸದಾಗಿ ಕಂಡುಬರುತ್ತಿದ್ದ ವಾಸನೆಯ ರೀತಿ ಸಂಶೋಧಕರಿಗೆ ಅರಿವಾಯಿತು.
ಅಲ್ಜೀಮರ್ ಕಾಯಿಲೆಗೆ ವಯಸ್ಸಿನ ಅಡ್ಡಿಯಿಲ್ಲ
ಇನ್ನೊಂದು ಮುಖ್ಯ ವಿಚಾರವೆಂದರೆ ಸಂಶೋಧಕರು ಯಾವುದೇ ವಯಸ್ಸಿನ ಇಲಿಗಳ ಮೇಲೆ ಪ್ರಯೋಗ ಮಾಡಿದರು ಇದೇ ರೀತಿಯ ಫಲಿತಾಂಶಗಳು ಕಂಡುಬರುತ್ತಿತ್ತು.
ಹಾಗಾಗಿ ಅವರ ನಿರ್ಧಾರದ ಪ್ರಕಾರ ಒಬ್ಬ ಮನುಷ್ಯನ ವಯಸ್ಸು ಅಲ್ಜೈಮರ್‌ಕಾಯಿಲೆಗೆ ಯಾವುದೇ ರೀತಿಯ ಸಂಬಂಧವನ್ನು ಹೊಂದಿರುವುದಿಲ್ಲ ಎಂಬುದು ಅರಿವಾಯಿತು.
ಇದರಿಂದ ಸಂಶೋಧಕರು ಕೇವಲ ವ್ಯಕ್ತಿಯ ಡಿಎನ್ಎ ಅಂಶದಲ್ಲಿ ಬದಲಾವಣೆ ಕಂಡು ಬಂದರೆ ಸಾಕು ವ್ಯಕ್ತಿಯ ಮೂತ್ರದ ವಾಸನೆ ಬೇರೆ ರೀತಿಗೆ ತಿರುಗಿ ಅಲ್ಲಿಂದ ಆತನಲ್ಲಿ ಅಲ್ಜೈಮರ್‌ಕಾಯಿಲೆ ಇರುವಿಕೆಯನ್ನು ಪತ್ತೆ ಹಚ್ಚಲು ನೆರವಾಗುತ್ತದೆ ಎಂದು ಹೇಳಿದರು.