ಅದೇ ರೀತಿ ಅರಿಶಿನ ಬಳಸಿ ದೇಹದಲ್ಲಿರುವ ಹೆಚ್ಚುವರಿ ತೂಕ ಇಳಿಸಬಹುದು. ಹೌದು, ಅರಶಿನ ಬಳಸಿದರೆ ಅದರಿಂದ ನಮ್ಮ ದೇಹದಲ್ಲಿನ ಹೆಚ್ಚುವರಿ ತೂಕ ಇಳಿಸಬಹುದು. ಇದರಿಂದ ದೇಹವನ್ನು ಸಮತೋಲಿತ, ಆರೋಗ್ಯಕಾರಿ ಆಗಿ ಇಡಬಹುದು.
ಬೊಜ್ಜು ದೇಹವೆಂದರೆ ಅದು ಹಲವಾರು ರೀತಿಯ ಅನಾರೋಗ್ಯಗಳಿಗೆ ಕಾರಣವಾಗುವುದು. ಬೊಜ್ಜು ದೇಹವು ನಮ್ಮ ಜೀವನಶೈಲಿ ಹಾಗೂ ಆಹಾರ ಕ್ರಮದಿಂದಾಗಿ ಬರುವುದು. ಹೀಗಾಗಿ ಸರಿಯಾದ ಆಹಾರ ಕ್ರಮವಿದ್ದರೆ ಆಗ ದೇಹದ ತೂಕ ಕಾಪಾಡಿಕೊಳ್ಳಬಹುದು. ಈ ಲೇಖನದಲ್ಲಿ ನಾವು ನಿಮಗೆ ಅರಶಿನ ಬಳಸಿಕೊಂಡು ತೂಕ ಇಳಿಸುವುದು ಹೇಗೆ ಎಂದು ತಿಳಿಸಲಿದ್ದೇವೆ.
ಹೊಟ್ಟೆಯ ಕೊಬ್ಬು ಕರಗಿಸಲು ಅರಶಿನ ಹೇಗೆ ನೆರವಾಗುವುದು?
ಅರಶಿನವನ್ನು ಭಾರತೀಯ ಸಂಸ್ಕೃತಿಯಲ್ಲಿ ಶುಭ ಕಾರ್ಯಕ್ರಮಗಳಲ್ಲಿ ಹೆಚ್ಚಾಗಿ ಬಳಕೆ ಮಾಡುವರು. ಇದರಲ್ಲಿ ಇರುವಂತಹ ಔಷಧೀಯ ಗುಣಗಳು ಕೂಡ ಅಪಾರ ವಾಗಿರುವಂತದ್ದಾಗಿದೆ.
ಹೀಗಾಗಿ ಇಂದು ವಿದೇಶದಲ್ಲಿ ಕೂಡ ಇದನ್ನು ಬಳಕೆ ಮಾಡುವರು. ತೂಕ ಇಳಿಸಿಕೊಳ್ಳಲು ನಿಮಗೆ ಇಷ್ಟವಿದ್ದರೆ ಆಗ ನೀವು ನೇರವಾಗಿ ಅಡುಗೆ ಮನೆಗೆ ಹೋಗಿ ಅಲ್ಲಿ ಅರಶಿನ ತೆಗೆದುಕೊಂಡು ಬಳಸಿ. ಅರಶಿನವನ್ನು ಪ್ರತಿಯೊಂದು ಅಡುಗೆಗೆ ಬಳಕೆ ಮಾಡಲಾಗುತ್ತದೆ. ಇದರಲ್ಲಿ ಪ್ರತಿರೋಧಕ ಶಕ್ತಿ ವೃದ್ಧಿಸುವಂತಹ ಗುಣವು ಇದೆ. ಹೀಗಾಗಿ ಅರಶಿನವು ತುಂಬಾ ಜನಪ್ರಿಯವಾಗುತ್ತಲಿದೆ.
ತೂಕ ಇಳಿಸಲು, ಹೊಟ್ಟೆ ಕೊಬ್ಬು ಕರಗಿಸಲು
ಬಂಗಾರದ ಬಣ್ಣ ಹೊಂದಿರುವ ಈ ಬೇರಿನಲ್ಲಿ ವೈರಲ್ ವಿರೋಧಿ, ಉರಿಯೂತ ಶಮನಕಾರಿ, ಆಂಟಿಆಕ್ಸಿಡೆಂಟ್, ಸೂಕ್ಷ್ಮಾಣು ವಿರೋಧಿ ಗುಣಗಳು ಇವೆ. ಈ ಅದ್ಭುತವಾದ ಗಿಡಮೂಲಿಕೆ ಯಲ್ಲಿ ಕರ್ಕ್ಯೂಮಿನ್ ಎನ್ನುವ ಪ್ರಮುಖ ಉರಿಯೂತ ಶಮನಕಾರಿ ಆಗಿದೆ.
ದೇಹದಲ್ಲಿನ ಉರಿಯೂತ ಕಡಿಮೆ ಮಾಡುವಲ್ಲಿ ಇದು ಪ್ರಮುಖ ಪಾತ್ರ ವಹಿಸುವುದು. ಬೊಜ್ಜು ದೇಹದಲ್ಲಿ ಉರಿಯೂತವು ಹೆಚ್ಚಾಗಿ ಕಂಡುಬರುವುದು. ಅರಶಿನದಲ್ಲಿ ಇರುವಂತಹ ಕರ್ಕ್ಯೂಮಿನ್ ಅಂಶವು ಬೊಜ್ಜಿನ ವಿರುದ್ಧ ಹೋರಾಡುವುದು ಮತ್ತು ದೇಹದಲ್ಲಿ ಇರುವಂತಹ ಕೊಬ್ಬನ್ನು ಕಡಿಮೆ ಮಾಡುವುದು. ಹೀಗಾಗಿ ಇದು ತೂಕ ಇಳಿಸಲು ತುಂಬಾ ಸಹಕಾರಿ ಎಂದು ಅಧ್ಯಯನಗಳು ಕಂಡುಕೊಂಡಿವೆ.
ತುಳಸಿ ಚಹಾ ಕುಡಿದ್ರೆ, ಯಾವುದೇ ಸೈಡ್ ಎಫೆಕ್ಟ್ ಇಲ್ಲದೇ ತೂಕ ಇಳಿಸಬಹುದು
ಅರಶಿನದ ಇತರ ಲಾಭಗಳು
ಅರಶಿನವು ಹೊಟ್ಟೆಯ ಆರೋಗ್ಯವನ್ನು ಸುಧಾರಣೆ ಮಾಡುವುದು ಇದರ ಪರಿಣಾಮವಾಗಿ ತೂಕ ಕಡಿಮೆ ಆಗುವುದು. ಹೊಟ್ಟೆಯಲ್ಲಿ ಮೇದೋಸ್ರಾವು ಹೆಚ್ಚಾಗಿ ಜೀರ್ಣಕ್ರಿಯೆಗೆ ಸಹಕರಿಸುವುದು. ಹೀಗಾಗಿ ಗ್ಯಾಸ್ ಮತ್ತು ಹೊಟ್ಟೆ ಉಬ್ಬರ ತಡೆಯಬಹುದು.
ಅರಶಿನದಲ್ಲಿ ಇರುವಂತಹ ಕರ್ಕ್ಯೂಮಿನ್ ಥರ್ಮೊಜೆನಿಸ್ ನ್ನು ಉತ್ತೇಜಿಸುವುದು ಮತ್ತು ಇದರಿಂದ ದೇಹದಲ್ಲಿ ಕೊಬ್ಬು ಕರಗಿಸುವ ಪ್ರಕ್ರಿಯೆಗೆ ಹೆಚ್ಚು ವೇಗ ಸಿಗುವುದು ಮತ್ತು ಚಯಾಪಚಯ ವೃದ್ಧಿಯಾಗುವುದು ಮತ್ತು ತೂಕ ಇಳಿಸಲು ಇದು ಸಹಕಾರಿ ಆಗಿರುವುದು. ತೂಕ ಇಳಿಸಿಕೊಳ್ಲಲು ನೀವು ಅರಶಿನ ಬಳಸುವುದಾದರೆ ಅದಕ್ಕೆ ನಾವು ನಿಮಗೆ ಒಳ್ಳೆಯ ವಿಧಾನ ತಿಳಿಸಿಕೊಡಲಿದ್ದೇವೆ.
ತೂಕ ಇಳಿಸಲು ಅರಶಿನ
ಬೇಕಾಗುವ ಸಾಮಗ್ರಿಗಳು
- ಒಂದು ಲೋಟ ನೀರು
- ಒಂದು ಚಮಚ ತಾಜಾ ತುರಿದ ಅರಶಿನ
- ಒಂದು ಚಿಟಿಕೆ ಕರಿಮೆಣಸಿನ ಹುಡಿ
ದಿನಾ ಒಂದು ಗ್ಲಾಸ್ ಅರಿಶಿನ ಹಾಲು ಕುಡಿದರೆ ಈ ಕಾಯಿಲೆಗಳೆಲ್ಲಾ ದೂರ
ದೇಹ ನಿರ್ವಿಷಗೊಳಿಸುವಂತಹ ಅರಿಶಿನ ಟೀ ತಯಾರಿಸುವುದು ಹೇಗೆ
ಒಂದು ಲೋಟ ನೀರನ್ನು ಬಿಸಿ ಮಾಡಿ ಮತ್ತು ಇದಕ್ಕೆ ಅರಶಿನ ಮತ್ತು ಕರಿಮೆಣಸನ್ನು ಹಾಕಿ. ಅರಶಿನದಲ್ಲಿ ಇರುವಂತಹ ಕರ್ಕ್ಯೂಮಿನ್ ಅಂಶವನ್ನು ಕರಿಮೆಣಸು ಹೀರಿಕೊಳ್ಲುವುದು. ಇದೆರಡು ಸರಿಯಾಗಿ ಮಿಶ್ರಣವಾಗಲು ನೀವು ಬಿಡಬೇಕು.
ನೀರು ಸರಿಯಾಗಿ ಕುದಿಸಿದ ಬಳಿಕ ನೀವು ಇದನ್ನು ಬಿಸಿ ಹಾರಲು ಬಿಡಿ ಮತ್ತು ಸೋಸಿಕೊಂಡು ಕಪ್ ಗೆ ಹಾಕಿ ಮತ್ತು ಇದನ್ನು ಅರಶಿನವನ್ನು ಟೀ ರೂಪದಲ್ಲಿ ಕುಡಿಯಿರಿ. ಇದಕ್ಕೆ ನೀವು ಜೇನುತುಪ್ಪ ಅಥವಾ ಬೆಲ್ಲವನ್ನು ಹಾಕಬಹುದು.
Read in English : Belly fat burner: This one spice can boost your weight loss plan