120 ಕೆಜಿ ಇದ್ದ ಹುಡುಗ 90ಕೆಜಿಗೆ ಇಳಿಯಲು ಮಾಡಿದ್ದೇನು ಗೊತ್ತೇ?

ಅತಿಯಾದ ತೂಕ ಮನುಷ್ಯನನ್ನು ಎಲ್ಲಿಲ್ಲದೆ ಕುಗ್ಗಿಸುತ್ತದೆ. ಕಾಲೇಜು, ಕೆಲಸದ ಸ್ಥಳ, ಮನೆಯ ಸುತ್ತಮುತ್ತ, ಸ್ನೇಹಿತರೊಡನೆ ಇತ್ಯಾದಿ ಎಲ್ಲರಲ್ಲೂ ತಮಾಷೆಗೆ ಗುರಿಯಾಗುವ ಸನ್ನಿವೇಷಗಳೂ ಹೆಚ್ಚಿರುತ್ತದೆ.

ಇಂತಹುದೇ ಸ್ಥಿತಿಯಲ್ಲಿದ್ದ ಪ್ರೇರಕ್ ಕಲ್ರಾ ಎಂಬ 20 ವರ್ಷದ ಯುವಕ ಒಂದೂವರೆ ವರ್ಷದಲ್ಲಿ 126 ಕೆಜಿಯಿಂದ 90 ಕೆಜಿಗೆ ತೂಕ ಇಳಿಸಿಕೊಂಡಿದ್ದಾನೆ.

ಹೀಗಾಗಿ ಪ್ರಯತ್ನ ಹಾಗೂ ಸಾಧನೆ, ಅತ್ಯುತ್ತಮ ಜೀವನ ಶೈಲಿ ರೂಪಿಸಿಕೊಳ್ಳುವುದರಿಂದ ತೂಕ ಇಳಿಸುವುದು ಅಸಾಧ್ಯವಾದುದಲ್ಲ ಎಂದು ಈತ ನಿರೂಪಿಸಿದ್ದಾನೆ. 5.7 ಅಡಿ ಎತ್ತರ ಇದ್ದ ಪ್ರೇರಕ್‌ಗೆ ಆತನ ದೇಹವೇ ದೊಡ್ಡ ಸಮಸ್ಯೆಯಾಗಿ ಪರಿಣಮಿಸಿತ್ತು. ಇದರಿಂದ ಆತ ಕಾಲೇಜಿಗೆ ತೆರಳಲೂ ಹಿಂಜರಿಕೆ ಪಡುತ್ತಿದ್ದ.

ಶಾಲಾ ದಿನಗಳಲ್ಲಿ ಸ್ಥೂಲಕಾಯತೆ ಆತನಿಗೆ ದೊಡ್ಡ ಸಮಸ್ಯೆ ಎಂಬುದು ಗಮನಕ್ಕೇ ಬಂದಿಲ್ಲವಂತೆ! ಕಾಲೇಜಿನಲ್ಲಿ ತನ್ನ ದೇಹ ಸೌಂದರ್ಯದ ಬಗ್ಗೆ ಚಿಂತೆಯಾಗತೊಡಗಿದೆ. ಎಲ್ಲರಂತೆ ನಾನೂ ಫಿಟ್‌ ಆಗಿ ಕಾಣಬೇಕೆಂದು ನಿರ್ಧಾರ ಮಾಡಿದ ಪ್ರೇರಕ್‌, ಕಟ್ಟುನಿಟ್ಟಿನ ಡಯಟ್‌ ಆರಂಭಿಸಿದ್ದಾನೆ.

ಬೆಳಗ್ಗೆ 2ಆಮ್ಲೆಟ್‌, ಬ್ರೌನ್‌ ಬ್ರೆಡ್‌, ಮಧ್ಯಾಹ್ನ ಒಂದು ಕಪ್‌ ಬ್ರೌನ್‌ ರೈಸ್‌ ಹಾಗೂ ತರಕಾರಿಗಳು, ಹಾಗೂ ರಾತ್ರಿ ಊಟದ ವೇಳೆ 250 ಗ್ರಾಂನಷ್ಟು ಗ್ರಿಲ್ಡ್‌ ಚಿಕನ್‌ ಮಾತ್ರವೇ ಸೇವಿಸತೊಡಗಿದ್ದಾನೆ. ವಾರದಲ್ಲಿ ಒಂದು ದಿನ ವರ್ಕೌಟ್‌ಗೆ ರಜೆ ನೀಡುತ್ತಿದ್ದ ಪ್ರೇರಕ್‌, ವ್ಯಾಯಾಮಕ್ಕೆ ಮುನ್ನ ಹಾಗೂ ನಂತರವೂ ಅಗತ್ಯವಾದ ಆಹಾರ ತೆಗೆದುಕೊಳ್ಳುತ್ತಿದ್ದ. ವರ್ಕೌಟ್‌ ಬಳಿಕ ಚಿಕನ್‌ ತಿಂದರೆ, ವ್ಯಾಯಾಮಕ್ಕೆ ಮುನ್ನ ಬ್ಲಾಕ್‌ ಕಾಫಿ ಸೇವಿಸುತ್ತಿದ್ದ.

ಏತನ್ಮಧ್ಯೆ ಕೋಕಕೋಲಾ ಸೇವಿಸುತ್ತಿದ್ದ ಪ್ರೇರಕ್‌, ಇದನ್ನು ಸಂಪೂರ್ಣವಾಗಿ ಬಿಟ್ಟು, ಗ್ರೀನ್‌ ಟೀ ಕುಡಿಯಲು ಆರಂಭಿಸಿ, ಜೀವನ ಕ್ರಮ ಬದಲಾವಣೆ ಮಾಡಿಕೊಂಡಿರುವುದಾಗಿ ಪ್ರೇರಕ್‌ ಹೇಳಿದ್ದಾನೆ. ಅಷ್ಟೇ ಅಲ್ಲ, ಎಲ್ಲರಿಗೂ ತಮ್ಮ ಕಾಲೇಜು ಜೀವನದ ಮೊದಲ ದಿನ ಅತ್ಯಂತ ವಿಶಿಷ್ಟವಾಗಿರುತ್ತದೆ. ನನ್ನ ದೇಹದಿಂದಾಗಿ ನನ್ನಲ್ಲಿ ಭರವಸೆ, ಆತ್ಮವಿಶ್ವಾಸವೇ ಮಾಯವಾಗಿತ್ತು. ಜೀವನ ಶೈಲಿಯಲ್ಲಿನ ಬದಲಾವಣೆ, ನಿತ್ಯ ವ್ಯಾಯಾಮ, ಆಹಾರ ಕ್ರಮದಲ್ಲಿ ನಿಯಂತ್ರಣ ಸೇರಿದಂತೆ ಇನ್ನಿತರ ಅಭ್ಯಾಸಗಳಿಂದ ನಾನು ಫಿಟ್‌ ಆಗಿದ್ದೇನೆ. ಮುಂದಿನ ದಿನದಲ್ಲೂ ಇನ್ನಷ್ಟು ತೂಕ ಇಳಿಸುವ ಪ್ರಯತ್ನ ಮಾಡಲಿದ್ದೇನೆ ಎಂದು ಪ್ರೇರಕ್‌ ಹೇಳಿದ್ದಾನೆ.