ದಿನಾ ನಿಂಬೆಹಣ್ಣಿನ ಪಾನಕ ಕುಡಿಯಬಾರದು ಕಾರಣ ಇಲ್ಲಿದೆ ನೋಡಿ...

• ಪ್ರತಿದಿನ ನಿಂಬೆಹಣ್ಣಿನ ನೀರು ಕುಡಿಯುತ್ತಾ ಹೋದರೆ ಕ್ರಮೇಣವಾಗಿ ಹಲ್ಲುಗಳು ಹಾಳಾಗುತ್ತವೆ. ಮುಖ್ಯವಾಗಿ ಹಲ್ಲುಗಳ ಮೇಲ್ಪದರ ಹಾಳಾಗುತ್ತದೆ ಎಂದು ಹೇಳುತ್ತಾರೆ.
• ಇದಕ್ಕೆ ಕಾರಣವೆಂದರೆ ನಿಂಬೆಹಣ್ಣಿನ ಜ್ಯೂಸ್ ನಲ್ಲಿ ಕಂಡುಬರುವ ಆಮ್ಲೀಯತೆ. ನಿಂಬೆ ಹಣ್ಣಿನ ಜ್ಯೂಸ್ ಕುಡಿದ ನಂತರದಲ್ಲಿ ನೀವು ಸಾಧಾರಣ ನೀರಿನಲ್ಲಿ ಬಾಯಿ ಮುಕ್ಕಳಿಸುವುದು ಒಳ್ಳೆಯದು.

ಹೌದು, ನಿಂಬೆಹಣ್ಣಿನ ನೀರನ್ನು ಸ್ವಲ್ಪ ಹೆಚ್ಚಾಗಿ ಕುಡಿದರೆ ವಾಕರಿಕೆ ಮತ್ತು ಎದೆಯುರಿ ಬರುತ್ತದೆ. ಏಕೆಂದರೆ ಇದರಲ್ಲಿ ಆಮ್ಲಿಯತೆ ಹೆಚ್ಚಾಗಿರುತ್ತದೆ. ಅದರಲ್ಲೂ ವಿಶೇಷವಾಗಿ ವಯಸ್ಸಾದವರಿಗೆ ಮತ್ತು ಗರ್ಭಿಣಿ ಮಹಿಳೆಯರಿಗೆ ಇದು ಸಾಮಾನ್ಯವಾದ ಸಂಗತಿಯಾಗುತ್ತದೆ.

ನಿಂಬೆ ಹಣ್ಣಿನ ನೀರು ಹೆಚ್ಚಿನ ಪ್ರಮಾಣದಲ್ಲಿ ತೆಗೆದುಕೊಂಡರೆ ಹೊಟ್ಟೆ ಕಿವುಚಿದ ಅನುಭವ ಸಹ ಆಗುತ್ತದೆ. ಕೆಲವರಿಗೆ ಇದರಿಂದ ಗ್ಯಾಸ್ಟ್ರಿಕ್ ಸಹ ಆಗಬಹುದು. ಅದೇನೇ ಇರಲಿ ಯಾವುದಕ್ಕೂ ಈ ವಿಚಾರದಲ್ಲಿ ನಿಯಂತ್ರಣವನ್ನು ಕಾಯ್ದುಕೊಳ್ಳುವುದು ಒಳ್ಳೆಯದು.

• ಕೆಲವರಿಗೆ ದೇಹದಲ್ಲಿ ನಿರ್ಜಲೀಕರಣ ಸಮಸ್ಯೆ ಕಂಡುಬರುತ್ತದೆ. ನಿಂಬೆಹಣ್ಣಿನ ನೀರನ್ನು ಪ್ರತಿದಿನ ಕುಡಿಯುವ ಅಭ್ಯಾಸ ಇದ್ದವರಿಗೆ ಅಸ್ಕಾರ್ಬಿಕ್ ಆಮ್ಲ ದೇಹಕ್ಕೆ ಹೆಚ್ಚು ಸೇರುತ್ತದೆ ಮತ್ತು ಇದು ಮೂತ್ರವರ್ಧಕ ಕೂಡ.
• ಹೀಗಾಗಿ ಇದು ಪ್ರಮುಖವಾಗಿ ಕಿಡ್ನಿಗಳ ಮೇಲೆ ಪ್ರಭಾವ ಬೀರುತ್ತದೆ ಮತ್ತು ಕಿಡ್ನಿಗಳಿಂದ ಹೆಚ್ಚಿನ ನೀರನ್ನು ಹೊರಹಾಕಲು ಅನುಕೂಲ ಮಾಡಿಕೊಡುತ್ತದೆ. ಸಾಕಷ್ಟು ಬಾರಿ ಬಾತ್ರೂಮ್ಗೆ ಹೋಗಬೇಕು ಎನಿಸುವಂತೆ ಆಗುತ್ತದೆ.